ZEKARIA 12:4 - AMÜSÜH HÜM CL Bible (BSI)

⁴ Atungpuhnü thachoh, ju nimung khora aban thsününü tüsho aberübo ayingyingkhinü ashikbah. Tüshe inü mihtsürübo khora aban kheak mük tukshihchoki, inü Juda yamkhün kheak a mürüngkihde kheahde alabah.

ZEKARIA 12:4 Iomraidhean Croise

1 KIULONG THSÜRÜ 8:29

junangde are tüsho animung, ‘ Ju ching I mung labah,’ de nünü athakhi dangpung ha yam lim nü müknü akheahbah, junangde nü yamlarünü ha yam lim tamkhüntamnüchoki nünü anibah.

2 KIULONG THSÜRÜ 6:14

Jumonü apinü khorabo le khoralolungbebo tüsho bonungrü hihde yüshih; arünü azhing ching arü, tüsho kiuto zündomükam.

2 KIULONG THSÜRÜ 6:18

Küyimki Siriarünü api azhihde akikhea, Elishanü Atungpuh ki tamkhüntamnü, tüsho tha, “Muzhobah ha mihtsürübo mük tukshihde shikang.” Jumonü Elishanü akeokhikhi nangde apinü mük tukshihde arü shik.

2 KIUTHSÜYUKHEAN 6:20

Nünü nü mung zopü alokhikhi dangpung ching, animung tüsho are ha yam lim nü mükbo rhakang, tüsho nünü nü yamlarünü ha yam lim tamkhüntamnükhi sojang.

2 KIUTHSÜYUKHEAN 6:40

Kheakü, O I Thrünpuh, ha dangpung chingnü tamkhüntamnükhi lim nü mükbo khimshuhang tüsho nü nükhünbo anguhang.

2 KIUTHSÜYUKHEAN 7:15

Kheakü ha dangpung ching tamkhüntamnükhi lim I mükbo khimshuhbah tüsho I nükhünbo anguhbah.

NEHEMIA 1:6

Atungpuh , I kilim kheahang, tüsho tsüngre nimung aban nü yamlarübo Israelrü thsungkheak I tamkhüntamnü sojang. Isa Israelrünü neak yihbeakdo de inü alokhichoh. Am isa jipürü tüsho inü neak yihbeakdo.

ISAIA 24:21

Ju nimung Atungpuhnü yinmi ching aputungrübo tüsho alomi kiulongthsürübo thsümüchibah.

ISAIA 37:17

Nü nükhün muphoang, O Atungpuh , tüsho soang; nü mük khimshuhang, O Atungpuh , tüsho kheahang; Sennakerib yubo alala sojang, küpü apinü arhang Thrünpuh mükhemükimde arüshihkhi la.

JEREMIA 24:6

Atsü thsungkheaknü arü kheak I mük zobah, tüsho ha lomi ching inü arü belodarübah. Inü arü thsükihbah, tüsho arü müthokheam; inü arü khimbah, tüsho arü mürukkhit.

EZEKIEL 38:4

inü nü bephülapbah tüsho nü mün ching khoyangbo yukjihbah, tüsho inü nü bonungrü alala, khorabo tüsho khoraberübo, arü alala thirithsü zülu khiukchimde yihshihbah boto ato arü alala tsung tüsho tsungnini, nukshangbo shuhbah mükamde nü bebah.

EZEKIEL 39:20

I dükhüm kheak, nüsa khorabo tüsho aberü, thirithsü mihtsürü tüsho bonungrü mungji aban bukmüthsüyi khiungde atsühbah, Atungpuh Thrünpuhnü thachoh.

DANIEL 9:18

O I Thrünpuh, nü nükhün muphoang tüsho aniang; nü mükbo khimshuhang tüsho isa thsümünimkhi tüsho nü mung tamde ajikhi kiuto kheahang, tümüde isa thiyuro-lungki dünkheaknü isanü nü miki mushukhi yung, tüshe nü mihmüthsüm ato dünkheaknü ah.

ZEKARIA 10:5

Arü thsürubah keochih ching thirithsürü nangde, kiudunglimrobo akhimniuhniuh ching thiriri thrümbah; arünü keochihbah, tümüde Atungpuh arü lung lah, tüsho arünü khora kheak binrübo achih ngüshihbah.

ZEKARIA 12:11

Ju nimung Jirusalem ching tüzhokhi ju Megiddo dükhün ching Hadad-rimmon thsungkheak tüzhokhi ruk tode alabah.

ZEKARIA 12:3

Ju nimung mihtsürü alala thsungkheak inü Jirusalem ju lung amülang kamshihbah; ha shuhkihrü alala nihbuh zangrü khitode ayuribah. Tüsho lomi trükshih alalanü rukhüh thsübah ha azhihde arübah.

ZEKARIA 12:5

Judüki Juda gukbonü arü mulong ching thabah, “Jirusalem ching larü a Wuto Atungpuh arü Thrünpuh hode sühmüh lah.”

ZEKARIA 12:6

Ju nimung ching inü Juda gukbo ju sangrhungkihkhi kheak mophüh nangde, hineang bolung motru nangde akamshihbah; tüsho arünü tsülim tüsho huzulim mükamde alakhi mihtsürübo aniubah, judüki Jirusalem a anihbe lapung ching lalobah.

ZEKARIA 14:15

Tüsho hadürü arüm-tukthsü ju khorabo, khoranunu, kemel, donki, tüsho binpung ching tümüpürü shiwüh labanü arü kheak yükihbah.

ZEKARIA 9:8

Judüki I ju aheangrü nangde I yam ching labah, junangde shenü yüla arüla de müthsü; junorü shenü she arü kurungkheak malihho, tümüde kheakü I müknü ngüdo.

YUNIRÜBO RHIMO 17:30

Mümükheahkhi kimbo Thrünpuhnü amümürang thsüdo, tüshe kheaküa lüpdükhi ching mihtsürü alala ki mulong müthripü thiyukhüm jihdo,

YUZÜNGTHALO 28:28

Atungpuhnü nüsa kheak bünkeangbünru, müktuk tüsho lüm keakeashahshahnü athsümüchibah.