ZEKARIA 10:8 - AMÜSÜH HÜM CL Bible (BSI)

⁸ Inü arü jibah tüsho arübo mukhungbah, tümüde inü arü rhokhitdo tüsho akhuhlim nangde arü hihde akambah.

ZEKARIA 10:8 Iomraidhean Croise

1 KIULONG THSÜRÜ 4:20

Juda tüsho Israel ju keto yean loyi nangde hihde alakheah; arünü tsühyung tüsho asüh.

ABEKHIT 1:7

Tüshe Israelrü wüh bude hihdakde khide sühmüh lade arünü alomi mide kam.

ISAIA 44:22

Nünü alakmihkhibo inü amo nangde wua bahdo tüsho nü neakbo shumuliu nangde bahjihdo; I kilim rholoang, tümüde inü nü rhokhitdo.

ISAIA 48:20

Babilon chingnü wukhiukang, Kaldea chingnü tsoang, ha asühkhinü zhide thaang, zhiyukang, ha alomi akheam ching yüshang; thaang, “Atungpuhnü api yamlarü Jakob rhokhitdo!”

ISAIA 5:26

Apinü limshu ching larü trükshih jipü amütsan jihbah, tüsho alomi akheam ching larü mihtsürübo thsungkheak mütbah; ha ching arü arüchoh, athride, nahnahde!

ISAIA 51:11

Jumonü Atungpuhnü rhokhitrü rholobah tüsho khün thsüde Zion lim arübah; akheam müla asühachihkhi arü ku kheak labah; arünü asühachih tüsho asühakokhi labah, tüsho mulong rozhak le masühkhi tsoabahbah.

ISAIA 7:18

Ju nimung ching Ijip kenü ching lakhi somünak tüsho Asiria lomi ching lakhi mukhu thsungkheak Atungpuhnü amütbah.

ISAIA 7:19

Arü alala arübah tüsho jindükhün lunghü, lungrhün, ayangrungbo tüsho rimkiubo alala kheak binbah.

JEREMIA 33:22

Thüning ching chiningbo mükhekhamkhi nangde tüsho keto loyi madünkhukkhi nangde, inü I yamlarü David tsührü, tüsho I tankihrü Levirü bushihbah.

HOSEA 1:10

Tütüshe Israel mihtsürü khekhi ju madünkhuk yungsho mükhekhukkhi keto loyi nangde alabah; tüsho arü ki, “ Nüsa I mihtsürü yung,” de athakhi müthri arü ki thabah, “Arhang Thrünpuh tsührü.”

MIKA 2:12

Inü tsükjide nüsa alala bemukhungbah, O Jakob, inü Israel arhang larü bemukhungbah; inü arübo rimlopung ching namfimihnu boto nangde, ayam ching bemukhungbah; ju mihtsürünü mide akambah.

ZEKARIA 9:11

Nüsa thsungkheaknü I thiyih tangzüng nüsa kheak lakhinü, inü nüsa aramrübo ke mülakhi shingkung chingnü zuzu thsüde adükhebah.

MATHI 11:28

Nüsa rozhakrü tüsho hahmülang hanrübo alala I kilim arang, tüsho inü nüsa kilim sühakhim jihbah.

AMIKHEAKAKHIUKKHI 22:17

Me tüsho Yamkhünbenü thachoh, “Arang.” Tüsho shepünü sochonü, “Arang” de thaang. Tüsho shepü kethürilanü arang, shepünü künlanü rhangdung ke akeang thsambah luang.

AMIKHEAKAKHIUKKHI 7:9

Ha dunglim inü kheah, tüsho mihtsürü shenü akhepü mukukkhi, trükshih aban, trük alala, mihtsürü tüsho thiyutha aban chingnü, shulünkhimbo amüye yihbah, arü khahbo ching ashisang düchibo shuhbah kiulongthsü-binkiu miki zhipde alakheah,