ZEKARIA 11:12 - AMÜSÜH HÜM CL Bible (BSI)

¹² Judüki inü arü ki tha, “Ha nüsa ki alungki nangde lasho, I mihkhah dün jihang; tüshe jude yungsho, arübo zoang.” Jumonü arünü I mihkhah dün shotoyinchi 30 jih.

ZEKARIA 11:12 Iomraidhean Croise

THRÜNTAN 23:16

Abrahamnü Ephron ki ani; tüsho Hitrünü sode anihbuhnü athakhi nangde Abrahamnü shothsümolorü amünchi adünbe ayannü shotoyinchi nak 400 adüna Ephron kilim jih.

THRÜNTAN 37:28

Küyimki Midiarü shothsümolorü arüde alakheanü, akhiung pürünü Josep ju shingkung chingnü thokhit tüsho shotoyinchi nak 20 mo Ishmaelrü ki yin. Tüsho arünü api Ijip lim bede yüki.

1 KIULONG THSÜRÜ 21:2

Tüsho Ahabnü Naboth ki tha, “Nü yo kurungasolu I kilim jihang, junangde inü wotsühwora shahwün thsanü, tümütüsho ha I yam phünide lah; ju thsungkheak inü nü kilim kurungasolu atsübe jihanü; yungsho, nünü tsülah de lümsho, inü ju dün nü kilim sho jihanü.”

1 KIULONG THSÜRÜ 5:6

Jumonü Lebanon ching lakhi cedarbo I khilim kiushakpü thiyukhüm jihang. I yamlarübonü nü yamlarübo lung arihbah, tüsho nü yamlarübo thsungkheak nünü tümüpürü mihkhahbo jihdünü inü nü kilim jihbah; tümüde Sidonrü nangde sang-rhütsorü isa bolung sheshe müla de nünü mükheahlah.”

2 KIUTHSÜYUKHEAN 30:4

Lümkhi ju kiulongthsüpuh tüsho amukhungrü alala ki alungki nangde alakheah.

ABEKHIT 21:32

Moshipungnü athrürü yungsho aliberü azhorü khusahsho, ju putungrünü azhorü putungrü kilim shotoyinchi 30 jihbah, tüsho moshipung ju lungnü akingsahbah.

JEREMIA 32:9

Tüsho inü I buhdo tsührü Hanamel kheaknü Anathoth ching lakhi thulu ju thulo, tüsho api kilim shotoyinchi 17 adüna jih.

LEVI 27:4

tüsho aliberübo a-sho anihbe dün shotoyinchi 30 akhuang.

MALAKI 3:5

Judüki mahkhappü thsungkheak I nüsa ki thüninde arübah; inü wurükhuhrü azhihde, müzammüramrü, akeangyu thiyuchihchimrü, mülomüthsürü mihkhah, khimoberü tüsho mürerü junorü, khiungkerü nimmuwuh-a bahrü tüsho I mütrerü azhihde thiyumütsan jihpü atukathribah, Wuto Atungpuhnü thachoh.

MATHI 26:15

tüsho tha, “Inü api nüsa kilim jihsho nüsanü I kilim tümü jihpü mulongla?” Tüsho arünü api kilim shotoyinchi 30 khekhita jih.

MATHI 27:10

tüsho Atungpuhnü I ki thiyukhüm jihkhi nangde arünü phühdamrü lu thulo.”

MATHI 27:9

Junangde Jeremia wukihrünü athakhi dünji: “Israel mihtsürübonü api dün akhukhi shotoyinchi 30 ju arünü lu,

JOHAN 13:2

Tüsho arelim yimtsühchoki api yinatsühshihpü Simon tsührü Juda Iskariot mulong ching amünean menü rük yukjih.