ZEKARIA 2:4 - AMÜSÜH HÜM CL Bible (BSI)

⁴ tüsho api ki tha, “Alihang, ju athrününgtsüng mihtsürü ki thaang: Jirusalem ju mihtsürü tüsho shiwüh hihkhinü chipi mayündoride alabah.

ZEKARIA 2:4 Iomraidhean Croise

ESTER 9:19

Jumonü kiulongbo ching larü Jihudarübonü Adar khinu thürükheak phüyi nimung ju asühachihde, tüsho tsühyungachihde khülangnü khülang thsambah jihachihde mungchoh.

ISAIA 33:20

Zion kheak kheahang, thüniopü mokhitkhi isa kiuto! Nüsa müknü Jirusalem ngübah, keamramkhi lapung, makhinkhi khimyam, küpü dungjingbo küyimki she muthokhitbe la, tüsho müyihshakpü la.

ISAIA 44:26

shepünü api yamlarü yu mütsanmükhishih, tüsho api yunithsürünü müchitkhi dünjishih; shepünü Jirusalem dünkheak tha, “Ha ching mihtsürü labah,” tüsho Juda kiutobo dünkheak, “Arübo athsülobah, tüsho inü arü athsümünimkhi yihmusubah;”

ISAIA 49:20

Nü mitripkhi kim ching zübekhi tsührünü nünü sode athabah: “Ha dangpung I thsungkheaknü khide mütsümlah; I lapü thsungkheak akhiungshak thsüjang.”

ISAIA 54:16

Kheahang, yingkingrü inü athrünkheah, shepünü mokhih yüntrucho tüsho yihnüpü thsüde thsühnuk kingkhitcho; alaksahpü thsüde athsümünimrü she inü thrün.

JEREMIA 1:6

Judüki inü tha, “Ah, Atungpuh Thrünpuh ! Kheahang, inü küde athabanü mümükheah, tümüde I azürü nunu khülang ah.”

JEREMIA 31:24

Tüsho Juda le kiutobo alala ju ching rukhüh labah, tüsho thulu thsürü le tsotsahrümtsahrü arü mihnubo bebah alabah.

JEREMIA 31:27

Atungpuhnü thachoh, Israel yamkhün tüsho Juda yamkhün kheak mihtsürü tüsho shiwüh müjihbo hiupü nimung tsükjide arado.

JEREMIA 33:22

Thüning ching chiningbo mükhekhamkhi nangde tüsho keto loyi madünkhukkhi nangde, inü I yamlarü David tsührü, tüsho I tankihrü Levirü bushihbah.

EZEKIEL 38:11

Nünü athabah, “Chipi ayünkhi kiulongbo azhihde inü wutubah; chipibo, akhrihbebo yungsho chipiripitbo mülakhi, mungtsü mihtsürü sühakhim ching larü kheak inü akeambah”;

DANIEL 1:17

Harü athrününgtsüng phüyi kilim Thrünpuhnü mükheahmudu tüsho yuthrüt alala ching ayeanzam tüsho lümlung jih; Daniel she michihbo tüsho milimbo alala ching anikhitkhi lakheah.

DANIEL 1:4

athrününgtsüng mihtsürü shihphü ching areak mülarü tüsho trungdung atsü, lümlung ching thsambah larü, mükheahmudu lakhi tüsho nahde anikhitrü, kiulongthsüpuh yam ching tankihpü athülün; arü ki Kaldearü yuthrüt tüsho yutha thsangyupü lakheah.

MIKA 7:11

Nü chipibo thsüpü nimung arüchoh! Ju nimungnü aredung shude akhinbah.

ZEKARIA 1:16

Jumonü Atungpuhnü ha thachoh, Inü muzhode Jirusalem kilim rholodo, I yam ju ching thsübah, Wuto Atungpuhnü thachoh, tüsho kiuto thsülobah.

ZEKARIA 1:17

Zhiloang: Wuto Atungpuhnü ha thachoh: I kiutobo kheaküshe lakhitnü azhikhiukbah; Atungpuhnü kheaküshe Zion shukheambah tüsho Jirusalem mokhitlobah.

ZEKARIA 12:6

Ju nimung ching inü Juda gukbo ju sangrhungkihkhi kheak mophüh nangde, hineang bolung motru nangde akamshihbah; tüsho arünü tsülim tüsho huzulim mükamde alakhi mihtsürübo aniubah, judüki Jirusalem a anihbe lapung ching lalobah.

ZEKARIA 14:12

Ha Jirusalem azhihde thirithsürü mihtsürü alala kheak Atungpuhnü ashikpü arüm-tukthsü lah: arü jing kihde alachoki arü yin shuhbah; arü mükbo tüsho arü mulobo shuhabahbah.

1 TIMOTHI 4:12

Nü athunuchoki shenü she mükhemükim düthsüshih, tüshe akinrübo ki thiyu thakhi, rhimokhi, amuzho, akin tüsho atsangkhitkhi ching amütsan laang.