ZEKARIA 10:6 - AMÜSÜH HÜM CL Bible (BSI)

⁶ Inü Juda yamkhün düküngde akamshihbah, tüsho Josep yamkhün inü khümkhitbah. Inü arü belode arübah, tümütüsho arü kheak I muzhokhi lah, tüsho arü ju inü mübahyukkhi nangde alabah; tümüde I ju Atungpuh arü Thrünpuh tüsho inü arü ki alojihbah.

ZEKARIA 10:6 Iomraidhean Croise

MUNGSHIKHÜN 89:21

I khah hode api labah; I binnü api düküngshihbah.

ISAIA 11:12

Apinü trükshihbo thsungkheak amütsan riphin khülang shuhkihbah, tüsho müzüta lakhi Israel tüsho hiumüzüta lakhi Juda alomi mühit phüyi chingnü bemukhungbah.

ISAIA 14:1

Tüshe Atungpuhnü Jakob kheak mihmüthsüm labah tüsho kheaküshe Israel mokhitbah, tüsho arü lomi ching lashihbah; khiungkerünü arü lung arihbah tüsho arünü Jakob yamkhün lung labah.

ISAIA 41:10

dütre, tümüde I nü lung lah, dütre, tümüde I nü Thrünpuh ah; inü nü reangzahshihbah, inü nü rungbah, inü nü I thiyuro khah tsülimnü tholobah.

ISAIA 54:4

Dütre, tümüde nü achih müngü; mulong dünini, tümüde nü achih ngüde müküpkhuk; nü athunu achihahean nünü amihbah, tüsho nü khimokhi achihahean nünü mülümkhitlo.

ISAIA 54:8

Kim khülang thsungkheak bukakhiukkhinü I miro nü kheaknü jik tüshe akheam mülakhi amuzhonü inü nü kheak amuzho labah, Atungpuh , nü Rhokhitbuhnü thachoh.

JEREMIA 23:6

Api nimungbo ching Juda khümkhitbah tüsho Israel akhümkhitkhi ching labah. Tüsho apinü ajipü mung ha labah: “Atungpuh ju isa thiyuro-lungki.”

JEREMIA 3:18

Judüki Juda yamkhünnü Israel yamkhün lung arihbah, tüsho arü rukhühnü inü nüsa jipürü kilim yamrüplurüp jihkhi lo lim dukulim lomi chingnü arübah.

JEREMIA 30:18

Atungpuhnü ha thachoh: Inü Jakob khimyam kuhibo jihlopü thsüchoh, tüsho api lapung kheak mihmuzho labah; kiuto ju amujuk kheak thsülobah, tüsho alungki dangpung kheak kiulongthsürü-yam thsübah.

JEREMIA 30:20

Arü tsührübo adüso nimung ching nangde alabah, I miki arü boto tankih-a labah; tüsho arü junorü alala inü thsümüchibah.

JEREMIA 31:1

Atungpuhnü thachoh, ju kim ching I Israel yamkhün alala Thrünpuh thsübah, tüsho arübo I mihtsürü thsübah.

JEREMIA 31:20

Ephraim a inü amuzhokhi tsührü a de? Api ju inü asühkhi tsührü a de? Alochode inü api azhihde asuksuk she, judü lang inü api lümkhitchoh. Jumonü api thsungkheak I mulong niuthünaka lah; tsükjide inü api kheak mihmüthsüm labah, Atungpuhnü thachoh.

JEREMIA 31:31

Atungpuhnü thachoh, Israel yamkhün tüsho Juda yamkhün kheak inü tangzüng aso thsüpü nimungbo tsükjide arado.

EZEKIEL 36:11

tüsho inü nüsa kheak mihtsürü tüsho shiwühbo wüh bushihbah. Arübo alü kambah tüsho aso asobah; tüsho akhuhlim kimbo ching nangde inü nüsa kheak laloshihbah, tüsho püpüki kheaknü alü nüsa ki tsüde arhimobah. Judüki I Atungpuh de nüsanü mükheahbah.

EZEKIEL 36:37

Atungpuh Thrünpuhnü ha thachoh: kheaküshe Israel yamkhün mihtsürübo namfimihnu boto nangde akamshihpü rhimopü thsüde arünü I ki keokhibah.

EZEKIEL 37:16

Mihtsürü tsührü, tso khülang luang tüsho ju kheak thrütang, “Juda kiulongthsü.” Jushu tso püpü luang tüsho ju kheak thrütang, “ Israel kiulongthsü”;

EZEKIEL 39:25

Jumonü Atungpuh Thrünpuhnü ha thachoh: Kheakü inü Jakob kuhi jihlobah, tüsho Israel yamkhün athrünkhi kheak mihmüthsüm labah; tüsho inü I mung amüsüh kümdobah.

HOSEA 1:11

Juda mihtsürü tüsho Israel mihtsürü rukhüh mukhungbah, tüsho arünü arü thsungkheak limberü khülang mokhitbah; tüsho arünü alo müküh-a lubah, tümüde Jezreel nimung ju ato labah.

HOSEA 1:7

Tüshe inü Juda yamkhün kheak muzhobah; inü arübo sanglüh, yungsho nukshang, yungsho thirithsü, yungsho khorabo, yungsho khoraberü hode mükhümkhit; tüshe I Atungpuh arü Thrünpuh hode arü khümkhitbah.”

HOSEA 14:9

Sherü lümlung lanü harü anikhitchoh; sherünü kheahkhitlanü jurü mükheahlah. Tümüde Atungpuh limrobo ju alungki, tüsho thiyurolungkirünü jurü ching tsahchoh, tüshe alakmihrünü jurü ching jing mükhechoh.

HOSEA 2:23

tüsho inü anihbe I lo ching yangbah. Tüsho inü Lo-ruhama kheak amuzho labah tüsho inü Lo-ammi ki thabah, “ Nü I mihtsürü ah”; tüsho apinü athabah, “ Nü I Thrünpuh.”

OBADIA 1:18

Jakob yamkhün ju mo nangde, Josep yamkhün ju motru nangde alabah, tüsho Esau yamkhün a hitsüt nangde alabah; arünü jurü takbah tüsho aniuabahbah, tüsho Esau yamkhün chingnü she mülade alabah; tümüde Atungpuhnü asukdo.

MIKA 4:13

Asürang tüsho nitang, O Zion mihtsürü, tümüde inü nü juh yinchi tüsho nü biuo müwayinchi kamshihbah; nünü mihtsürü ahihdo adütre kamde akingbah, tüsho arü yo ahühkhi lakhit Atungpuh kilim kingaün jihbah, arü lakhit alomi lüpdükhi Tungpuh kilim jihbah.

MIKA 4:6

Atungpuhnü thachoh, ju nimung ching inü jingkikrü bemukhungbah tüsho yanyuka bahrü tüsho inü thsümüchirü bemukhungbah.

MIKA 5:3

Jumonü thsünüde alakhi liberünü müzübeyi kim khiungde apinü arü bahyukbah; jushu aningkhi api keoniorü Israel mihtsürü kilim alode arübah.

MIKA 5:8

Tüsho trükshih bolung ching aningkhi Jakob, mihtsürü ahihdonü zündoa lakhi ju, mütüm shiwüh bolung kekhüzü khülang nangde, namfimihnu boto lung hode yüchoki junakkhi, abekhitrü she mülade adütre kamde thonakkhi kekhüzü nunu khülang nangde alabah.

MIKA 7:16

Trükshihbonü angübah tüsho arü sühmüh alala dünkheak achihbah; arünü arü khahbo arü mün hümbah; arü nükhün peangbah;

ZEKARIA 1:16

Jumonü Atungpuhnü ha thachoh, Inü muzhode Jirusalem kilim rholodo, I yam ju ching thsübah, Wuto Atungpuhnü thachoh, tüsho kiuto thsülobah.

ZEKARIA 10:12

Inü arübo Atungpuh kheak düküngde akamshihbah, tüsho arünü api mung ching tsahbah, Atungpuhnü thachoh.

ZEKARIA 13:9

Tüsho ha shihchamkhüh ju inü mo ching yukbah, khürünü shotoyinchi changkhitkhi nangde arü changkhitbah, tüsho suna taka kheahkhi nangde arü taka kheahbah. Arünü I mung jibah, tüsho inü arü ki alobah. Inü athabah, “Arü I mihtsürü ah;” tüsho arünü athabah, “Atungpuh ju isa Thrünpuh.”

ZEKARIA 8:11

Tüshe kheaküa inü ha mihtsürü aningkhi ki adüso nimungbo nangde mürhimo, Wuto Atungpuhnü thachoh.

ZEKARIA 9:16

Ju nimung Atungpuh arü Thrünpuhnü arü khümkhitbah, tümüde arü ju api mihtsürü namfimihnu boto lah; tümüde kuthran yo mürezhingzhing nangde arünü api lomi kheak yinshihbah.