ZEKARIA 10:4 - AMÜSÜH HÜM CL Bible (BSI)

⁴ Arü bolung chingnü amühit-lung arübah, arü bolungnü khimyam ashungdung labah, arü bolungnü keochih sanglüh labah, arü bolungnü limthorü labah.

ZEKARIA 10:4 Iomraidhean Croise

THRÜNTAN 49:24

Tüshe Jakob Thrünpuh Wuto wu, namfimihnu neakrü, Israel kümdorü hode api sanglüh tsüde la, tüsho api khah düküngde kamshih,

EZRA 9:8

Tüshe kheakü adükeak anikhüh kheak, Atungpuh isa Thrünpuhnü isa kheak mihmüthsüm huhdo tüsho isa chamkhüh azhorü kuhi chingnü tsokhitshihbah küma ha amüsüh dangpung ching lashih. Nünü isa azhorü kuhi chingnü zuzu kamshih tüsho isa kilim ayinatrüm rhangdung aso jih.

MUNGSHIKHÜN 118:22

Thüyam thsürünü abahyukkhi lung ju amühit-lung adungtobe kamdo.

ISAIA 19:13

Zoan yakzanshuhrübo makharü kamdo, tüsho Memphis yakzanshuhrübo mülapyuka lah; sherübo trükshih yo amühit lungbo lakheanü arünü Ijip bephülapdo.

ISAIA 28:16

jumonü Atungpuh Thrünpuhnü ha thachoh, Kheahang, inü Zion ching khimtan lung khimchoh, amüzhak lung, shoto amühit-lung, mütsandakkhi khimtan: “Shepünü akinbanü müshungnim.”

ISAIA 49:2

Apinü I mün nukshang ayuk nangde kamshih, api khah alamme ching I jika zo; apinü I ananshahshah hühzo khülang kamshih, api hühzopung ching I jika zo.

ISAIA 54:16

Kheahang, yingkingrü inü athrünkheah, shepünü mokhih yüntrucho tüsho yihnüpü thsüde thsühnuk kingkhitcho; alaksahpü thsüde athsümünimrü she inü thrün.

JEREMIA 1:18

Tüsho kheahang, khihni inü nü kilim chipi ayünkhi kiuto, yinchi dungjing, müwayinchi rhü, lomi alala azhihde– Juda kiulongthsürübo, yakzanshuhrübo, amükeamrübo tüsho lomi mihtsürü azhihde thsüjihdo.

JEREMIA 51:20

Nü a I yo thirithsü yümlung, I yo keochih thsühnuk; nü shuhbah inü trükshihbo yümnakchoh; nü shuhbah inü kiulongthsübo thsümünimchoh;

ZEKARIA 9:10

Apinü Ephraim chingnü khora-lolungbe tüsho Jirusalem chingnü thirithsü khora dükheakshihbah; tüsho keochihbe sanglühbo thsümünimbah, tüsho apinü trükshihbo ki mungtsü yukhüm jihbah; api yakzan shuhkhi ketonü keto khiungde alabah, tüsho Euphra Ayung chingnü alomi akheambo khiungde alabah.

ZEKARIA 9:8

Judüki I ju aheangrü nangde I yam ching labah, junangde shenü yüla arüla de müthsü; junorü shenü she arü kurungkheak malihho, tümüde kheakü I müknü ngüdo.

WÜHKHE 24:17

Inü api ngüchoh, tüshe kheakü yung; inü api kheahchoh, tüshe müphüni– Jakob kheaknü chining khülang akhiukbah; shoto tso khülang Israel bolungnü asürübah; apinü Moab aredungbo zünakbah tüsho Seth tsührübo alala keamshihbah.

MATHI 9:38

Jumonü thulu yimlupung ching rhimorü arüshang de yimlu putungpuh ki nüsanü tamkhüntamnüang.”

LUKNÜ ATHRÜTKHI THIYUSHEAK-ATSÜ HUHTANYU 20:17

Apinü arü kheak kheahbah tha, “Dale tüsho ha thrüta lakhi ju tümü a: ‘Thüyam-thsürübonü abahyukkhi lung ju amühit-lung adungtobe kamdo’?

EFISIA 2:20

amüsüh-thsangyurübo tüsho wukihrübo khimtan tüsho Jisu Khrista amühit-lung kheak thsükihkhi,

2 TIMOTHI 2:4

Bonungrü shenü she püpü boto rhimo ching marahrungchoh, tümütüsho apinü nihbuh limthorü atorü asühshihpü mulongchoh.

1 PETER 2:6

Tümüde amüsühyu ching ha thachoh, “Kheahang, amokhitkhi tüsho shoto lung khülang inü Zion ching zochoh, tüsho shepü api kheak kinbanü achih müngü.”

AMIKHEAKAKHIUKKHI 17:14

arünü Namfimihnunu bede thirithsübah, tüsho Namfimihnununü arü kukbah, tümüde api ju atungrübo kurungkheak Atungrü tüsho kiulongthsürübo kurungkheak Kiulongthsürü, tüsho api lung larü ju ajikhi, amokhitkhi tüsho thiyuro lakhi ah.”

1 SAMUEL 14:38

Saulnü tha, “Nüsa mihtsürü limberübo, ha kheak arang; tüsho ha neak küde thsah khihni akhiukchonü isanü yimkhitanü.