ZEKARIA 14:12 - AMÜSÜH HÜM CL Bible (BSI)

¹² Ha Jirusalem azhihde thirithsürü mihtsürü alala kheak Atungpuhnü ashikpü arüm-tukthsü lah: arü jing kihde alachoki arü yin shuhbah; arü mükbo tüsho arü mulobo shuhabahbah.

ZEKARIA 14:12 Iomraidhean Croise

2 KIUTHSÜYUKHEAN 21:15

tüsho tukthsükhi hode nü rhukheam makhiukyi khiungde nimung adukde nü bukning ching tukthsü amülangbe labah.”

JOB HU H T ANYU 18:13

Tukthsünü api küp tsühabahdo, tukthsümükhiknü api jingkhahbo tsühkhamchoh.

MUNGSHIKHÜN 90:11

Shepünü nü bukakhiukkhi wu mükheahla? Tümüde nü trekhi nangde, nü mulong zhipzhipkhi lah.

LEVI 26:16

inü nüsa kheak ha rhimobah: Inü nüsa kheak zukleangnü atrebe handarübah; nüsa mük tukshihpü tüsho rhangdung dükheakshihpü thsüde amungube tukthsü tüsho phütsak arüshihbah. Nüsanü müjih akeangkeang ching hiubah, tümüde nüsa riribonü jurü tsühbah.

LEVI 26:18

Harübo dünjishu she nüsanü I yu manisho, kheaküshe nüsa neak dünkheak inü thüne ki thsümüchibah.

LEVI 26:21

Kheaküshe nüsanü I azhihsho tüsho I yu manisho, nüsa neak dünkheak thüne ki mutuklode athsümüchibah.

LEVI 26:24

inü she nüsa kheak azhihbah, tüsho nüsa neakbo dünkheak inü thüne ki thsümüchibah.

LEVI 26:28

inü she I bukakhiukde nüsa kheak mükthsübah; tüsho nüsa neak dünkheaknü thüne ki thsümüchibah.

ZEKARIA 1:15

Tüsho keamramde alakhi trükshihbo kheak inü khitode bukakhiukchoh; tümüde I bukakhiukkhi anikhüh lachoki arünü tukthsü amütsübe kamshih.

ZEKARIA 12:9

Tüsho ju nimung Jirusalem azhihde arükhi trükshih alala dükheakshihpü inü ayimbah.

ZEKARIA 14:15

Tüsho hadürü arüm-tukthsü ju khorabo, khoranunu, kemel, donki, tüsho binpung ching tümüpürü shiwüh labanü arü kheak yükihbah.

ZEKARIA 14:18

Tüsho Ijiprünü wutubah shihcham mulusho arü kilim tsüng marüshih; arüngkhimyam thünio mungpü muwutukhi trükshihbo kheak Atungpuhnü thsümüchikhi arüm-tukthsü arü kheak labah.

ZEKARIA 14:3

Judüki Atungpuhnü keochih nimung apinü keochihkhi nangde khuhto ching yübah tüsho jurü trükshihbo bede keochihbah.

ZEKARIA 2:4

tüsho api ki tha, “Alihang, ju athrününgtsüng mihtsürü ki thaang: Jirusalem ju mihtsürü tüsho shiwüh hihkhinü chipi mayündoride alabah.

YUNIRÜBO RHIMO 12:23

Zukleangnü Atungpuh yunirünü api shik, tümütüsho apinü Thrünpuh müremütah; api ju musonü ru tüsho sheabah.

YUZÜNGTHALO 28:21

Nüsanü müküh-a lupü lakhi lo ching nüsa müsheyi khiungde Atungpuhnü nüsa kheak arüm tukthsü lashihbah.

YUZÜNGTHALO 28:22

Nüsa müsheshihyi khiungde Atungpuhnü nüsa kheak ashepü tukthsü, phütsak tüsho abümpü, alamlam tüsho thsühnuk, mümüpü tüsho mokri arüshihbah.

YUZÜNGTHALO 28:59

Atungpuhnü nüsa tüsho tsühsoniusobo kheak khidokhi arüm ato tüsho beshebe tukthsü amülang arüshihbah.

AMIKHEAKAKHIUKKHI 17:16

Tüsho nünü angükhi ajuh thürü ju, arü le shiwühnü müzammürambe thraneanbah; arünü anihbe khukshikbah, tüsho bünkeang kamshihbah, anihbe shih tsühbah tüsho monü takabahbah,