ZEKARIA 2:13 - AMÜSÜH HÜM CL Bible (BSI)

¹³ Mihtsürü alala Atungpuh miki zhikde laang; tümüde api amüsüh lapung chingnü api arüchoh.

ZEKARIA 2:13 Iomraidhean Croise

2 KIUTHSÜYUKHEAN 30:27

Judüki amükeamrü tüsho Levirünü wusu tüsho mihtsürübo müngühjih, tüsho arü düsheak so; arü tamkhüntamnü ju api amüsüh lapung yinmi ching arü.

MUNGSHIKHÜN 11:4

Atungpuh ju api amüsüh arüngyam ching lah, Atungpuh kiulongthsü-binkiu yinmi ching lah; apinü lüpdükhi ching mihtsürübo kheahchoh; tüsho arü tümü rhimochonü mükheahlah.

MUNGSHIKHÜN 46:10

Zhikde laang, tüsho I Thrünpuh ah de mükheahang; trükshih bolung I shuhkihbah, alomi ching I shuhkihbah!

MUNGSHIKHÜN 68:5

Mürerü abuh tüsho khimoberü tsungdojihrü Thrünpuh ju api amüsüh lapung ching lah.

MUNGSHIKHÜN 78:65

Judüki Atungpuh ju ayapkhi chingnü nangde, sühmüh larü mihtsürü yukhunü müshanga arungshihkhi nangde asürü.

ISAIA 14:2

Tüsho trükshihbonü arübo arü lapung ching bedarübah, tüsho arübo Atungpuh khah ching Israel yo athrürü tüsho aliberü azhorü thsübah; arünü arü ramrü rama lubah, tüsho arü junorü kurungkheak yakzan shuhbah.

ISAIA 19:16

Ju nimung Ijiprü ju azoberü nangde alabah, tüsho Wuto A TU N GPU H khah arü azhihde ashuhkihkhi müngüh ajande atripbah.

ISAIA 41:1

Malande I ki aniang, O keyean lomibo; mihtsürübo arü sühmüh aso kamshang; arü arüshang, tüsho arünü asukshang; mahkhappü thsungkheak isa rukhühnü phünide aranü.

ISAIA 51:9

Asürang, asürang, sühmüh zahang, O Atungpuh khah! Asürang, awün nimungbo, adüso lünbo nangde! Rahab adütre kamde khapthünakkhi, ke-rimri chinkhitbuh nü yung de?

ISAIA 57:15

Tümüde Khide Achangbuhnü ha thachoh, shepü akheam mülade la, shepü mung Amüsüh la: mulong müthrirü tüsho me ching azhihayihrü lung, me ching azhihayihrü müthriloshihpü, tüsho mulong müthrirü müthriloshihpü I achang tüsho amüsüh dangpung ching lah.

ISAIA 57:5

nüsa thülamsang khüp, sangdung phüyak aban khüp müzammüramrübo; nüsa tsührübo jindükhün ching, lunghü khün ching laksahrübo?

ISAIA 63:15

Yinmi chingnü, nü yo amüsüh tüsho müretahkhi lapung chingnü abinkhia kheahang. Nü künkhi tüsho nü wu-sühmüh küching la? Nü amuzho tüsho nü lümrhihkhi thsü küching la? Arübo isa kheaknü tukloa lah.

JEREMIA 25:30

Jumonü nünü arü azhihde harü yubo alala müchitbah: Alomi ching larü alala azhihde Atungpuhnü achang kheaknü ahukbah, tüsho api amüsüh lapung chingnü api düsheak thsübah; apinü api lomi azhihde todakde ahukbah, tüsho kurungaso-nitrü nangde ahobah.

HABAKKUK 2:20

Tüshe Atungpuh api amüsüh arüngyam ching lah; alomi alalanü api miki malande laang!

ZEPHANIA 1:7

Atungpuh Thrünpuh miki zhikde laang! Tümüde Atungpuh nimung khah ki lah; Atungpuhnü shuhmülanga jihpü thsakhamlah; apinü api hanrübo jiyukdo.

ZEPHANIA 2:9

Jumonü Wuto Atungpuh Israel Thrünpuhnü thachoh, I lale, Moab ju Sodom nangde tüsho Amonrü ju Gomorra nangde ayangbo tüsho thimi khün lakhi lomi kambah, tüsho lünnü thsümünima labah. I mihtsürü aningkhinü arü yankhia lubah tüsho I trükshih rhangdung larünü arü müküh-a lubah.

ZEPHANIA 3:8

Jumonü Atungpuhnü thachoh, inü thiyumütsan thsüde wusurüpü nimung aleangang. Tümüde inü apungkhikhi ju trükshihbo bemukhungpü, kiulongthsübo bemukhungpü, arü kheak I mulong zhipzhip tüsho bukakhiukkhi dungkihpü lah; tümüde I bukakhiukde mo trukhi ching alomi alala aniuabahbah.

ZEKARIA 4:9

“Zerubbabel khahbonü ha yam khimtan thsüdo; api khahbonü ju she athsükhibah. Judüki Wuto Atungpuhnü I nüsa kilim thiyikheah de nüsanü amükheahbah.

ZEKARIA 6:15

Sherübo limshude lanü arübah tüsho Atungpuh yam thsüpü rungbah; tüsho Wuto Atungpuhnü I ju nü kilim thiyikheah de nünü amükheahbah. Nünü düshihde Atungpuh nü Thrünpuh yu anisho ha adünjibah.

ROMRÜ KILIM PAULNÜ ATHRÜTKHI KIHÜM HUHTANYU 3:19

Kheakü tümüpürü yakzannü thachonü yakzan bukkhüp larü ki thachoh de isanü mükheahlah, junangde mihbüm aban mün tuklobah, tüsho alomiküp athrünkhi Thrünpuh mahkhapkhi khüp lah.

ROMRÜ KILIM PAULNÜ ATHRÜTKHI KIHÜM HUHTANYU 9:20

Tüshe Thrünpuh ki alokhukpü thsüde mihtsürü khülang ju nüsa she a? Azünkhinü azünbuh ki, “Tümüde nünü I hade azünkhea?” de athaba de?

YUZÜNGTHALO 18:21

“Tüsho nüsanü athabah, ‘Atungpuhnü müthakhi yu isanü küde thsah mükheahpü?’

YUZÜNGTHALO 18:22

Küyimki wukihrü khülangnü Atungpuh mung ching thabah ju müdünjibanü ju Atungpuhnü müthakhi ah; wukihbuhnü ju lümkangyu thado; nüsanü api dütre.

YUZÜNGTHALO 26:15

Nü lapung amüsüh yinmi chingnü abinkhia kheahang, tüsho nü mihtsürü Israel tüsho nünü isa jipürü kheak thiyuchihchimkhi nangde, nünü isa kilim jihkhi, niuhke tüsho mukhuke bukkhi lomi müngühjang.’