ZEKARIA 11:5 - AMÜSÜH HÜM CL Bible (BSI)

⁵ Sherünü arü thulochonü arü laksahchoh tüsho amülim müla de lümchoh; tüsho sherünü arü yinchonü thachoh, “Atungpuh müngühmühi thsang, tümüde I alarü kamdo”; tüsho arü namfimihnu neakrübonü arü kheak amuzho müla.

ZEKARIA 11:5 Iomraidhean Croise

2 KIULONG THSÜRÜ 4:1

Kheakü wukihrü bolung khülang niubenü Elisha ki zhi, “Nü yamlarü I niubuh sheabahdo; tüsho nü yamlarünü Atungpuh wüntrede lachoh de nünü mükheahlah, tüshe sho züngrü I tsührü 2 azhorü thsüde alupü arüa lah.”

NEHEMIA 5:8

Tüsho arü ki tha, “Isanü akukthülün keoniorü Jihudarü khiungkerü ki yinkhi rhokhitlodo, nüsa dokhühnü she nihbe keoniorü yinba de? Yungsho arü ju isa ki yinba de?” Limberübo ju jikshe müthsüdebah tüsho athapü tümü müyimkhit.

JEREMIA 2:3

Atungpuh kilim apinü yimlukhi akhuhbe sangaso Israel amüsüh lakheah. Ha tsührü alala amülim ngüde alakheah; thsümütsü arü kheak arü, Atungpuhnü thachoh.

JEREMIA 50:7

Arü ngürü alalanü arü tsühabahdo, tüsho arü riribonü tha, “ Isa amülim müla, tümütüsho arünü thiyuro rimlopung, Atungpuh , arü jipürü mulonglam Atungpuh azhihde neak yihbeakdo.”

EZEKIEL 34:10

Atungpuh Thrünpuhnü ha thachoh, Inü namfimihnu neakrübo azhihde lah; tüsho inü I yo namfimihnubo arü khah chingnü akheangbah, tüsho arü namfimihnu yimkipkhi chingnü tukloshihbah; namfimihnu neakrünü kheaküa mütsüh. Inü arü mün chingnü I yo namfimihnubo khümkhitbah, junangde arübo ju arü thsungkheak jim müthsü.

EZEKIEL 34:21

Tümütüsho nüsanü kebük tüsho dubuhnü khanga tsoshih, tüsho ayiuhyiuh shiwühbo alala limshu tüsho mülihde müyüyi khiungde nü juhnü khua tsoshih,

EZEKIEL 34:6

I yo namfimihnubo hiumüzütabah, arübo müzüngbo tüsho awung achang alala kheak rümde tsah; I yo namfimihnubo shenü müyimde yungsho arü thsungkheak majuakheahde alomi alala kheak hiumüzüt.

HOSEA 12:8

Ephraimnü tha, “Ah, I alarü ah, I alarü kamdo; I lakhit alala ching arünü amülim neak müyimkhit.”

HOSEA 12:9

I Ijip chingnü nü bekhitbuh Atungpuh nü Thrünpuh; akhukhitkhi thünio nimungbo ching nangde, inü nü khimyambo ching laloshihbah.

AMOS 2:6

Atungpuhnü ha thachoh: Israelnü alochode neak yihbeakkhi dünkheak, inü thsümüchi mululo; tümütüsho arünü shotoyinchi mo thiyuro-lungkirü tüsho jingkhümpü mihbümkhüh mo müthsümülarü yinabah–

MATHI 23:13

“Tüshe nüsa yakzan thsangyurübo tüsho Pharisirü, yiuhkhaprübo are! Tümüde nüsanü mihtsürübo azhihde yinmi kiulongthsü rihdo; tümütüsho nüsanü müyüzah yungsho ayüzahpü larü she müyüzahshih.

JOHAN 10:1

Atsütsü inü nüsa ki thachoh, “Shepünü ripit chingnü yungde püpü limronü künde namfimihnubo yam ching yüzahchonü ahührü tüsho jangkhijangrarü ah.

JOHAN 16:2

Arünü nüsa sinagogbo chingnü ayankhitbah; am, shepünü nüsa laksahbanü, apinü ju rhimokhinü Thrünpuh tankihchoh de alümpü kim arüchoh.

2 PETER 2:3

Thsangyurü harünü arü mükhütmürakhi chingnü arü lümkangyu thiyukheannü nüsa bemüchihbah. Tümüde kim ashang chingnü arü mahkhappü, yomuhde müla tüsho arü thsümünimpü yapnede müyü.

AMIKHEAKAKHIUKKHI 18:13

sinamon sang, thüneathürabe, rhümkebe, rhümthüneabe, jinjinlak, yukhu, müdangke, ayikangkang, tüsho wheat atsüdak, moshi tüsho namfimihnubo, khorabo tüsho khoralolungbebo, azhorübo tüsho mihtsürübo rhangdung.

AMIKHEAKAKHIUKKHI 3:17

Tümüde nünü thachoh, I alarü ah, I lalim tsülah, tüsho I tümü yihnüpü müla; tüshe nünü nü a küpkhuk, amuzhobe, zhochihrü, müktukrü, tüsho bünkeang ah de mümükheah.