ZEKARIA 14:17 - AMÜSÜH HÜM CL Bible (BSI)

¹⁷ Mürangkhüh alomi yamkhün khürünü Wuto Atungpuh , kiulongthsüpuh kingaünpü Jirusalem lim muwutusho, arü kheak tsüng marüde alabah.

ZEKARIA 14:17 Iomraidhean Croise

THRÜNTAN 10:32

Harü ha arü lünkhe yande, arü trükshihbo ching Noa tsührü yamkhünbo lakheah; tüsho keking dunglim harü chingnü trükshihbo alomi ching chamüzüt.

THRÜNTAN 12:3

Shepünü nü müngühjihchonü inü müngühjihbah, tüsho shepünü nü athruchonü inü muthrumüneanbah; tüsho nü lung alomi yamkhün alala müngühjihbah.”

THRÜNTAN 28:14

Nü tsühsoniusobo alo asungthulung nangde alabah; nü aniyüzahlim tüsho aniakhiuklim, dukulim tüsho düjinglim bude ayübah; tüsho nü le nü müjih ching alomi yamkhün alala müngühmühibah.

1 KIULONG THSÜRÜ 17:1

Kheakü Gilead ching, Tishbirü Elijanü Ahab ki tha, “Inü atankihbuh, Israel Thrünpuh, Atungpuh lale, I yu hode yungsho, arübe kam mahne yungsho mahsam ayinke yungsho tsüng marü.”

1 KIULONG THSÜRÜ 8:35

“Küyimki yinmi rihdoba tüsho arünü nü azhihde neak yihbeakmonü tsüng marübanü, tüsho arünü nü mung ching alokhide ha yam lim tamkhüntamnüba, tüsho nünü arü thsümüchikhi hode arü neak chingnü arholoba,

2 KIUTHSÜYUKHEAN 6:26

“Arünü nü azhihde neak yihbeakmonü küyimki thüning khimdoba tüsho tsüng marüba, tüsho nü mung ching alokhide arünü ha dangpung lim tamkhüntamnüba, tüsho arü neak chingnü rholoba, tümütüsho nünü arü thsümüchi,

2 KIUTHSÜYUKHEAN 7:13

Küyimki inü thüning rihdobah tsüng marüba, yungsho lomi tsühabahshihpü tangkhobo ki thiyukhüm jihba, yungsho I mihtsürü bolung tukthsü yüshihba,

ISAIA 18:7

Ju kim ching Wuto Atungpuh kilim, mihtsürü ashang tüsho küpshahshah, trede alakhi mihtsürü aphüni tüsho limshu, wulakhi tüsho akuk ngükhi trükshih, ayungbonü chamnakbah alakhi lomi ching larünü Wuto Atungpuh mung lapung Zion Müzüng ching thsambahbo handarübah.

ISAIA 45:23

Inü thiyuchihchimdo, I mün chingnü thiyuro-lungki yu khülang malodarüpü thsüde wukhiukdo: “ I ki mukhuk alalanü khukningbah, mulo alalanü thiyuchihchimbah.”

ISAIA 5:6

Inü ju akeangkeang kamshihbah; ju mümupung yungsho müphünnak, tüsho khingphu le ayangrungnü achindobah; inü amo ki she ju kheak tsüng marüpü thiyukhüm jihbah.

ISAIA 60:12

Tümüde nü mütankihpü lakhi trükshih tüsho kiulongthsü adükheakbah; jurü trükshihbo shahde thsümünima labah.

JEREMIA 10:25

Nü mümükheahkhi trükshihbo tüsho nü mung müjikhi mihtsürübo kheak nü bukakhiukkhi dungkihang; tümüde arünü Jakob muyuabahdo; arünü api shahde muyuabah tüsho api lapung thsümünimjih.

JEREMIA 14:22

Sangthsübo khürünü tsüng arüshihkhukba de? Yungsho thüningbonü wungpütsüng akishihkhukba de? O Atungpuh isa Thrünpuh, ha nü yung de? Isanü nü kheak isa mulonglam zojihchoh, tümüde ha alala nünü rhimochoh.

JEREMIA 14:3

Atorübonü arü yamlarübo ke thsungkheak yüshihchoh, arübo kekhip ching arüchoh, arünü ke müngü, arübo kesopung akeangkeang tsolochoh. Arübo achih ngüdo tüsho mulong thsümünimdo tüsho arü ku muhiuchoh,

JEREMIA 14:4

tümütüsho alo jukrüpa lah. Tümütüsho alo kheak tsüng mülamonü thulu thsürübo mulong thsümünim; arünü arü ku muhiuchoh.

AMOS 3:2

Alomi ching yamkhün alala lung inü nü lang mükheahlah; jumonü nü neak alala dünkheak inü nü thsümüchibah.

ZEKARIA 14:16

Judüki rhangdung larü trükshih alala Jirusalem azhihde arürünü kam aban Wuto Atungpuh , kiulongthsüpuh kingaünpü, tüsho arüngkhimyam thünio mungpü wutubah.

ZEKARIA 14:9

Tüsho Atungpuh ju lomi alala kurungkheak kiulongthsüpuh kambah; ju nimung Atungpuh khülang tüsho api mung khülang labah.

YUZÜNGTHALO 11:17

jude yungsho nüsa azhihde Atungpuhnü bukakhiukbah, tüsho apinü thüning khimdobah tsüng marüshih, tüsho alonü tümü makhiukshih, tüsho Atungpuhnü nüsa kilim jihkhi lo chingnü nüsa nahde adükheakbah.

JAKOB 5:17

Elija ju isa nangde mihtsürü lakheah tüsho tsüng marüshihpü apinü shuhmülanga jihde tamkhüntamnü, tüsho kam mahsam kheak khinu thuruk alomi ching tsüng marü.

AMIKHEAKAKHIUKKHI 11:6

Anenü müchitkhi nimungbo ching tsüng marüpü thsüde thüning rihpü ane wu lah, tüsho kebonü thiyih kampü, tüsho anenü akünkhi alochode arümbonü alomi shikpü wu lah.