ZEKARIA 11:16 - AMÜSÜH HÜM CL Bible (BSI)

¹⁶ Tümüde kheakü lomi ching inü, adükheakkhi müküm, yungsho rümde atsahkhi müyim, yungsho yurikhi müthsüngu, yungsho ashih kihkhi müyimkip, tüshe ashih kihkhi shih tsühde, arü biuo she achakrüpshihpü lakhi namfimihnu neakrü khülang asürüshihchoh.

ZEKARIA 11:16 Iomraidhean Croise

THRÜNTAN 31:38

I kam muku nü lung lado; nü yo namfimihnubo tüsho mihnubo manumüchih, yungsho nü mihnu boto chingnü namfimihnupungbo mütsüh.

THRÜNTAN 33:13

Tüshe Jakobnü api ki alo, “Azürübo sühmüh müdüküng, tüsho mihnu le moshi boto anunu bede I lung belah de I tungpuhnü mükheahlah. Tüsho mihtsürübonü arübo nimung khülangnü müküpde besho, shiwüh alala ashebah.

ISAIA 40:11

Apinü api mihnubo ki mihnu neakrünü nangde yimkipbah; apinü namfimihnunubo api bin kheak bemukhungbah, tüsho arübo api khüh kheak hanbah, tüsho namfimihnu abebo mükhihde abebah.

JEREMIA 23:2

Jumonü Atungpuh Israel Thrünpuhnü, I mihtsürü kümrü yakzanshuhrübo dünkheak ha thachoh: Nüsanü I mihtsürübo müküm; nüsanü arübo yanmüzüt tüsho yana tsoshihdo. Jumonü nüsa rhimo amütsü thsungkheak inü nüsa thsümüchibah. Atungpuhnü thachoh.

JEREMIA 23:22

Tüshe arünü I athsunganah ching zhipkhülaa, arünü I mihtsürübo ki I yu zhiyuka labah, tüsho arü amütsü limro tüsho arü rhimo amütsü chingnü rholoa labah.

EZEKIEL 34:10

Atungpuh Thrünpuhnü ha thachoh, Inü namfimihnu neakrübo azhihde lah; tüsho inü I yo namfimihnubo arü khah chingnü akheangbah, tüsho arü namfimihnu yimkipkhi chingnü tukloshihbah; namfimihnu neakrünü kheaküa mütsüh. Inü arü mün chingnü I yo namfimihnubo khümkhitbah, junangde arübo ju arü thsungkheak jim müthsü.

EZEKIEL 34:16

Inü adükheakkhi yimbah, tüsho inü hiumüzütkhi belode arübah, tüsho inü yurikhi rümjihbah, tüsho tukthsükhi inü düküngshihbah, tüshe amüdangkhi tüsho reangzahkhi inü thsümünimbah. Inü thiyuronü arü yimkipbah.

EZEKIEL 34:21

Tümütüsho nüsanü kebük tüsho dubuhnü khanga tsoshih, tüsho ayiuhyiuh shiwühbo alala limshu tüsho mülihde müyüyi khiungde nü juhnü khua tsoshih,

DANIEL 11:36

“ Kiulongthsüpuhnü anihbuh lümkhi rhimobah. Apinü aküdah thsüde anihbuh shuhkihbah tüsho thrünpuh kheaknü atobe lümbah, tüsho thrünpuhbo bolung Thrünpuh azhihde mükhemükimyu thabah. Bukakhiuk kim muhoyi khiungde api kukzamde alabah, tümütüsho tümü lümkihlanü arhimopü tsütsü.

JOHAN 10:1

Atsütsü inü nüsa ki thachoh, “Shepünü ripit chingnü yungde püpü limronü künde namfimihnubo yam ching yüzahchonü ahührü tüsho jangkhijangrarü ah.