ZEKARIA 11:9 - AMÜSÜH HÜM CL Bible (BSI)

⁹ Jumonü inü tha, “ I nüsa namfimihnu neakrü müthsü. Tümü ashepü lanü, ju sheshang; tümü athsümünimpü lanü, ju thsümünimshang; tüsho aninga larünü khülangnü khülang shih tsühshang!”

ZEKARIA 11:9 Iomraidhean Croise

JEREMIA 19:9

Tüsho inü arü ki arü tsührübo tüsho tsührübebo shih tsühshihbah, tüsho arü rhangdung yimrünü zündobahle arü lümthsünüde lachoki arünü yamhingrü shih tsühachihbah.

JEREMIA 23:33

Küyimki ha mihtsürü, yungsho wukihrü, yungsho amükeamrünü nü ki keokhiba, “Atungpuh müchityu tümü a?” nünü arü ki thabah, “Tümü müchityu, tüsho inü nüsa bahyukbah, Atungpuhnü thachoh.”

JEREMIA 23:39

jumonü tsükjide inü nüsa thrüa lubah tüsho nüsa le nüsa jipürü kilim inü ajihkhi kiuto I mikinü jipa bahbah.

JEREMIA 43:11

Apinü arübah Ijip lomi kukbah, ashepü akhua larü kilim ashepü, arampü akhua larü kilim arampü tüsho nukshang akhua larü kilim nukshang handarübah.

EZEKIEL 5:10

Jumonü nüsa bolung ching buhrübonü arü tsührübo tsühbah tüsho tsührübonü arü bebuhrübo tsühbah. Inü nü kheak thsümüchi jihbah tüsho nüsa aninga larü alala apungbo ching müzütshihbah.

HOSEA 4:6

I mihtsürübo mükheahmudu mülakhinü dükheaka lah; tümütüsho nünü mükheahmudu bahyuk, inü nü I ki amükeamrü thsüpü chingnü bahyukchoh. Tüsho nünü nü Thrünpuh yakzan mihkhinü, inü she nü tsührübo mihbah.

ZEKARIA 13:8

Lomi athrünkhi ching, Atungpuhnü thachoh, shihcham mahsam ching mahne shekhambah, tüsho shihchamkhüh labah.

MATHI 15:14

Arü küdah thsüshang. Arübo a müktukrü limberübo müktukrübo ah. Tüsho müktukrünü müktukrü limbesho, ane chido shingkung ching keamyukbah.”

MATHI 21:19

Limmungyean khubasodung zhipde ngübah apinü yü, tüsho ju kheak tümü müngü tüshe ayübo lang alakheah. Tüsho apinü ju ki tha, “Küyimkishe nü kheaknü aso dasolo!” Tüsho judüchokinü khubasodung ju yiuhabah.

MATHI 21:43

“Jumonü inü nüsa ki thachoh, yinmi kiulongthsü ju nüsa kheaknü luakhinbah tüsho aso asoshihpü mihtsürübo kilim jihabahbah.

JOHAN 12:35

Jisunü arü ki tha, “Nüsa lung ayin ju anükhüh ruhde lah. Nüsanü ayin lachoki tsahang, jude yungsho amitingnü nüsa yanphuhbah; shepü amiting ching tsahchonü külim yüchonü mümükheah.

JOHAN 8:21

Judüki Jisunü arü ki thalo, “I tsochoh, tüsho nüsanü I yimbah, tüsho nüsa neak ching nüsa shebah. I küching yübanü nüsanü marükhuk.”

JOHAN 8:24

Jumonü nüsa neakbo ching nüsa shebah de inü nüsa ki thakheah; tümütüsho I api ah de nüsanü mükinsho, nüsa neakbo ching nüsa shebah.”

AMIKHEAKAKHIUKKHI 22:11

Amütsü rhimorünü judü lang amütsü rhimoshang, tüsho amüneanrünü müneanshang, thiyuro-lungkirünü alim rhimoang, tüsho amüsührünü müsühde laang.”