ZEKARIA 10:9 - AMÜSÜH HÜM CL Bible (BSI)

⁹ Inü arübo trükshih bolung hiumüzütshihshih she, limshu lomibo chingnü arünü I lümkhitbah, tüsho arünü arü tsührübo mütrübah tüsho alodarübah.

ZEKARIA 10:9 Iomraidhean Croise

NEHEMIA 1:9

Tüshe nüsanü I kilim alode arübah inü athakhi rhimosho nüsa lomi akheam khiungde müzützüt she kükheak I mung zoshihpü inü mokhitdünü ju kheak belode arübah.’

ESTER 8:17

Kiuto tüsho lomi aban ching kiulongthsüpuh yusheak küyimki khekhea, Jihudarübonü mude asühkhi thünio niode mung. Tüsho lomi ching püpürü mihtsürübo she ahihkhüh Jihudarü kam, tümüde kheaküa arübonü Jihudarübo treabah.

ISAIA 44:21

Harü lümkhitang, O Jakob, tüsho Israel, tümüde nü I yamlarü; inü nü kamshihkheah, nü I yamlarü; O Israel, nü inü mihamübah.

ISAIA 64:4

Ahokhi lünbo ching shenü muso, she nükhünnü musokhit, api aleangrü thsungkheak shepünü rhimocho, nü hobah she müknü tümü Thrünpuh müngü.

ISAIA 65:23

Arünü akeangkeang ching mürhimo, yungsho thsümütsü thsungkheak tsührü müzübe; tümüde arübo Atungpuhnü müngühjihkhi münü labah, tüsho arü tsühsoniusobo she ju ruk labah.

ISAIA 65:9

Inü Jakob kheaknü tsühsoniuso, tüsho I wungbo yamrüplurüp lurü Juda chingnü handarübah; inü mokhitkhinü ju yamrüplurüp lubah, tüsho I yamlarübo ju ching labah.

JEREMIA 31:27

Atungpuhnü thachoh, Israel yamkhün tüsho Juda yamkhün kheak mihtsürü tüsho shiwüh müjihbo hiupü nimung tsükjide arado.

JEREMIA 51:50

Nüsa nukshang chingnü atsokhitrübo, yüang, daleang! Limshu lomi ching Atungpuh lümkhitang, tüsho nüsa lüm ching Jirusalem arüshang.

EZEKIEL 6:9

Judüki arü ramde ayükhi trükshihbo ching atsokhitrünü I lümkhitbah–künangde arü müzammüram mulongbonü I mulong tukthsüshihkhea, küpü I kheaknü rholode atsokhea, tüsho arü mükjibonü arü sangthsübo kheah-a mürühkhea. Arünü arhimokhi amütsü thsungkheak tüsho arünü athraneanbe rhimokhi alala arünü amukhiukbah.

HOSEA 2:23

tüsho inü anihbe I lo ching yangbah. Tüsho inü Lo-ruhama kheak amuzho labah tüsho inü Lo-ammi ki thabah, “ Nü I mihtsürü ah”; tüsho apinü athabah, “ Nü I Thrünpuh.”

AMOS 9:9

Tümüde kheahang, inü thiyukhüm jihbah tüsho khürünü ayikeangnü ayikhi nangde trükshih alala bolung müthülünkhi yihkhita bahpü inü Israel yamkhün ayibah.

MIKA 5:7

Judüki mihtsürü ahihdonü zündoa lakhi aningkhi, mihtsürü kheak mangükhi yungsho mihtsürü she maleangkhi Jakob ju Atungpuh kilimnü ayinke nangde, sangrung kheak tsüngbo nangde alabah.

YUNIRÜBO RHIMO 8:1

Tüsho api shekhi ju Saulnü mülüjih-a lakheah. Tüsho ju nimung Jirusalem ching borü azhihde thsümüchi ato akhiuk; tüsho amüsüh-thsangyurübo kheak hode, arü alala Judea tüsho Samaria lomibo ching müzütabah.

YUNIRÜBO RHIMO 8:4

Kheakü sherü hiumüzüta lakheanü thiyusheak thsangyuthsangrade yü.

ROMRÜ KILIM PAULNÜ ATHRÜTKHI KIHÜM HUHTANYU 11:24

Nüsa ju mütüm oliv-dung kheaknü lipkhibah ashih mayeye she akhimkhi olivdung kheak müchinsho, ju sangkhahbo oliv-dung kheak müchinpü küdükhüh athülihbe laba!