ZEKARIA 14:9 - AMÜSÜH HÜM CL Bible (BSI)

⁹ Tüsho Atungpuh ju lomi alala kurungkheak kiulongthsüpuh kambah; ju nimung Atungpuh khülang tüsho api mung khülang labah.

ZEKARIA 14:9 Iomraidhean Croise

THRÜNTAN 49:10

Judanü kiulongthsü tso zhimbah, tüsho api tsühsoniusobonü kamruhroro yakzan shuhbah. Trükshihbonü api kilim ruk hande arübah tüsho api miki wüntre jihde khukningbah.

MUNGSHIKHÜN 67:4

Trükshihbo asühshang tüsho asühachihde khün thsüshang, tümüde nünü thiyuro-lungkinü mihtsürü mahkhapchoh tüsho alomi trükshihbo bechoh.

MUNGSHIKHÜN 72:17

Api mung lünnü alabah; ani la khiungde api mung mutuklode alabah. Tüsho mihtsürübo api lung müngühmühibah; trükshih alalanü api ki müngühmühi de ajibah.

MUNGSHIKHÜN 86:9

Nünü athrünkhi trükshihbo alala arübah tüsho nü ki khukningbah, tüsho nü mung müretahbah.

MUNGSHIKHÜN 97:1

Atungpuhnü kiulongthsüchoh; alominü asühachihshang; mükhebinkhi kekung-lobonü asühachihshang!

ISAIA 45:21

Thaang tüsho nü lümkhi handarang; arünü rukhüh keokhikeorashang! Ha adüsonü shenü akhipkhitkhea? Ha müngühlimnü shenü athakhea? I Atungpuhnü yung de? I hobah püpü thrünpuh müla, thiyuro-lungki tüsho Akhümkhitbuh; I hobah she müla.

ISAIA 54:5

Tümüde nü Thrünrü ju nü yamkhünbuh lah, Wuto Atungpuh ju api mung lah; Israel Amüsüh Thrünpuh ju nü Rhokhitrü, api alomi athrünkhi Thrünpuh de jichoh.

JEREMIA 23:6

Api nimungbo ching Juda khümkhitbah tüsho Israel akhümkhitkhi ching labah. Tüsho apinü ajipü mung ha labah: “Atungpuh ju isa thiyuro-lungki.”

DANIEL 7:27

Kiulongthsü tüsho yakzan shuhpü tüsho alomi kheak kiulongthsü ato alala Khide Achangbuh yo amüsührü mihtsürü kilim jihbah; api kiulongthsü ju akheam mülakhi kiulongthsü labah tüsho yakzanshuhrü alalanü tankihbah tüsho api ki anibah.”

AMOS 9:12

junangde arünü Edom aningkhi tüsho I mung tamde ajikhi trükshihbo alala kuka lubah, ha rhimobuh Atungpuhnü thachoh.

OBADIA 1:21

Sherü khümkhita lanü Zion Müzüng ching Esau wungbo yakzan shuhpü wutubah; tüsho kiulongthsü ju Atungpuh yo labah.

MIKA 5:4

Api azhipbah tüsho A TU N GPU H sühmüh ching, api Thrünpuh Atungpuh wüntre-müretah mung ching api namfimihnubo yimkipbah. Tüsho arü tsokhita labah, tümüde kheakü alomi akheambo khiungde api ato labah;

HABAKKUK 2:14

Tüshe kebonü keto zhidokhi nangde, Atungpuh müretahkhi mükheahmudunü alomi mibah.

ZEPHANIA 3:9

Ju kim ching inü mihtsürübo kilim atsangkhit yutha khülang jihbah, junangde arü alalanü Atungpuh mung jibah tüsho arihako khülangnü api tankihbah.

ZEKARIA 9:9

Tode asühachihang, O Zion mihtsürübo! Achangnü zhiang, O Jirusalem mihtsürübo! Kheahang, nüsa kiulongthsüpuh nüsa kilim, thiyuro-lungki tüsho akhümkhit lade, azhihayih tüsho donki kheak, khorapung nunu kheak, donki nunu kheak binbah arüchoh.

MALAKI 1:14

Shepü namfimihnu bolung pung la tüsho ju jihpü thiyuchihchimbah Atungpuh kilim lapha kihkhi laksah-a kingaünchonü, rük mütsükhi ju muthrumünean thsang; tümüde I ato kiulongthsürü ah, Wuto Atungpuhnü thachoh, tüsho trükshih bolung I mung wüntre jihchoh.

MATHI 1:23

Kheahang, atsangkhitkhi khülang mübünkeangde akambah tüsho tsührü khülang zübebah, tüsho arünü api mung Immanuel de ajibah, ju amütsan, “Thrünpuh isa lung lah.”

MATHI 28:19

Jumonü yüang tüsho Abuh, Atsührü tüsho Amüsüh Me mung chingnü baptide trükshih alala jingyanrübo kamshang,

YUZÜNGTHALO 6:4

“O Israel aniang: Atungpuh isa Thrünpuh ju lang Atungpuh ah!

AMIKHEAKAKHIUKKHI 11:15

Judüki athünepü yunirünü api hulipungpung müt, tüsho yinmi chingnü düsheak achangnü tha, “Alomi kiulongthsü ju isa Atungpuh tüsho api yo Khrista kiulongthsü kamdo, tüsho apinü lünnü lün kiulongthsübah,”

1 SAMUEL 2:10

Atungpuh azhihrü dükheakshihbah; Khide Achangbuhnü thüning ching tsüng mukbah. Atungpuhnü alomi alala mahkhapbah; apinü api kiulongthsüpuh kilim reangzahshihbah, tüsho apinü amüsühkhitkhi wu shuhkihbah.”