ZEKARIA 10:5 - AMÜSÜH HÜM CL Bible (BSI)

⁵ Arü thsürubah keochih ching thirithsürü nangde, kiudunglimrobo akhimniuhniuh ching thiriri thrümbah; arünü keochihbah, tümüde Atungpuh arü lung lah, tüsho arünü khora kheak binrübo achih ngüshihbah.

ZEKARIA 10:5 Iomraidhean Croise

2 SAMUEL 22:43

Inü arü kheak alo asungthulung atsü nangde king, inü arü züthünak tüsho kiudunglimrobo ching akhimniuhniuh nangde arübo jungnak.

2 SAMUEL 22:8

Judüki alomi ajan tüsho niuk; thüningbo khimtan ajan tüsho niuk, tümütüsho api bukakhiuk.

2 KIULONG THSÜRÜ 9:33

Apinü tha, “Alibe jipkhiang.” Jumonü arünü alibe jipkhia bah; anihbe thiyih khürü rhü kheak tüsho anihbe kheak jungkhi khorabo kheak rhakkih.

MUNGSHIKHÜN 18:42

Judüki inü apung müngüh asungthulung nangde arü zünak; kiudunglimrobo ching müneanmuru nangde inü arü jipa bah.

MUNGSHIKHÜN 20:7

Khürünü khora-lolungbe tüsho khürünü khorabo kheak akin lachoh; tüshe isanü Atungpuh isa Thrünpuh mung lümkhitbah.

MUNGSHIKHÜN 33:16

Kiulongthsürü khülang ju api bonungrü atonü mükhümkhit; thirithsürü khülang ju nihbuh sühmühnü mübekhit.

MUNGSHIKHÜN 44:5

tüsho nü wu hode isanü isa riribo kuk.

MUNGSHIKHÜN 45:3

Nü müretah tüsho nü wüntre-müretah, nü nukshang nü chim kheak rümkihang, O Wutobuh!

ISAIA 10:6

Thrünpuh mümükheahkhi trükshih azhihde inü api yüshih tüsho I bukakhiukkhi mihtsürü azhihde inü api ki thiyukhüm jih, kukruk yankhia lupü tüsho ahühpü, tüsho kiudunglimro akhimniuhniuh nangde arü kheak jungpü lah.

ISAIA 25:10

Tümüde Atungpuh khah ha wung kheak keambah. Moabrü ju arü lapung ching khih-shingkung ching müneang junakkhi nangde ajunakbah.

ISAIA 31:1

Aha, sherünü arung thsungkheak Ijip ching yükicho tüsho shenü khorabo kheak düthsün angücho, shenü khora-lolungbe kheak kincho tümütüsho arü ahihdo lah tüsho khoraberü kheak kincho tümütüsho arü khide sühmüh lah, tüshe Israel Amüsüh Thrünpuh kheak mükheah yungsho Atungpuh ki mükeokhi!

ISAIA 41:12

Nünü nü müneahrü yimbah tüshe nünü arü müngü; sherünü nü bede thirithsüchonü tümü mülakhi kambah.

ISAIA 41:25

Inü khülang dukulim thurumusudo, tüsho api arüdo, aniakhiuklimnü I mung chingnü jido. Apinü yakzanshuhrübo kheak loyi kheak nangde, phühdamrünü alo damkhi nangde ajungbah.

ISAIA 8:9

Rukhüh mukhungang, nüsa mihtsürübo, tüsho treang; aniang, nüsa limshu lomi alala; keochihpü thsakhamang tüsho treang; keochihpü thsakhamang tüsho treang!

EZEKIEL 38:15

tüsho dukulim limshu chingnü nü lapung chingnü arübah, nü tüsho nü lung mihtsürü ahihdo, arü alala khorabo kheak binbah, mihbo ato, wuto bonungrü;

AMOS 2:15

sherü sanglüh shuhchonü müzhip, tüsho sherü jing athrilanü mükhümkhit, yungsho khoraberünü arü rhangdung mükhümkhit;

MIKA 5:8

Tüsho trükshih bolung ching aningkhi Jakob, mihtsürü ahihdonü zündoa lakhi ju, mütüm shiwüh bolung kekhüzü khülang nangde, namfimihnu boto lung hode yüchoki junakkhi, abekhitrü she mülade adütre kamde thonakkhi kekhüzü nunu khülang nangde alabah.

MIKA 7:10

Judüki I ririnü angübah, tüsho achihnü anihbe lüpdobah, shepünü I ki tha, “Atungpuh nü Thrünpuh küching la?” I mükbonü anihbe lungkhi ngübah; kheakü anihbe ju kiudunglimro akhimniuhniuh nangde athrümyukbah.

HAGGAI 2:22

tüsho kiulongthsübinkiubo lah-a bahpü lah; inü trükshih kiulongthsübo sühmüh thsümünimbah tüsho khoralolungbe le aberübo lah-a bahpü thsüchoh; tüsho khorabo le aberübo nihbuh zangzang mihbüm aban keoniorü nukshangnü akeambah.

ZEKARIA 12:4

Atungpuhnü thachoh, ju nimung khora aban thsününü tüsho aberübo ayingyingkhinü ashikbah. Tüshe inü mihtsürübo khora aban kheak mük tukshihchoki, inü Juda yamkhün kheak a mürüngkihde kheahde alabah.

ZEKARIA 12:8

Ju nimung ching Atungpuhnü Jirusalem ching larü tsungdobah, junangde arü bolung sühmüh mülarü ju nimung David nangde alabah, tüsho David yamkhün ju arü müngüh Atungpuh yunirü nangde Thrünpuh ruk labah.

ZEKARIA 14:13

Ju nimung thsünü ato Atungpuh kilimnü arü kheak yükihbah, junangde mihbüm abannü nihbuh yamhingrü khah kheak tholobah, tüsho khülang khahnü püpürü kheak azhihachihde wusubah;

ZEKARIA 14:3

Judüki Atungpuhnü keochih nimung apinü keochihkhi nangde khuhto ching yübah tüsho jurü trükshihbo bede keochihbah.

ZEKARIA 9:13

Tümüde inü I sanglüh nangde Juda hündo; inü Ephraim ju hühzobo kamshihdo. Inü nü tsührübo wusushihbah, O Zion, O Greek, nü tsührübo azhihde thirithsü nukshang nangde ashuhbah.

MATHI 28:20

inü nüsa ki thiyukhüm jihkhi alala anipü arü ki thsangyuang; tüsho kheahang, I nüsa lung kamruhroro, lün akheam khiungde alabah.”

MATHI 4:3

Küyimki rükakirü arükheanü api ki tha, “Nü Thrünpuh tsührü a sho, harü lungbo yikhap kampü thiyukhüm jihang.”

LUKNÜ ATHRÜTKHI THIYUSHEAK-ATSÜ HUHTANYU 24:19

Tüsho apinü ane ki tha, “Tümü pürü?” Tüsho anenü api ki alo, “Nazarethrü Jisu dünkheak, shepü Thrünpuh tüsho mihtsürü alala miki rhimo le thiyu ching wuto lakhea,

YUNIRÜBO RHIMO 18:24

Kheakü Alexandria chingnü asürükhi Jihudarü amung Apollo ju Efisia ching arü. Api thiyu thasorü tüsho amüsühyu tsüde mükheahde alakheah.

YUNIRÜBO RHIMO 7:22

Mosa ki Ijip lümlung alala thsangyu tüsho api ju thiyu tüsho rhimobo ching mungkhung mihtsürü kam.

2 KORINT 10:4

Isa thirithsü thsühnukbo ju alomi yo yung tüshe chipibo thsümünimbe Thrünpuh wu lah.

YUZÜNGTHALO 20:1

“Küyimki nüsa thiriri azhihde keochihpü yübanü, tüsho khorabo le lolungbe tüsho mihtsürübo nüsa kheaknü hihde angübanü arübo dütre; tümüde nüsa Ijip lo ching bede atubuh Atungpuh nüsa Thrünpuh nüsa lung lah.

2 TIMOTHI 4:17

Tüshe Atungpuh I ki zhip tüsho khiungkerü alalanü asopü thsüde thiyusheak suhde azhiyukpü I kilim sühmüh jih, junangde kekhüzü mün chingnü I khümkhitdo.

2 TIMOTHI 4:7

Inü thirithsü atsü keochihdo, inü alihkhi bando, inü akin zodo.

JIHUSUA 10:14

Atungpuhnü mihtsürü khülang düsheak anikhi hadürü nimung küyimkishe dünjia mükheah; tümüde Atungpuhnü Israelrü thsungkheak keochih!

JIHUSUA 10:42

Tüsho Jihusuanü kiulongthsürübo tüsho ju lomi khülang kinü lukham, tümüde Atungpuh Israel Thrünpuhnü arü thsung thsüde keochih.

AMIKHEAKAKHIUKKHI 19:17

Judüki yunirü khülang ani ching zhipde inü ngü, tüsho thüning phulung phinde alakhi wuhnubo alala ki düsheak achangnü ji, “Arang, Thrünpuh thünio ato thsungkheak mukhungang,

1 SAMUEL 16:18

Athrününgtsüng khülangnü tha, “Inü Bethlehemrü Jesse tsührü khülang akingsorü, mulong torü, athrungrü, thiyu ching ayuk, tüsho trungdung akheahakhamkhi ngüdo; tüsho Atungpuh api lung lah.”