ZEKARIA 14:20 - AMÜSÜH HÜM CL Bible (BSI)

²⁰ Ju nimung khora yinchibo kheak dokih-a labah, “Atungpuh Amüsüh thsang.” Tüsho Atungpuh yam ching dükihthüra phühbo ju kingaün sadam miki amüsüh phurusükbo nangde amüsüh labah;

ZEKARIA 14:20 Iomraidhean Croise

1 KIULONG THSÜRÜ 7:50

pungbo, moyünbe, müsühmüra-phuru, rhümthüneabe thsungkheak phühbo tüsho suna müthsün moli-takpung; Khide Amüsüh Dangpung alunglim khimdopü thsungkheak tüsho suna arüngyam yamkhuh khiungshak khimdopü müchinkhibo.

2 KIUTHSÜYUKHEAN 4:8

Kheaküshe apinü dükhüm 10 thsü tüsho arüngyam ching zo, tsülim 5 tüsho huzulim 5. Tüsho apinü sunanü müsühmüra-phuru 100 thsü.

MUNGSHIKHÜN 110:3

Nü thirithsü nimung nü mihtsürübo ju nü rungrü labah; yapsu mükikde ayinke nangde nü mihtsürü athunurü nü kilim amüsüh wungbo kheak arübah.

ABEKHIT 25:29

Nüsanü phurubo, pungbo, phühbo, tüsho phurusükbo yukhu kingaünpü suna müthsünnü thsang.

ABEKHIT 37:16

Apinü phurubo, pungbo, phühbo, tüsho phurusükbo yukhu kingaünpü suna müthsünnü thsü.

ABEKHIT 39:30

Arünü suna müthsünnü kutsünpü khülang thsü tüsho mütsanyüm kheak nangde ju kheak ha thrütkih: ATUNGPUH KILI M A MÜSÜH.

ISAIA 23:18

Anihbenü shothsümolokhi tüsho mihkhah mulokhibo Atungpuh kilim müsühkhitbah; anihbenü alü thsükhibo ju muzomukhung yungsho rama muzo, tüshe anihbenü amulokhi ju Atungpuh miki larü thsungkheak tsühyungpü tüsho khimmih suhdahde ahiuh-a jihbah.

ISAIA 52:1

Asürang, asürang, nü sühmüh zahang, O Zion! Akheahakhamkhi nü khimmihbo yihang, O Jirusalem, amüsüh kiuto, tümüde tsütamübahkhi tüsho mümüsühkhi kheaküa nü lung mazah.

JEREMIA 31:40

Ashemi tüsho awah jindükhün alala, tüsho Kidron ayung khiungde thulubo alala, aniakhiuklim thrip Khora Chipiripit khiungde, Atungpuh kilim amüsüh labah. Ha küyimkishe murukkhit yungsho mükeamshih.

EZEKIEL 45:1

Küyimki nüsanü yamrüplurüp khülang nangde alo chambanü, nüsanü Atungpuh thsungkheaknü amüsüh lomi shihcham ashanglim khahnap 25,000 tüsho atolim khahnap 20,000 chamkhita zoang; ha mükeak alala amüsüh labah.

LEVI 6:28

Alo phüh chingnü shih ju khiunga lasho ju ayihrüpbeah, tüsho müwayinchi phüh chingnü khiunga lasho ju pheabahang tüsho kenü müsühabahbeah.

LEVI 8:9

Atungpuhnü Mosa ki thiyukhüm jihkhi nangde apinü anihbuh ku kheak kuhingbe khim hingkihjih, tüsho kuhingbe mikhuhlim amüsüh kuthran amütsan thsüde suna beak yihkihjih.

OBADIA 1:17

Tüshe Zion Müzüng kheak atsokhitrü labah tüsho ju amüsüh labah; tüsho Jakob yamkhünnü arü yankhita bahrü yamalo lubah.

ZEPHANIA 2:11

Atungpuh mihtrebe thsüde arü azhihbah; apinü lomi thrünpuhbo alala thsümünimbah, tüsho keyeanlobo tüsho kekung-lo trükshihbo alalanü nihbuh dangpung chingnü api ki kingaünbah.

ZEKARIA 14:19

Harü ha Ijip thsümüchi tüsho arüngkhimyam thünio mungpü muwuturü trükshih alala thsümüchi labah.

ZEKARIA 8:3

Atungpuhnü ha thachoh: I Zion lim yübah, tüsho Jirusalem phulung ching labah; Jirusalem ju thiyuro kiuto tüsho Wuto Atungpuh müzüng ju amüsüh müzüng de ajibah.

ZEKARIA 9:15

Wuto Atungpuhnü arü kümdobah, tüsho arünü lunghitrü muyuabahbah tüsho ajungbah; arünü arü thiyih ju yukhu nangde yungde, tüsho phurusük nangde mide akambah, kingaün sadam mühitbo nangde apangkhitbah.

MALAKI 1:11

Tümüde ani akhiuknü ayüzah khiungde trükshih bolung I mung ato lah, tüsho dangpung aban ching I mung chingnü rhümthüneabe tüsho atsangkhit kingaün jihchoh; tümüde I mung ju trükshih bolung ato lah, Wuto Atungpuhnü thachoh.

WÜHKHE 4:14

tüsho arünü ju kheak kingaün sadam yo pungphuru alala, mophuru, shihkhoyang, alo-thsukbe, müsühmüra-phurubo yukbah; tüsho arünü ju kheak shihküp lüpkihbah ashuhbe sangkhrihbo yukbah.

WÜHKHE 4:7

Arünü Atungpuh kilim jihkhi yikhap zopung dükhüm kheak biyi khim phukihbah tüsho ju kheak phüh-thulung, athüneabe yukkhi phurusük, kingaünbe phurusük, tüsho ayungbe kingaün thsungkheaknü keluhbo de azobah. Tüsho ju kheak yikhap judü lang akihshihbeah.

WÜHKHE 7:13

api kingaün ju arüngyam ching adünkhi yande shekel 130 adünkhi shotoyinchi phuru 1 tüsho shekel 70 adünkhi shotoyinchi müsühmüra-phuru 1, ane chido hi kingaünpü thsüde ayikangkang lung müdangke bede mide yuk;

WÜHKHE 7:19

api kingaün ju arüngyam ching adünkhi yande, shekel 130 adünkhi shotoyinchi phuru 1 tüsho shekel 70 adünkhi shotoyinchi müsühmüra-phuru 1, ane chido hi kingaünpü thsüde ayikangkang lung müdangke bede mide yuk;

LUKNÜ ATHRÜTKHI THIYUSHEAK-ATSÜ HUHTANYU 11:41

Tüshe nüsa pung le phuru ching lakhi ju zhochihrü kilim jihang; jushu nüsa thsungkheak alala amüsüh labah.

YUNIRÜBO RHIMO 10:15

Tüsho mahne kipü api kilim düsheak arü, “Tümü Thrünpuhnü müsühdünü, nünü amünean ah de müthabe ah.”

YUNIRÜBO RHIMO 10:28

tüsho apinü arü ki tha, “Jihudarünü püpürü trükshih lung arihpü yungsho rhuakheahpü yakzan müla de nüsanü mükheahlah, tüshe inü mihtsürü sheshe amünean yungsho amümüsüh müjipü I ki huh.

YUNIRÜBO RHIMO 11:9

Tüshe yinmi chingnü mahne kipü düsheaknü alo, ‘Thrünpuhnü tümü müsühdünü nünü amünean de müjibeah.’

YUNIRÜBO RHIMO 15:9

tüsho apinü isa le arü dükeak tümü mübüthsüjih, tüshe akinnü arü mulong müsühjih.

KOLOSI 3:17

Tüsho nüsanü tümüpürü rhimobeanü thiyu yungsho rhimo thsüthsü, Abuh Thrünpuh kilim api hode makshe jihde lüpdükhi Atungpuh Jisu mung chingnü rhimoang.

1 PETER 2:5

tüsho amüsüh amükeamrü thsüpü Jisu Khrista hode Thrünpuh kilim aleangkhikhukbe me shuhmülanga kingaünkhi jihpü nüsabo arhang lungbo nangde me yam ching thüyam thsang.

1 PETER 2:9

Tüshe nüsa amokhitkhi trük, kiulongthsü amükeamrü, amüsüh trükshih, Thrünpuh mihtsürü, junangde amiting chingnü nüsa amüyinsahbe ayin ching jikhitkhi amüyinsahbe api rhimobo nüsanü akhipkhitbah.

1 PETER 4:11

Shepünü thachonü Thrünpuh yu thabeah; shepünü tankihchonü, Thrünpuhnü api kilim jihkhi sühmühnü atankihbeah, junangde lüpdükhi ching Jisu Khrista hode Thrünpuh müretahbah. Müretah tüsho wu lünnü lün api yo ah. Amen.

AMIKHEAKAKHIUKKHI 1:6

tüsho isa kiulongthsü tüsho amükeamrübo kamshihde, api Thrünpuh tüsho Abuh tankihpü lünnü lün müretah tüsho wu laang. Amen.

AMIKHEAKAKHIUKKHI 20:6

Shepü akhuhbe arhang kamlokhi ching shihcham luchonü müngühmühi tüsho amüsüh! Arü kurungkheak mahnekipü shepü wu müla, tüshe arübo Thrünpuh tüsho Khrista amükeamrübo labah, tüsho arünü api lung kam chithürü kiulongthsübah.

AMIKHEAKAKHIUKKHI 5:10

tüsho isa Thrünpuh kilim arübo kiulongthsü tüsho amükeamrübo kamshih, tüsho arünü alomi kheak kiulongthsübah.”

1 SAMUEL 2:14

tüsho apinü adükihkhi phüh ching düchipa yüzahshihbah; shihkhoyangnü thokhitkhi alala amükeambuhnü alubah. Ha ruk arünü Shilo ching arürü Israelrü kheak rhimo.