ZEKARIA 14:10 - AMÜSÜH HÜM CL Bible (BSI)

¹⁰ Alomi athrünkhi, Geba chingnü Jirusalem düjinglim Rimmon khiungde adükhün kambah. Tüshe Jirusalem a Benjamin chipiripit kheaknü adüso ripit dangpung, Amühit Chipiripit khiungde, tüsho Hananel Aheangsadam kheaknü kiulongthsüpuh yukhu nitpung khiungde adüpheak labah.

ZEKARIA 14:10 Iomraidhean Croise

1 KIULONG THSÜRÜ 15:22

Judüki Asa kiulongthsübuhnü sheshe maningshihde Juda alala ki zhiyuk: arünü Baashanü athsükhi Rama ching lungbo tüsho arhütsangbo lubah tso; jurü lua kiulongthsüpuh Asanü Benjamin ching Geba tüsho Mizpa chipi ayün.

2 KIULONG THSÜRÜ 14:13

Israel kiulongthsüpuh Jehoashnü Ahazia tsührü Joash tsührü Juda kiulongthsüpuh Amazia Beth-shemesh ching kuk; api Jirusalem ching arü, tüsho apinü Ephraim ripit chingnü amühit ripit khiungde khahnap 400 bande Jirusalem chipi yihkheam.

1 KIUTHSÜYUKHEAN 4:32

Tüsho arü kiulongbo ju Etam, Ain, Rimmon, Token, tüsho Ashan, kiuto 5,

1 KIUTHSÜYUKHEAN 6:77

Merarirü aningkhi kilim Zebulun trük chingnü rimlopungbo bede jih: Rimmono, Tabor,

2 KIUTHSÜYUKHEAN 25:23

Israel kiulongthsüpuh Jehoashnü Ahazia tsührü, Joash tsührü Juda kiulongthsüpuh Amazia Beth-shemesh chingnü tholo; apinü anihbuh Jirusalem lim bede arü, tüsho Jirusalem chipi ju Ephraim Ripit kheaknü Amühit Ripit khiungde, adükeak khahnap 400 zahde kingkheam.

2 KIUTHSÜYUKHEAN 26:9

Uzzianü Jirusalem ching aheangsadambo Amühit Ripit ching, Jindükhün Ripit ching, tüsho Akiklo ching thsü, tüsho chipinü ayündo.

NEHEMIA 12:39

ju chingnü Ephraim Chipiripit, Jeshana Chipiripit, Thüngüh Chipiripit, Hananel Aheangsadam, tüsho Chi Aheangsadam, ju chingnü Namfimihnu Chipiripit tüsho tsahde arünü Arüngyam Chipiripit kinü arün thsü.

NEHEMIA 3:1

Kiuto chipi ju ha ruk thsülokheah. Achangbe Amükeambuh Eliashib tüsho amüyamrü amükeamrübonü Namfimihnu Chipiripit thsübah müsükhit tüsho ripitbo awopung ching wo. Chipi ju Chi Aheangsadam tüsho Hananel Aheangsadam khiungde thsülo.

ISAIA 10:29

arübo alakshak-limro hode yüdo, Geba ching arü tsüngrekhüh thsungkheak binkheamlah; Rama ajanchoh, Saul yo Gibea tsodo.

ISAIA 2:2

Arübe nimung ching Atungpuh yam wung ju awungbo lung achangbe thsüa labah tüsho awungbo kumung shuhkihbah; trükshih alalanü ju kheak shobah,

JEREMIA 20:2

Judüki Pashhurnü wukihbuh Jeremia shik, tüsho Atungpuh yam Benjamin Chipiripit akube ching lakhi rihyam ching zo.

JEREMIA 30:18

Atungpuhnü ha thachoh: Inü Jakob khimyam kuhibo jihlopü thsüchoh, tüsho api lapung kheak mihmuzho labah; kiuto ju amujuk kheak thsülobah, tüsho alungki dangpung kheak kiulongthsürü-yam thsübah.

JEREMIA 37:13

Küyimki api Benjamin Chipiripit khiungkhea, ju ching aheangrü khülang Hanania tsührü Shelemia tsührü amung Irija nü wukihbuh rambah tha, “ Nü Kaldearü kilim tsokhide yüchoh.”

JEREMIA 38:7

Ethiopiarü Ebedmelek, kiulongthsüpuh yam ching lakhi dukhanü Jeremia kekung ching yuka zokhi so. Kiulongthsüpuh ju Benjamin Chipiripit kheak binde alakheah,

AMOS 9:11

Ju nimung David khimyam keama lakhi inü alahmusubah, tüsho azhakkhibo thsülobah, tüsho athsümünimkhibo lahmusubah, tüsho awün nimungbo nangde athsülobah;

MIKA 4:1

Arübe nimung ching Atungpuh yam wung ju müzüng bolung achangbe labah, tüsho awungbo kumung shuhkihbah. Mihtsürübonü ju kheak shobah,

ZEKARIA 12:6

Ju nimung ching inü Juda gukbo ju sangrhungkihkhi kheak mophüh nangde, hineang bolung motru nangde akamshihbah; tüsho arünü tsülim tüsho huzulim mükamde alakhi mihtsürübo aniubah, judüki Jirusalem a anihbe lapung ching lalobah.

ZEKARIA 2:4

tüsho api ki tha, “Alihang, ju athrününgtsüng mihtsürü ki thaang: Jirusalem ju mihtsürü tüsho shiwüh hihkhinü chipi mayündoride alabah.

ZEKARIA 8:3

Atungpuhnü ha thachoh: I Zion lim yübah, tüsho Jirusalem phulung ching labah; Jirusalem ju thiyuro kiuto tüsho Wuto Atungpuh müzüng ju amüsüh müzüng de ajibah.

JIHUSUA 15:32

Lebaoth, Shilhim, Ain, tüsho Rimmon: kiulongbo bebah kiuto 29.

JIHUSUA 21:17

Benjamin trük chingnü rimlopungbo bebah ajihkhi: Gibeon, Geba,

MAHKHAPRÜ 20:45

Jushu arünü sunglo limpeang Rimmon lungto lim yü; tüsho arünü limtobo kheaknü 5000 laksah. Arünü mutuklode Gidom khiungde yande yü tüsho 2000 laksah.

MAHKHAPRÜ 20:47

Tüshe mihtsürü 600 rholobah sunglo limpeang Rimmon lungto lim yü, tüsho ju ching Rimmon lungto ching khinu phüyi lakheah.

MAHKHAPRÜ 21:13

Judüki amukhungrü athrünkhinü Rimmon lungto ching larü Benjaminrü kilim thiyu yüshih tüsho arü ki mungtsü thayuk.