ZEKARIA 11:7 - AMÜSÜH HÜM CL Bible (BSI)

⁷ Jumonü, namfimihnu yinzüyindorü thsung thsüde I alaksahpü akhukhi namfimihnu boto neakrü kamdo. Inü tso mahne ludo; khülang mung inü Mihmüthsüm, püpü ki Arihako de jilah, tüsho inü namfimihnu kümchoh.

ZEKARIA 11:7 Iomraidhean Croise

MUNGSHIKHÜN 23:4

I amiting asük hode yüyü she, Atungpuh , inü mütre, tümüde nü I lung lah. Nü namfimihnu neakrü tso tüsho shitsonü I kümdochoh.

MUNGSHIKHÜN 27:4

Inü Atungpuh ki tümükhüh khülang kheang, ha inü ayimkhi lakheah: junangde inü Atungpuh akhamkhi kheahpü, tüsho arüngyam ching api yimpü I rhangdung amuyung Atungpuh yam ching labah.

MUNGSHIKHÜN 90:17

Atungpuh isa Thrünpuh jaktsü isa kheak lashang, tüsho isa thsungkheak isa khahnü arhimokhi rünkihshang; am, isa khah rhimo rünkihshang.

ISAIA 11:4

tüshe thiyuro lungkinü apinü zhochihrü mahkhapbah tüsho alomi ching azhihayihrü thsungkheak alungkinü khikzhakbah; apinü api mün tsonü alomi shikbah, tüsho amün sheaknü apinü mihbukmuyuk laksahbah.

ISAIA 40:11

Apinü api mihnubo ki mihnu neakrünü nangde yimkipbah; apinü namfimihnunubo api bin kheak bemukhungbah, tüsho arübo api khüh kheak hanbah, tüsho namfimihnu abebo mükhihde abebah.

ISAIA 61:1

Atungpuh T H RÜ NPU H me I kheak lah, tümütüsho Atungpuhnü I zhochihrü kilim thiyusheak atsü thsangyupü mujude-mokhit; mulong thsümünima larü thsüngushihpü, aramrü kilim zuzu kuhi zhiyukpü, tüsho ramyukrü dükheshihpü apinü I thiyi;

JEREMIA 39:10

Aheangrü wühkenobuh Nebuzaradannü tümü mülarü zhochihrü mihtsürü khürü Juda lomi ching lashih, tüsho judüchoki arü kilim kurungasolu le thulubo jih.

LEVI 27:32

Tüsho moshi boto le namfimihnu boto shihcham thsungkheaknü küpü namfimihnu neakbuh tso bukkhüp lanü, athürüpü ju Atungpuh miki amüsüh labah.

MIKA 7:14

Nü tsonü nü mihtsürü, nü yo namfimihnu boto neakang, küpü murung khülang ching alo atsü phulung la; arübo awün nimungbo nangde Bashan tüsho Gilead ching yimtsühshang.

ZEPHANIA 3:12

Tümüde inü nüsa bolung azhihayih tüsho akheamkhibe mihtsürü zojihbah. Arünü Atungpuh mung ching tsoyukpung yimbah–

ZEKARIA 11:14

Jushu inü mahnepü Arihako tso ju Juda tüsho Israel keonione dükeak arihakokhi thsümünimde yihshak.

ZEKARIA 11:4

Atungpuh I Thrünpuhnü ha thachoh: Alaksahpü akhua lakhi namfimihnu boto neakrü khülang kamang.

MATHI 11:5

Müktukrünü ngüchoh tüsho jingkikrünü tsahchoh; apham kihrü müsühkhitdo tüsho nükhünpeangrünü sochoh; asherü arhang kamloshihdo tüsho zhochihrü ki thiyusheak atsü thsangyudo.

MARK 12:37

Jumonü Davidnü api Atungpuh de ji, dale küde thsah anihbuh tsührü lapü?” Tüsho boto mihtsürübonü api ki asühde ani.

JOHAN 10:16

Namfimihnubo püpü ha yam ching mülakhi she inü bede arübah, tüsho arünü I düsheak anibah; tüsho arübo namfimihnu boto khülang tüsho namfimihnu neakrü khülang labah.

JAKOB 2:5

Aniang, inü muzhokhi keoniorübo. Akin ching alarü thsüpü tüsho apinü amuzhorü ki alokhikhi kiulongthsü yamrüplurüp lupü Thrünpuhnü zhochihrü mokhitkhi yung de?

1 SAMUEL 17:40

Tüsho apinü tso akhah ching lu tüsho ayung chingnü lung athulung phüngü moa lu, tüsho api yo mihnu neakrü qiuqiu ching yuk; lunghitliu akhah ching lakheah, tüsho apinü Filistiabuh thüninde yü.

1 SAMUEL 17:43

Judüki Goliathnü David ki tha, “I khihnu ah de lümbah tso shuhbah arücho de?” Tüsho Goliathnü api thrünpuhbo jide David muthrumünean.