ZEKARIA 14:5 - AMÜSÜH HÜM CL Bible (BSI)

⁵ Tüsho nüsanü Atungpuh müzüng jindükhün hode atsobah, tümüde müzüngbo dükeak jindükhün ju Azal khiungbah; tüsho nüsanü Juda kiulongthsüpuh nimungbo ching muliuyuk chingnü atsokhi nangde atsobah. Judüki Atungpuh I Thrünpuh lung amüsührü alala bebah arübah.

ZEKARIA 14:5 Iomraidhean Croise

MUNGSHIKHÜN 96:13

Tümüde api arüchoh, tümüde api alomi mahkhappü arüchoh. Apinü alomiküp thiyuro-lungkinü, tüsho mihtsürü api thiyuronü mahkhapbah.

MUNGSHIKHÜN 98:9

tümüde api alomi mahkhappü arüchoh. Hiyuro-lungkinü apinü alomiküp, tüsho alungkinü mihtsürübo mahkhapbah.

ISAIA 29:6

Wuto Atungpuhnü tsüngmukde tüsho muliuyuk züngde tüsho atonü alande, chitmühean tüsho chinthrüm, tüsho aniuabahbe motru hode nü rhuakheahbah.

JOEL 3:11

Nahnahde, mühi alala chingnü nüsa trükshihbo alala arang, nüsabo ju ching mukhungang. Nü rithsürübo bekhiang, O Atungpuh .

AMOS 1:1

Tekoa namfimihnu neakrü bolung lakhi Amos yubo, ju apinü Juda kiulongthsüpuh Uzzia tüsho Israel kiulongthsüpuh Jehoash tsührü Jeroboam nimungbo ching Israel dünkheak muliuyuk arüpü kam mahne müngüh lakheah.

MIKA 1:11

Shaphir ching larübo, bünkeang tüsho achih ngüde nüsa limro ching yüang; Zaanan ching larübo mikhuh ching marü; Eth-ezel mulong rozhakchoh tüsho atsunglobe nüsa kheaknü alubah.

ZEKARIA 4:7

Nü she a, O müzüng ato? Zerubbabel miki nü adükhün kambah; tüsho nünü amükham-lung yukchoki mihtsürübonü azhibah, ‘ Akhamlah, akhamlah!’ ”

WÜHKHE 16:34

tüsho arü mühide alarü Israelrü alala zhide alihyukbah tso, tümüde arünü tha, “ Alonü isa she muyubah mütsüle!”

MATHI 16:27

Tümütüsho Mihtsürü Tsührü ju Abuh müretahkhi ching api yunirübo lung arübah, tüsho apinü mihbüm aban nihbuh rhimobo ayannü thsambah jihbah.

MATHI 24:3

Kheakü api Oliv Müzüngbo kheak binde alachoki jingyanrübonü api kilim mükhingde arübah tha, “Harü küyimki dünjibanü isa ki thaang? Tüsho nü arükhi le lün akheam amütsan tümü laba?”

MATHI 25:31

“Küyimki Mihtsürü Tsührü, api lung amüsüh yunirübo alala bebah müretahkhi ching arübanü, nihbuh müretah kiulongthsü-binkiu kheak api binbah.

LUKNÜ ATHRÜTKHI THIYUSHEAK-ATSÜ HUHTANYU 21:27

Judüki arünü Mihtsürü Tsührü wu tüsho müretah ato lade amo ching arükhi ngübah.

YUZÜNGTHALO 33:2

Apinü tha, “Atungpuh Sinai chingnü arü tüsho Seir chingnü isa kheak yinkhi; apinü Paran müzüng chingnü tahkih, api amüsührü chithürü thürü lungnü arü, akhah tsülim peang amüküp yakzan lakheah.

1 TESALONIKA 3:13

junangde isa Atungpuh Jisu lung api yo amüsührü alala arüchoki, isa Abuh Thrünpuh miki, amüsüh ching areak mülapü thsüde apinü nüsa mulong düküngshihbah.

2 TESALONIKA 2:8

Judüki mihbukmuyuk ju amikheak akhiukbah, tüshe küyimki Atungpuh Jisu arübanü, api mün sheaknü anihbuh laksahbah tüsho api müretahde arükhinü anihbuh dükheakshihbah.

JAKOB 5:8

Nüsa she arümkheamang, mulong ayihyih thsang, tümüde Atungpuh arüpü thüninde lah.

AMIKHEAKAKHIUKKHI 11:13

Ju kim ching muliuyuk ato züng, tüsho kiuto shihcham thürü ching khülang thsümünim; muliuyuk ching mihtsürü 7000 laksah, tüsho aninga larünü müyinnim tüsho yinmi ching Thrünpuh kilim müretah jih.

AMIKHEAKAKHIUKKHI 20:11

Judüki inü kiulongthsü-binkiu amüye tüsho ju kheak binbuh ngü; api mikinü alomi tüsho thüning tsoabah, tüsho jurü müngülode kam.

AMIKHEAKAKHIUKKHI 20:4

Judüki inü kiulongthsü-binkiubo ngü, tüsho jurü kheak binrü ju mahkhappü wu jih-a lakheah. Kheaküshe arünü Jisu tüsho Thrünpuh yu kinmo, tüsho shiwüh yungsho mejak mükingaünrü tüsho arü kingkangbo le arü khahbo kheak amütsan yümkihkhi mülarü laksahkhi mebo inü ngü. Arü arhang kamlo, tüsho Khrista lung kam chithürü kiulongthsü.