ZEKARIA 10:3 - AMÜSÜH HÜM CL Bible (BSI)

³ Namfimihnu neakrübo kheak I bukakhiukkhi takde lah, tüsho inü limberübo thsümüchibah; tümüde Wuto Atungpuhnü api mihnu boto, Juda yamkhün kümchoh, tüsho apinü arübo kükheangkhi thirithsü khora nangde kamshihbah.

ZEKARIA 10:3 Iomraidhean Croise

JOB HU H T ANYU 39:25

Küyimki hulipungpung mütbanü, apinü sheak amütchoh, “Aha!” Keochihkhi, wühkenorübonü alankhi tüsho azhikhi limshu chingnü münimchoh.

ABEKHIT 4:31

Mihtsürübonü kin, tüsho küyimki arünü Atungpuhnü Israelrü rhuakheahdo tüsho arü küpkhukkhi ngüdo de asokhea, arünü mükhümbah kingaün.

MÜCHITMUDU 21:31

Khora ju thirithsü nimung thsungkheak thsakhamlah, tüshe akuk ngükhi ju Atungpuh yo.

KHÜNBOLUNGKHÜN 1:9

Inü muzhobe, Pharao khora-lolungbe bolung khora-dre khülang ki inü nü akeakheahchoh.

ISAIA 10:12

Küyimki Atungpuhnü Zion Müzüng tüsho Jirusalem kheak arhimo alala banbanü, apinü Asiria kiulongthsüpuh bukakhiukde kükheangkhi dünkheak thsümüchibah.

ISAIA 24:21

Ju nimung Atungpuhnü yinmi ching aputungrübo tüsho alomi kiulongthsürübo thsümüchibah.

JEREMIA 10:21

Tümüde namfimihnu neakrübo makhalah tüsho Atungpuh müyim; jumonü arü mümüngüh tüsho arü mihnu alala hiumüzüta lah.

JEREMIA 11:22

jumonü Wuto Atungpuhnü ha thachoh: Inü arü thsümüchipü lah; athunu mihtsürübo nukshangnü ashebah; arü tsührübo tüsho arü tsührübebo khümzungnü ashebah;

JEREMIA 25:12

Jushu kam nerü dunglim, Babilon kiulongthsüpuh, ju trükshih tüsho Kaldearü lomi arü mülimkhi dün alomi ju lünnü zhikrangkhündo akamshihbah, Atungpuhnü thachoh.

JEREMIA 25:34

Tüzhoang, nüsa mihnu neakrübo, tüsho zhiang; awahbo ching lungphülapang, nüsa mihnu boto atungrübo, tümüde nüsa laksahpü nimung arüdo, tüsho nüsa shoto phüh nangde ayokhia adannakbah.

JEREMIA 50:6

I mihtsürübo adükheakkhi namfimihnu lakheah; arü namfimihnu neakrübonü awungbo lim rholoshihde bephülapdo; awungbo chingnü müzüngbo ching rümde yü, arünü arü lapung yam mihdo.

EZEKIEL 34:11

Tümüde Atungpuh Thrünpuhnü ha thachoh: Inü I yo namfimihnubo yimbah, tüsho arübo ajukhitbah.

EZEKIEL 34:12

Namfimihnu neakrünü namfimihnu hiumüzütkhi bolung arü namfimihnu boto ajukhitkhi nangde, inü I yo namfimihnu ajukhitbah. Amobo shokhi tüsho kheahde amitingkhi nimung arü hiumüzütpungbo chingnü inü arü alala khümkhitbah.

EZEKIEL 34:2

Mihtsürü tsührü, Israel namfimihnu neakrü azhihde müchitang: müchitang, tüsho namfimihnu neakrübo ki thaang: Atungpuh Thrünpuhnü ha thachoh: Nüsa nihbuh tsühyungrü Israel namfimihnu neakrübo are! Namfimihnu neakrübonü namfimihnu yimkipbe yung de?

DANIEL 11:32

Tangzüng bahyukrü ki apinü rüknü abephülapbah; tüshe Thrünpuh ki thiyuro larünü düküngde api thsolobah.

ZEPHANIA 1:8

Tüsho Atungpuhnü shuhmülanga jihkhi nimung inü atorübo le kiulongthsüpuh tsührübo tüsho khiungkerü khimmih yihrü alala thsümüchibah.

ZEPHANIA 2:7

Kemungyean ju Juda yamkhün aningkhi yamalo thsüde, ju kheak arünü mihnu boto yimkipbah, tüsho Ashkelon yambo ching arünü azhing ching yapbah. Tümüde Atungpuh arü Thrünpuhnü arü kümbah tüsho arü kuhibo jihlobah.

ZEKARIA 11:17

Namfimihnu boto bahyukrü, müthülünkhi namfimihnu neakrü are! Nukshangnü api bin tüsho amük tsülim thsümünimshang! Api bin shahde keahkhishang, api mük tsülim shahde tukabahshang!

LUKNÜ ATHRÜTKHI THIYUSHEAK-ATSÜ HUHTANYU 1:68

“Atungpuh Israel Thrünpuh shiang, tümüde apinü rhuakheahdo tüsho api mihtsürü rhokhit,

1 PETER 2:12

Khiungkerü bolung tsüde rhimoang, junangde arünü nüsa azhihde amülim rhimorü ah de thasho, api arü nimung arünü nüsa rhimobo atsü ngübah tüsho Thrünpuh müretahbah.

RUTH 1:6

Judüki Atungpuhnü amihtsürübo kilim latsühlayung müngühjih-a lah de Naominü so; jumonü atsühmeakbe büne bebah Moab lomi chingnü rholodarüpü thsakham.