ZEKARIA 12:6 - AMÜSÜH HÜM CL Bible (BSI)

⁶ Ju nimung ching inü Juda gukbo ju sangrhungkihkhi kheak mophüh nangde, hineang bolung motru nangde akamshihbah; tüsho arünü tsülim tüsho huzulim mükamde alakhi mihtsürübo aniubah, judüki Jirusalem a anihbe lapung ching lalobah.

ZEKARIA 12:6 Iomraidhean Croise

ISAIA 54:3

Tümüde nü tsülim tüsho huzulim bude ayübah, tüsho nü tsühsoniusobonü trükshihbo lubah tüsho abahkhitkhi kiutobo ching labah.

ISAIA 9:20

Arünü tsülim aneam tüshe judü lang khümde alakheah, tüsho arünü huzulim aneam, tüshe bukmüthsü; arünü nihbuh tsührü shih she tsüh;

JEREMIA 30:18

Atungpuhnü ha thachoh: Inü Jakob khimyam kuhibo jihlopü thsüchoh, tüsho api lapung kheak mihmuzho labah; kiuto ju amujuk kheak thsülobah, tüsho alungki dangpung kheak kiulongthsürü-yam thsübah.

OBADIA 1:18

Jakob yamkhün ju mo nangde, Josep yamkhün ju motru nangde alabah, tüsho Esau yamkhün a hitsüt nangde alabah; arünü jurü takbah tüsho aniuabahbah, tüsho Esau yamkhün chingnü she mülade alabah; tümüde Atungpuhnü asukdo.

MIKA 4:13

Asürang tüsho nitang, O Zion mihtsürü, tümüde inü nü juh yinchi tüsho nü biuo müwayinchi kamshihbah; nünü mihtsürü ahihdo adütre kamde akingbah, tüsho arü yo ahühkhi lakhit Atungpuh kilim kingaün jihbah, arü lakhit alomi lüpdükhi Tungpuh kilim jihbah.

ZEKARIA 1:16

Jumonü Atungpuhnü ha thachoh, Inü muzhode Jirusalem kilim rholodo, I yam ju ching thsübah, Wuto Atungpuhnü thachoh, tüsho kiuto thsülobah.

ZEKARIA 11:1

Nü ripitbo khimshuhang, O Lebanon, junangde monü nü yo cedarbo aniubah!

ZEKARIA 12:5

Judüki Juda gukbonü arü mulong ching thabah, “Jirusalem ching larü a Wuto Atungpuh arü Thrünpuh hode sühmüh lah.”

ZEKARIA 2:12

Atungpuhnü Juda ju amüsüh lomi ching api shihcham thsüde yamrüplurüp lubah, tüsho Jirusalem mokhitlobah.

ZEKARIA 2:4

tüsho api ki tha, “Alihang, ju athrününgtsüng mihtsürü ki thaang: Jirusalem ju mihtsürü tüsho shiwüh hihkhinü chipi mayündoride alabah.

ZEKARIA 9:15

Wuto Atungpuhnü arü kümdobah, tüsho arünü lunghitrü muyuabahbah tüsho ajungbah; arünü arü thiyih ju yukhu nangde yungde, tüsho phurusük nangde mide akambah, kingaün sadam mühitbo nangde apangkhitbah.

2 KORINT 6:7

thiyuro thakhi, tüsho Thrünpuh wu; khah tsülim tüsho huzulim ching thiyurolungki thsühnuk lade;

AMIKHEAKAKHIUKKHI 20:9

Arünü alomi amükah hode tsahde yü tüsho amüsührü le amuzhokhi kiuto zündo; tüshe yinmi chingnü mo aki tüsho arü aniuabah,