ZEKARIA 12:3 - AMÜSÜH HÜM CL Bible (BSI)

³ Ju nimung mihtsürü alala thsungkheak inü Jirusalem ju lung amülang kamshihbah; ha shuhkihrü alala nihbuh zangrü khitode ayuribah. Tüsho lomi trükshih alalanü rukhüh thsübah ha azhihde arübah.

ZEKARIA 12:3 Iomraidhean Croise

ISAIA 60:12

Tümüde nü mütankihpü lakhi trükshih tüsho kiulongthsü adükheakbah; jurü trükshihbo shahde thsümünima labah.

OBADIA 1:18

Jakob yamkhün ju mo nangde, Josep yamkhün ju motru nangde alabah, tüsho Esau yamkhün a hitsüt nangde alabah; arünü jurü takbah tüsho aniuabahbah, tüsho Esau yamkhün chingnü she mülade alabah; tümüde Atungpuhnü asukdo.

MIKA 5:15

Bukakhiukkhi tüsho mulong zhipzhip ching inü mihyumanikhi trükshihbo kheak royimbah.

MIKA 5:8

Tüsho trükshih bolung ching aningkhi Jakob, mihtsürü ahihdonü zündoa lakhi ju, mütüm shiwüh bolung kekhüzü khülang nangde, namfimihnu boto lung hode yüchoki junakkhi, abekhitrü she mülade adütre kamde thonakkhi kekhüzü nunu khülang nangde alabah.

HABAKKUK 2:17

Tümüde Lebanon kheak athsümünim rhimokhinü nü zhidobah; tümütüsho mihtsürü thiyih bukkhi tüsho alomi le kiutobo tüsho jurü ching larü alala ki athsümünim rhimokhi hode shiwühbo thsümünimkhinü nü trede akamshihbah.

ZEPHANIA 3:19

Inü ju kim ching nü junorü alala ki rhimobah. Tüsho inü jingkikrü khümkhitbah tüsho hiumüzüta larü bemukhungbah, tüsho inü arü achih ngükhi ju mungshi müthrijihbah tüsho alomi alala ching mungthu labah.

HAGGAI 2:22

tüsho kiulongthsübinkiubo lah-a bahpü lah; inü trükshih kiulongthsübo sühmüh thsümünimbah tüsho khoralolungbe le aberübo lah-a bahpü thsüchoh; tüsho khorabo le aberübo nihbuh zangzang mihbüm aban keoniorü nukshangnü akeambah.

ZEKARIA 12:11

Ju nimung Jirusalem ching tüzhokhi ju Megiddo dükhün ching Hadad-rimmon thsungkheak tüzhokhi ruk tode alabah.

ZEKARIA 12:4

Atungpuhnü thachoh, ju nimung khora aban thsününü tüsho aberübo ayingyingkhinü ashikbah. Tüshe inü mihtsürübo khora aban kheak mük tukshihchoki, inü Juda yamkhün kheak a mürüngkihde kheahde alabah.

ZEKARIA 12:6

Ju nimung ching inü Juda gukbo ju sangrhungkihkhi kheak mophüh nangde, hineang bolung motru nangde akamshihbah; tüsho arünü tsülim tüsho huzulim mükamde alakhi mihtsürübo aniubah, judüki Jirusalem a anihbe lapung ching lalobah.

ZEKARIA 13:1

Ju nimung David yamkhün tüsho Jirusalem ching larü thsungkheak arü neak tüsho mümüsühkhi chingnü arü müsühkhitpü kenü khülang yahshungbah.

ZEKARIA 14:13

Ju nimung thsünü ato Atungpuh kilimnü arü kheak yükihbah, junangde mihbüm abannü nihbuh yamhingrü khah kheak tholobah, tüsho khülang khahnü püpürü kheak azhihachihde wusubah;

ZEKARIA 14:6

Ju nimung athsak yungsho thüwün müla.

MATHI 21:44

Tüsho sherü ha lungmi kheak keambanü adütre kamde adannakbah; tüshe sherü kheak ha lung keambanü adübün kamde azünakbah.”

LUKNÜ ATHRÜTKHI THIYUSHEAK-ATSÜ HUHTANYU 20:18

Shepü ju lung kheak keambanü adütre kambah; tüshe shepü kheak ju keambanü adübün kamde azünakbah.”

AMIKHEAKAKHIUKKHI 16:14

tümüde arübo ju amünean mebo, khinthiyinbebo rhimode, khiungke lim alomiküp kiulongthsürübo kilim Wuto Thrünpuh nimung ato ching thirithsüpü arü bemukhungpü yüchoh.