ZEKARIA 2:12 - AMÜSÜH HÜM CL Bible (BSI)

¹² Atungpuhnü Juda ju amüsüh lomi ching api shihcham thsüde yamrüplurüp lubah, tüsho Jirusalem mokhitlobah.

ZEKARIA 2:12 Iomraidhean Croise

2 KIUTHSÜYUKHEAN 6:6

tüshe ju ching I mung lashihpü thsüde inü Jirusalem mokhit, tüsho I mihtsürü Israel kurungkheak inü David mokhit.’

ESTER 6:13

Hamannü api kheak dünjikhi aniube le amüyamrübo ki thakhama huh. Aniube le amüyamrü mükheahmudurübonü api ki tha, “Nü wu dükheakmuroh. Mordekai ju Jihudarü ah, tüshe nünü api mukuk. Dükde apinü nü kukbah.”

MUNGSHIKHÜN 105:15

tha, “Inü mujude-müsühkhitkhi düqiu, tüsho I yo wukihrübo dütrünthsü.”

MUNGSHIKHÜN 132:13

Tümüde Atungpuhnü Zion mokhitdo; apinü anihbuh lapü ha mulongdo:

MUNGSHIKHÜN 132:14

“Ha lünnü I sühakhimpung ah; ha ching I labah tümüde inü ha mulongdo.

MUNGSHIKHÜN 135:4

Tümüde Atungpuhnü anihbuh thsungkheak Jakob, büthsükhi api rahpung thsüpü Israel mokhitdo.

MUNGSHIKHÜN 33:12

Apinü ayamrüplurüp thsüde mokhitkhi trükshih, shepü Thrünpuh ju Atungpuh lanü müngühmühi.

MUNGSHIKHÜN 82:8

Asürang, O Thrünpuh, alomi mahkhapang; tümüde nünü trükshihbo alala yamrüplurüp lubah.

ISAIA 14:1

Tüshe Atungpuhnü Jakob kheak mihmüthsüm labah tüsho kheaküshe Israel mokhitbah, tüsho arü lomi ching lashihbah; khiungkerünü arü lung arihbah tüsho arünü Jakob yamkhün lung labah.

ISAIA 17:14

Arelim kim ching kheahang, atrebe! Yapsu mükikde arübo müla. Ha isa thsümünimrü kuhi lah, tüsho isa yanrü shihcham lah.

ISAIA 41:9

nü shepü inü alomi akheam chingnü alukhea, tüsho limshu amühit chingnü ajikhea, nü ki tha, “ Nü I yamlarü, inü nü mokhitdo tüsho nü mübahjih”;

JEREMIA 10:16

Jakob Thrünpuh a harü ruk yung, tümüde nü kukruk alala thrünkhi ju api lah, tüsho Israel ju api yamrüplurüp trük ah; Wuto Atungpuh ju api mung lah.

JEREMIA 30:16

Tüshe sherünü nü tsühabahchonü alala tsühabahbah, tüsho nü riri alala, mihbüm abannü ramtso ching yübah; sherünü nü yankhia luchonü arübo yankhia lubah, tüsho sherünü nü shih tsühchonü nü arübo ju shih kamshihbah.

JEREMIA 51:19

Jakob Thrünpuh a harü ruk yung, tümüde kukruk alala kamkhitshihkhi ju api ah, tüsho Israel ju api yamrüplurüp trük lah; Wuto Atungpuh ju api mung.

ZEKARIA 1:17

Zhiloang: Wuto Atungpuhnü ha thachoh: I kiutobo kheaküshe lakhitnü azhikhiukbah; Atungpuhnü kheaküshe Zion shukheambah tüsho Jirusalem mokhitlobah.

ZEKARIA 3:2

Tüsho Atungpuhnü Arimri ki tha, “Atungpuhnü nü thürühchoh, O Arimri! Jirusalem mokhitbuh Atungpuhnü nü thürühchoh! Ha buh mihtsürü ha mo chingnü adukkhitkhi mozhuh yung de?”

YUZÜNGTHALO 32:10

Apinü api sunglo ching tüsho tümü mülakhi sunglo ching ngü; apinü anihbuh mükamdode, api küm, apinü anihbuh api mükji mukhiuk nangde neakde la.

YUZÜNGTHALO 32:9

Tümüde Atungpuh lupü shihcham ju api mihtsürübo, Jakob ju apinü achamkhitkhi yamrüplurüp. @SP ACE=