ZEKARIA 11:17 - AMÜSÜH HÜM CL Bible (BSI)

¹⁷ Namfimihnu boto bahyukrü, müthülünkhi namfimihnu neakrü are! Nukshangnü api bin tüsho amük tsülim thsümünimshang! Api bin shahde keahkhishang, api mük tsülim shahde tukabahshang!

ZEKARIA 11:17 Iomraidhean Croise

1 KIULONG THSÜRÜ 13:4

Küyimki Thrünpuh mihtsürünü kingaün sadam azhihde Bethel ching zhikhi kiulongthsüpuhnü asokhea, Jeroboamnü kingaün sadam kheaknü akhah chungkhitbah tha, “Api ramang!” Tüshe api azhihde akhah chungkhitkhi ju thripshe thsüabah, junangde apinü anihbuh kilim tholoa mulukhuk.

ISAIA 29:10

Tümüde Atungpuhnü nüsa kheak yapnekudobe me dungkihdo; nüsa wukihrübo, apinü nüsa mük yihdojihdo, tüsho nüsa angürübo, nüsa kubo muhiujihdo.

ISAIA 44:10

Shepünü nihbuh alü mülakhi thrünpuh yungsho sangthsü thsücho?

ISAIA 9:15

azothsürübo tüsho atorübo ju aku, tüsho akeangyu thsangyurü wukihrübo ju amo;

JEREMIA 22:1

Atungpuhnü ha thachoh: Juda kiulongthsüpuh yamkhün ching yükiang, tüsho ju ching ha yu asukang,

JEREMIA 23:1

Yakzanshuhrü shepünü api mihtsürü thsümünimcho tüsho yanmüzütchonü are! Atungpuhnü thachoh.

JEREMIA 23:32

Kheahang, akeangyu milim müchitrü inü azhihchoh, Atungpuhnü thachoh, tüsho sherünü jurü thacho, tüsho sherünü inü müthiyide, akeangyu thade tüsho mükümkangde I mihtsürübo bephülapde tsocho; jumonü arünü ha mihtsürü shahjungde alü müthsüshih, Atungpuhnü thachoh.

EZEKIEL 13:3

Wuto Atungpuhnü thachoh: Nihbuh me yanrü makharü wukihrü tüsho tümü müngürü ayokhe!

EZEKIEL 34:2

Mihtsürü tsührü, Israel namfimihnu neakrü azhihde müchitang: müchitang, tüsho namfimihnu neakrübo ki thaang: Atungpuh Thrünpuhnü ha thachoh: Nüsa nihbuh tsühyungrü Israel namfimihnu neakrübo are! Namfimihnu neakrübonü namfimihnu yimkipbe yung de?

ZEKARIA 10:2

Tümüde sangthsübonü akeangyu thachoh; tüsho müchitrünü akeangyu ngüchoh; milim-mirünü akeangyu michoh, tüsho akeangkeang ching mulong shukheamchoh. Jumonü mihtsürübo ju namfimihnu nangde rümde tsahchoh; arübo aneakrü mülakhinü küpkhukchoh.

ZEKARIA 11:15

Judüki Atungpuhnü I ki tha: Kheaküshe müthülünkhi namfimihnu neakrü kukrukbo luang.

MATHI 23:13

“Tüshe nüsa yakzan thsangyurübo tüsho Pharisirü, yiuhkhaprübo are! Tümüde nüsanü mihtsürübo azhihde yinmi kiulongthsü rihdo; tümütüsho nüsanü müyüzah yungsho ayüzahpü larü she müyüzahshih.

MATHI 23:16

“Nüsa müktukrü limberübo, are! Nüsanü thachoh, ‘Khürünü arüngyam tamde thiyuchihchimsho, ju tümü müthsü; tüshe khürünü arüngyam suna tamde thiyuchihchimsho, anihbuh thiyuchihchimnü api rhüka lah.’

JOHAN 12:40

“Apinü arü mük tukshih tüsho arü mulong müküpshih, jude yungsho arü mükbonü angübah tüsho mulongnü anikhitbah, tüsho rholode arübah inü arü thsüngubah.”

JOHAN 9:39

Tüsho Jisunü tha, “Mahkhappü thsungkheak ha lomi ching I arükheah, junangde shepünü müngünü angübah, tüsho shepünü ngülanü mük tukbah.”

ROMRÜ KILIM PAULNÜ ATHRÜTKHI KIHÜM HUHTANYU 11:7

Dale tüsho tümü a? Israelnü ayimkhi müngüdebahdo. Amokhitrünü ju ngü, tüshe aningkhi a mulong müküpabah,

1 KORINT 8:4

Junangde sangthsübo ki kingaünkhi tsühyungbe tsühkhi ju, sangthsü khülang ju atsütsü rhangdung müla de isanü mükheahlah, tüsho Thrünpuh khülang lang lah.

1 SAMUEL 2:31

Kheahang, inü nü sühmüh tüsho nü jirüpürü yamkhün sühmüh lipshaka bahjihpü kim khülang arümuroh, junangde nü yamkhün ching sheshe shinde müla.