ZEKARIA 12:5 - AMÜSÜH HÜM CL Bible (BSI)

⁵ Judüki Juda gukbonü arü mulong ching thabah, “Jirusalem ching larü a Wuto Atungpuh arü Thrünpuh hode sühmüh lah.”

ZEKARIA 12:5 Iomraidhean Croise

MUNGSHIKHÜN 144:1

Atungpuh I lungto shiang, shepünü thirithsü thsungkheak I khahbo, tüsho keochihpü thsungkheak I yingkhingbo nokihjihcho–

MUNGSHIKHÜN 18:32

Thrünpuhnü sühmüh hode I züt thsüjih, tüsho I limro banthsangshih.

MUNGSHIKHÜN 18:39

Tümüde nünü thirithsü thsungkheak sühmühnü I züt thsüjih; I azhihde wusurü nünü I khüp juyuk.

MUNGSHIKHÜN 46:1

Thrünpuh ju isa tsoyukpung tüsho sühmüh, küpkhuk kim ching rungpü thsüde lah.

ISAIA 1:10

Atungpuh yu aniang, nüsa Sodom yakzanshuhrübo! Isa Thrünpuhnü thsangyukhi aniang, nüsa Gomorra mihtsürübo!

ISAIA 1:23

Nü yo yakzanshuhrübo azhihrü tüsho ahührü müyamrübo lah. Mihbüm abannü buknim muzhochoh tüsho thsambahbo dunglim alihchoh. Arünü mürerü mutsunglo, tüsho khimoberü dünkheak arü miki marü.

ISAIA 1:26

Tüsho inü nü yo mahkhaprübo akhuhlim nangde akamshihbah, tüsho nü yo lümthiyan-jihrübo atankih nangde akamshihbah. Ju dunglim nü thiyuro-lungki, athülünkhi kiuto de ajibah.

ISAIA 28:5

Ju nimung Wuto Atungpuh ju müretah kuthran khülang labah, tüsho aningkhi api mihtsürü kilim akheahakham zhingzhing labah;

ISAIA 28:6

tüsho mahkhap ching binbuh kilim thiyuro me khülang, tüsho chipiripit ki keochih khamlorü kilim sühmüh labah.

ISAIA 29:10

Tümüde Atungpuhnü nüsa kheak yapnekudobe me dungkihdo; nüsa wukihrübo, apinü nüsa mük yihdojihdo, tüsho nüsa angürübo, nüsa kubo muhiujihdo.

ISAIA 32:1

Kheahang, kiulongthsürü khülangnü thiyuro-lungki ching kiulongthsübah, tüsho yakzanshuhrübonü thiyuro ching yakzan shuhbah.

ISAIA 45:24

Atungpuh kheak lang thiyuro-lungki tüsho sühmüh lah de arünü I dünkheak thabah; bukakhiukde api azhihrü alala api ki arübah tüsho achih ngübah.

ISAIA 60:17

Müwayinchi müthri inü suna handarübah, yinchi müthri shotoyinchi handarübah; sang müthri sunalung, lung müthri yinchi labah. Nü kheahrü thsüde inü Mungtsü lashihbah tüsho nü rhimo-putungrü thsüde thiyuro-lungki lashihbah.

JEREMIA 30:21

Arü kovünor arü bolung chingnü alabah, arü yakzanshuhrü arü bolungnü arübah; inü api phünide bedarübah, tüsho api I ki arübah tümüde shepünü müjide I ki arükhukpü? Atungpuhnü thachoh.

JEREMIA 33:26

inü Jakob tsührü tüsho I yamlarü David bahyukbah tüsho api tsührü sheshe Abraham, Isak tüsho Jakob tsührü kurungkheak yakzanshuhrü mumokhit. Tümüde inü arü kuhibo jihlobah, tüsho arü kheak mihmüthsüm labah.

JOEL 3:16

Atungpuhnü Zion chingnü arungchoh, tüsho Jirusalem chingnü api düsheak thsüchoh, tüsho thüningbo le alomi niukchoh. Tüshe Atungpuh ju api mihtsürü tsoyukpung, Israel mihtsürü thsungkheak amüküp chipi lah.

ZEKARIA 10:12

Inü arübo Atungpuh kheak düküngde akamshihbah, tüsho arünü api mung ching tsahbah, Atungpuhnü thachoh.

ZEKARIA 10:6

Inü Juda yamkhün düküngde akamshihbah, tüsho Josep yamkhün inü khümkhitbah. Inü arü belode arübah, tümütüsho arü kheak I muzhokhi lah, tüsho arü ju inü mübahyukkhi nangde alabah; tümüde I ju Atungpuh arü Thrünpuh tüsho inü arü ki alojihbah.

ZEKARIA 12:4

Atungpuhnü thachoh, ju nimung khora aban thsününü tüsho aberübo ayingyingkhinü ashikbah. Tüshe inü mihtsürübo khora aban kheak mük tukshihchoki, inü Juda yamkhün kheak a mürüngkihde kheahde alabah.

ZEKARIA 12:6

Ju nimung ching inü Juda gukbo ju sangrhungkihkhi kheak mophüh nangde, hineang bolung motru nangde akamshihbah; tüsho arünü tsülim tüsho huzulim mükamde alakhi mihtsürübo aniubah, judüki Jirusalem a anihbe lapung ching lalobah.

ZEKARIA 14:14

Judanü she Jirusalem bede keochihbah. Tüsho mühirü trükshih alala lakhit hanmukhungbah–suna, shotoyinchi, tüsho khimmihbo suhdahde alabah.

MAHKHAPRÜ 5:9

I mulong ju mihtsürü bolung shuhmülanga jihrü Israel yakzanshuhrü lung lah. Atungpuh shiang!