ZEKARIA 14:21 - AMÜSÜH HÜM CL Bible (BSI)

²¹ tüsho Jirusalem le Juda ching dükihthüra phüh aban Wuto Atungpuh kilim amüsüh labah, junangde laksah-a kingaünrü alalanü arübah kingaünpü lubah. Tüsho ju nimung kheaküa Wuto Atungpuh yam ching yinzüyindorü mülade akambah.

ZEKARIA 14:21 Iomraidhean Croise

NEHEMIA 8:10

Kheakü thüyam lim yüang tüsho aniojiang. Nüsanü tsühyungpü musuhdahrü ki chamachihang. Khihni ha isa Atungpuh kilim amüsüh ah, jumonü mulong dütukthsü. Asühpü Atungpuh nü ajihkhi hode nüsa reangzahshihbah.”

ISAIA 35:8

Ju ching limto khülang labah tüsho ju Amüsüh Limro de ajibah; mümüsühkhinü ju kheak mütsah, tüshe ha Thrünpuh mihtsürü thsungkheak labah; hantsahrü, makharünü she mütsahmih.

ISAIA 4:3

Sherübo Zion ching tukloa la tüsho Jirusalem ching rhangdung thsungkheak thrütyukbah lanü amüsüh de ajibah.

ISAIA 52:1

Asürang, asürang, nü sühmüh zahang, O Zion! Akheahakhamkhi nü khimmihbo yihang, O Jirusalem, amüsüh kiuto, tümüde tsütamübahkhi tüsho mümüsühkhi kheaküa nü lung mazah.

EZEKIEL 44:9

Atungpuh Thrünpuhnü ha thachoh: Israelrü bolung lakhi khiungkerübo mulong tüsho shih tsütamübahrü sheshe I arüngakopung ching müyüzah.

EZEKIEL 45:1

Küyimki nüsanü yamrüplurüp khülang nangde alo chambanü, nüsanü Atungpuh thsungkheaknü amüsüh lomi shihcham ashanglim khahnap 25,000 tüsho atolim khahnap 20,000 chamkhita zoang; ha mükeak alala amüsüh labah.

HOSEA 12:7

Yinzüyindorü khah ching müdükkhi adünarabe shuhlah; apinü junopü muzhochoh.

JOEL 3:17

Junangde I Atungpuh nüsa Thrünpuh, I yo müzüng amüsüh, Zion ching lah de nüsanü mükheahbah. Tüsho Jirusalem amüsüh labah, tüsho hanrünü küyimkishe hanü mütsahholo.

ZEPHANIA 1:11

Mortar ching larü tüzhochoh, tümüde shothsümolorü alala dükheakdo; shotoyinchi adünrü alala mülatsan.

ZEKARIA 14:20

Ju nimung khora yinchibo kheak dokih-a labah, “Atungpuh Amüsüh thsang.” Tüsho Atungpuh yam ching dükihthüra phühbo ju kingaün sadam miki amüsüh phurusükbo nangde amüsüh labah;

ZEKARIA 7:6

Tüsho küyimki nüsanü atsühkhea tüsho ayungkheanü, nüsa thsungkheak tsühyungkhi yung de?

1 KORINT 10:31

Jumonü nüsanü tsühtsüh she tüsho yungyung she, yungsho tümüpürü rhimobanü, alala Thrünpuh müretahpü rhimoang.

YUZÜNGTHALO 12:12

Tüsho A TUN GPU H nüsa Thrünpuh miki nüsa tüsho nüsa tsührübo le tsührübebo, nüsa yamlarü athrürü le aliberübo, tüsho nüsa kiutobo ching lakhi Levirü bebah asühachihang, tümüde Levirü a nüsa lung nihbuh shihcham yungsho yamrüplurüp müla.

YUZÜNGTHALO 12:7

nüsanü arhimokhi alala ching nüsa le nüsa yambukbonü, Atungpuh nüsa Thrünpuh mikinü atsühbah tüsho asühachihbah, tümütüsho Atungpuh nüsa Thrünpuhnü nüsa müngühjihdo.

1 TIMOTHI 3:15

I ashua lasho, thiyuro dungjing tüsho aduhlobe, Thrünpuh borü, Thrünpuh yamkhün ching nüsanü künangde yakli labeanü amükheahbah.

IBRI 3:6

tüshe Khrista a tsührü thsüde Thrünpuh yam kurungkheak thiyuro larü lakheah. Tüsho isanü mulong tokhi tüsho isanü kükheangkhi mulonglam ching düküngde ramrihsho, isa ju api yam ah.

1 PETER 4:17

Tümüde Thrünpuh yamkhün chingnü mahkhap tankihpü arüdo; tüsho ju isa kheaknü tankihsho, Thrünpuh thiyusheakatsü mihyumanirü küde akheam thsüba?

AMIKHEAKAKHIUKKHI 21:27

Tüsho mümüsühkhi tümü she, yungsho athranean yungsho arükchih rhimorü ju ching müyüzah, tüshe Namfimihnunu rhangdung hüm ching thrüta larü lang ayüzahbah.

AMIKHEAKAKHIUKKHI 22:15

Aleangkheak a khihnubo, wurük-huhrü, müzammüramrü, mihlaksahrü, sangthsü kingaünrübo, tüsho arükchih rhimobo muzhorü lah.