ZEKARIA 11:3 - AMÜSÜH HÜM CL Bible (BSI)

³ Aniang, namfimihnu neakrünü tüzhokhi, tümüde arü müretahkhi thsümünima lah! Aniang, kekhüzübo arungkhi, tümüde Jordan ching khide akheahkhi murung thsümünimdo!

ZEKARIA 11:3 Iomraidhean Croise

MUNGSHIKHÜN 22:21

Kekhüzübo mün chingnü, mütüm moshipungbo juhbo chingnü I khümkhitang.

ISAIA 5:29

Arü arungkhi kekhüzü nangde arungchoh; arünü ahukchoh tüsho shih ramchoh, arünü lude tsochoh, tüsho shenü müyankhikhuk.

ISAIA 65:15

Nüsa mung ju inü mokhitkhi kilim athruajipü zojihbah, tüsho Atungpuh Thrünpuhnü nüsa a asheshihbah; tüshe api yamlarübo ki apinü mung püpünü ajibah.

JEREMIA 2:15

Kekhüzübonü api azhihde arung, arünü achangnü arung. Arünü api lo abahkhi kamshih; api kiutobo mihtsürü mülade thsümünima lah.

JEREMIA 2:30

Inü akeangkeang ching nüsa tsührübo shikdo; athsülangkhi arünü tümü müleangkhi. Nü nukshangnü nüsa yo wukihrübo athsümünimbe kekhüzünü nangde muyuabahdo.

JEREMIA 26:6

inü ha yam Shilo nangde akamshihbah, tüsho alomi trükshih alala bolung ha kiuto muthrumünean kamshihbah.

JEREMIA 49:19

Kekhüzü khülang Jordan sangrung akheah chingnü aphüyak rimlopung azhihde atukhi nangde, inü tsükjide ju chingnü Edom yanyuka bahbah; tüsho ju kurungkheak inü amokhitkhi zojihbah. Tümüde I nangde she la? Shepünü I azhihkhukla? I miki zhipkhukpü thsüde namfimihnu neakrü she la?

JEREMIA 50:44

Kekhüzü khülang Jordan rim akheah chingnü rimlopung aphüyak azhihde atukhi nangde, inü nahde arübo anihbe kheaknü yanyuka bahbah; tüsho inü mokhitkhi sherüanü anihbe kurungkheak zojihbah. Tümüde shepü I ruk la? Shenü I münitkhukla? I miki zhipkhukpü thsüde shepü namfimihnu neakrü a?

JEREMIA 7:4

Harü mülapyukbe yubo ching dükin: “Ha Atungpuh arüngyam, Atungpuh arüngyam, Atungpuh arüngyam.”

EZEKIEL 19:2

tüsho thaang: Küdükhüh she kekhüzü bolung nü be ju kekhüzü dreto lakhea! Anihbenü kekhüzübo lung yap tüsho anihbe nunubo mütrü.

HOSEA 10:5

Samaria ching larü ju Beth-aven moshi nunu dünkheaknü ajanchoh. Mihtsürübonü ha dünkheak tüzhobah, tüsho ha kheaknü müretah tsokhi dünkheak ju kingaünrü amükeamrübonü mitripbah.

JOEL 1:13

Shungliukhim phuyuang tüsho tüzhoang, nüsa amükeamrübo; tüzhoang, nüsa kingaün sadam kheak tankihrübo. Arang, shungliukhim chingnü tsüngre hoshang, nüsa I Thrünpuh tankihrübo! Hi kingaün tüsho ayungbe kingaün nüsa Thrünpuh yam chingnü tukloa lah.

AMOS 8:8

Ha dünkheaknü lominü majanba de, tüsho ju ching larü abannü mütüzhoba de, tüsho alala Nile nangde makihba de, tüsho Ijip ching mükeamyukba de?

ZEPHANIA 1:10

Atungpuhnü thachoh, ju nimung Thüngüh Ripit chingnü azhikhi khülang, kiuto dangpung aso chingnü mitripkhi tüsho awungbo chingnü akeamkhi düsheak ato sobah.

ZEPHANIA 3:11

Ju nimung nünü I azhihde arhimokhi alala dünkheaknü nü achih müngü; tümüde inü nüsa bolungnü kükheangde asühachihrübo yihkhita bahbah, tüsho nüsanü kheaküa I yo amüsüh müzüng kheak lülüshishi müthsü.

ZEPHANIA 3:3

Ju ching atorübo ju ahukkhi kekhüzübo lah; mahkhaprübo ju are tsahbe rimrebo, junangde yapsu khiungde tümü maningshih.

ZEKARIA 11:2

Tüzhoang, O saipress, tümüde cedar lungdo, tümüde sangbo müretahkhi thsümünimdo! Tüzhoang, Bashan thülamsangbo, tümüde murung akheahbo kiukheamdo!

ZEKARIA 11:8

Khinu khülang ching inü namfimihnu neakrü mahsam yankhita bahchoh, tümüde arü kheak inü marümkhukde kamdo, tüsho arünü she I mükheahne.

MATHI 15:14

Arü küdah thsüshang. Arübo a müktukrü limberübo müktukrübo ah. Tüsho müktukrünü müktukrü limbesho, ane chido shingkung ching keamyukbah.”

YUNIRÜBO RHIMO 7:52

Nüsa jipürübonü müthsümüchikhi wukihrübo sherü a? Arünü thiyuro-lungki Khülang arüpü zhiyukbuh she laksah. Tüsho kheakü nüsanü api mülapyukde laksah–