ZEKARIA 13:3 - AMÜSÜH HÜM CL Bible (BSI)

³ Tüsho mürangkhüh wukihrü khürü akhiuksho, arü abuh tüsho arü zübekhi berübonü athabah, “ Nü ashebah, tümüde nünü Atungpuh mung ching akeangyu asukchoh;” tüsho arü züberü arü abuh tüsho berübonü arünü müchitchoki arü chinkhitshihbah.

ZEKARIA 13:3 Iomraidhean Croise

JEREMIA 23:25

Akeangyu müchitrü wukihrübonü I mung chingnü athakhi inü sodo, “ Inü mido, inü mido!”

JEREMIA 23:34

Tüsho wukihrü yungsho amükeamrü, yungsho mihtsürü sherünü athaba, “Atungpuh müchityu,” inü arü tüsho arü yamkhün thsümüchibah.

JEREMIA 28:15

Tüsho wukihbuh Jeremianü wukihbuh Hanania ki tha, “Aniang, Hanania, Atungpuhnü nü müthiyi, tüsho nünü ha mihtsürübo akeangyu ching kinshihchoh.

EZEKIEL 13:23

Jumonü kheaküa nüsanü arükchih michihbo müngü yungsho müchitmürabe müthsü. Nüsa khah chingnü inü I mihtsürü khümkhitbah. Tüsho judüki I Atungpuh de nüsanü mükheahbah.

EZEKIEL 14:9

Tüsho wukihrü ju müchityu thapü mülapyuka lasho, I Atungpuh nü ju wukihrü mülapyukkheah, tüsho inü api azhihde I khah chungkihbah tüsho I mihtsürü Israel bolungnü api dükheakshihbah.

EZEKIEL 43:7

Apinü I ki tha: Mihtsürü tsührü, ha I Israel bolung lünnü alapü lakhi I kiulongthsü-binkiu zopung tüsho I jinglung dubopung. Israel yamkhünnü kheaküa arünü yungsho arü kiulongthsürübonü, arü yüliyürakhinü, tüsho arü kiulongthsürübo shechoki asheminü I mung amüsüh mümüneanjih.

MATHI 10:37

Shepünü I kheaknü abuh yungsho abe alü muzhochonü I jingyanrü thsüpü müthülün. Tüsho shepünü I kheaknü tsührü yungsho tsührübe alü muzhochonü I jingyanrü thsüpü müthülün.

LUKNÜ ATHRÜTKHI THIYUSHEAK-ATSÜ HUHTANYU 14:26

“Khürünü I dunglim arübah abuh, abe, aniube, atsührübo, khiungmungrü le chiniurü, tüsho nihbuh rhangdung she müthraneansho, api I jingyanrü thsüpü müthülün.

2 KORINT 5:16

Jumonü kheakünü ründe isanü sheshe mihtsürü lalim yande mükheahyuk; isanü khülang ki Khrista ju mihtsürü lalim yande kheahyuka lalashe kheaküa isanü api ju jude müthsü.

YUZÜNGTHALO 18:20

Tüshe wukihrü shenü mükheahlah de lümbah I mung chingnü inü thiyukhüm müjihkhi yungsho püpürü thrünpuhbo mung ching thabanü ju wukihrü ashebah.’

YUZÜNGTHALO 33:9

shepünü abuh tüsho abe ki, ‘Inü arü mümükheah’ de athakhea; apinü akhiung bahyuk tüsho atsührübo mümükheahde kam. Tümüde arünü nü yu ani tüsho nü ki tangzüngkhi zo.