ZEKARIA 10:11 - AMÜSÜH HÜM CL Bible (BSI)

¹¹ Arünü lümthsünü keto tsahhobah, tüsho keto abükkhibo kingkheambah tüsho Nile asükbo alala ngahbah. Asiria kükheangkhi abobe kambah tüsho Ijip tso chamde atsobah.

ZEKARIA 10:11 Iomraidhean Croise

THRÜNTAN 8:1

Judüki Thrünpuhnü Noa tüsho api lung sangkung ching rhangdung lakhi shiwüh alala lümkhit. Tüsho Thrünpuhnü alomi kumung apung yünshih tüsho kebo keamlo.

2 KIULONG THSÜRÜ 2:14

Apinü Elija kheaknü ayokhikhi khimniuniu lubah ke rhapde tha, “Elija Thrünpuh, Atungpuh kükheak la?” Küyimki apinü ke rhapkhea, ke ju azüabah, tüsho Elishanü hode yü.

2 KIULONG THSÜRÜ 2:8

Judüki Elijanü api khimniuniu lu tüsho ju hingthulungbah ke rhap; ane muhochoki khiungde ke ju azüabah.

EZRA 6:22

Arünü phaüm muyukkhi yikhap thünio thüne ni asühde mung, tümüde Atungpuh hode Asiria kiulongthsüpuhnü arü ki muzhode kamshih, junangde apinü Israel Thrünpuh arüngyam thsülochoki arü rung.

MUNGSHIKHÜN 114:3

Ketonü ju ngü tüsho tso; Jordannü rholode tso.

MUNGSHIKHÜN 114:5

O keto, tümü thsüa nü tsokhea? O Jordan, tümüde nü rholode atsokhea?

ISAIA 14:25

Inü Asiriarü I lomi chingnü dükheakshihbah, tüsho I yo awung kheak müphü khüp api jungbah; api sangkaplak, tüsho api hahmülang arü dubuh kheaknü lahkhia bahbah.

ISAIA 19:16

Ju nimung Ijiprü ju azoberü nangde alabah, tüsho Wuto A TU N GPU H khah arü azhihde ashuhkihkhi müngüh ajande atripbah.

ISAIA 43:2

Küyimki nü ke hode yübanü, I nü lung labah; tüsho ayungbo hode yüchoki nü müzhido: küyimki nü mo tsahhobanü nü mütak tüsho motrunü nü maniu.

ISAIA 44:27

shepünü ke asük ki tha, “ Kungang– Inü nü yungbo kungshihbah”;

ISAIA 51:10

Keto ato asükbo ngahshihkhi nü yung de; rhokhita larü hopü thsüde shenü keto asük limro thrünkhea?

ISAIA 51:9

Asürang, asürang, sühmüh zahang, O Atungpuh khah! Asürang, awün nimungbo, adüso lünbo nangde! Rahab adütre kamde khapthünakkhi, ke-rimri chinkhitbuh nü yung de?

EZEKIEL 30:13

Atungpuh Thrünpuhnü ha thachoh: Inü sangthsübo thsümünimbah tüsho Memphis ching mejakbo kheamshihbah; Ijip lomi ching yakzanshuhrü mülalo; junangde inü Ijip lomi ching atrepü yukjihbah.

ZEPHANIA 2:13

Tüsho dukulim azhihde api khah chungkihbah, tüsho Asiria thsümünimbah; tüsho apinü Nineve ju azhikkhi, loshelo nangde abahkhi akung kamshihbah.

AMIKHEAKAKHIUKKHI 16:12

Athurukpü yunirünü api phurusük Euphra ayung kheak dunga bah, tüsho aniakhiuklim kiulongthsürübo limro thsakhampü ke ju ngahabah.