ZEKARIA 2:1 - AMÜSÜH HÜM CL Bible (BSI)

¹ Inü abinkih-a kheah tüsho mihtsürü khülang akhah ching akebe-liu shuhbah ngü.

ZEKARIA 2:1 Iomraidhean Croise

ISAIA 54:16

Kheahang, yingkingrü inü athrünkheah, shepünü mokhih yüntrucho tüsho yihnüpü thsüde thsühnuk kingkhitcho; alaksahpü thsüde athsümünimrü she inü thrün.

JEREMIA 31:39

Tüsho akekhi khuh ju limshude Gareb wung lim langakindo ayübah, tüsho Goa lim alodarübah.

JEREMIA 48:25

Moab juh yihshakdo, tüsho api bin zhakdo, Atungpuhnü thachoh.

EZEKIEL 40:3

Küyimki apinü ju ching I bedarükhea, ju ching mihtsürü khülang ashihphü müwayinchi nangde, api khah ching khimthünak liu tüsho akesang khülang lakheah; tüsho api ju chipiripit limro zhipde alakheah.

EZEKIEL 40:5

Kheakü arüngyam wungdo alala mükamde rhü khülang lakheah. Mihtsürü khah ching lakhi akesang ju ashanglim khahnap 6 lakheah; jumonü apinü rhü akheahlim ju akesang 1 ake tüsho achanglim akesang 1 ake.

EZEKIEL 47:3

Api khah ching akesang shuhbah aniakhiuklim yüchoki, mihtsürü junü khahnap 1000 ake, tüsho I ju ke hode bede yü; tüsho ju lahzhi lokhüh sükde alakheah.

EZEKIEL 47:4

Kheaküshe apinü 1000 ake, tüsho I ke hode bede yü; tüsho ju mukhuk lokhüh sükde alakheah. Kheaküshe apinü 1000 ake, tüsho I ke hode bede yü; tüsho ju chim khiungde akih.

DANIEL 7:7

Jushu azhing ching inü michihbo ching shiwüh aphüyipü ngü, mihtrebe, atrebe tüsho khide amüküp lakheah. Ju yinchi hü ato lakheah tüsho adütre kamde tsühde alakheah, tüsho aningkhi ajingnü jung. Ha püpü shiwühbo kheaknü büthsü lakheah, tüsho ajuh thürü lakheah.

ZEKARIA 1:16

Jumonü Atungpuhnü ha thachoh, Inü muzhode Jirusalem kilim rholodo, I yam ju ching thsübah, Wuto Atungpuhnü thachoh, tüsho kiuto thsülobah.

ZEKARIA 1:18

Judüki inü abinkih-a kheah tüsho juh phüyi ngü.

AMIKHEAKAKHIUKKHI 11:1

Judüki tso nangde akesang khülang I kilim jih, tüsho I ki tha: “Wusuang tüsho Thrünpuh arüngyam le kingaün sadam tüsho ju ching kingaünrübo akeang,

AMIKHEAKAKHIUKKHI 21:15

Tüsho I ki asukbuh ju kiuto le ripitbo tüsho chipibo akepü suna tso khülang lakheah.