ZEKARIA 1:6 - AMÜSÜH HÜM CL Bible (BSI)

⁶ Tüshe I yubo tüsho I yakzanbo, küpü inü I yamlarübo tüsho wukihrübo ki thiyukhüm jihkhea, jurünü nüsa jipürü müyanphuhkhea de? Jumonü arünü mulong müthri tüsho tha, “ Wuto Atungpuhnü apinü arhimopü lümkhi thsükhi nangde isa limrobo tüsho rhimobo yande isa ki rhimodo.”

ZEKARIA 1:6 Iomraidhean Croise

2 KIULONG THSÜRÜ 15:12

Ha Atungpuhnü Jehu kilim alokhikhi lakheah, “Lün phüyipü khiungde nü tsührübonü Israel kiulongthsübinkiu kheak binbah.” Tüsho jude dünji.

JOB HU H T ANYU 6:29

Rholoang, inü tamkhüntamnüchoh, amülim dürhimo. Kheakü rholoang, I thiyuro alungki lah.

ISAIA 21:17

tüsho Kedar thirithsürü sanglühbo aningkhi nükde alabah; tümüde Atungpuh , Israel Thrünpuhnü asukdo.

ISAIA 44:26

shepünü api yamlarü yu mütsanmükhishih, tüsho api yunithsürünü müchitkhi dünjishih; shepünü Jirusalem dünkheak tha, “Ha ching mihtsürü labah,” tüsho Juda kiutobo dünkheak, “Arübo athsülobah, tüsho inü arü athsümünimkhi yihmusubah;”

ISAIA 55:1

He, sherü kethürila, ke ching arang; tüsho nüsa sho mülarübo, arang, luang tüsho tsühang! Arang, yukhu tüsho niuhke adün müjihde luang.

ISAIA 55:11

junangde I mün ching I yu wukhiukbah; I kilim akeangkeang malodarü tüshe I lümkhi akuk ngübah, tüsho inü thiyikhi ching kukzambah.

JEREMIA 23:20

Api lümkhi mürhimoyiki tüsho akuk müngüyiki Atungpuh bukakhiukkhi murholo. Püpü nimungbo ching nüsanü mütsande anikhitbah.

JEREMIA 26:15

Ha lang nüsanü khürü mükheahpü ju, nüsanü I sheshihsho, nüsanü nüsa le ha kiuto tüsho ha ching larübo kheak mülimkhi thiyih handarübah, tümüde thiyuro ching harü yubo nüsa nükhün ching arüshihpü Atungpuhnü I thiyikheah.”

JEREMIA 28:17

Ju kam, khinu thünepü ching, wukihbuh Hanania sheabah.

JEREMIA 32:24

Kheahang, kiuto yanpü tankih-a lah, tüsho nukshang, khümzung tüsho arüm-tukthsü hode kiuto Kaldearü khah ching jihdo. Nünü tümü asukkheanü dünjido, nünü ngülah.

JEREMIA 36:28

Küpqiu püpü luang tüsho Juda kiulongthsüpuhnü takabahkhi akhuhbe küpqiu ching lakhi yubo ju kheak thrütang.

JEREMIA 39:16

Ethiopiarü Ebedmelek kilim yüang tüsho thaang: Wuto Atungpuh , Israel Thrünpuhnü ha thachoh: Inü ha kiuto azhihde amütsü thakhi dünjipü lah tüsho atsü thsungkheak yung, tüsho ju nimung nü lade adünjibah.

JEREMIA 4:4

Atungpuh kilim nüsa küdah thsüde tsütabahang, nüsa mulong küp muhiukhita bahang, O Juda mihtsürü tüsho Jirusalem ching larübo, yungsho I bukakhiukkhi mo nangde ayübah, tüsho shenü she nüsanü amütsü rhimokhi dünkheaknü müzünmütkhukde atakbah.

JEREMIA 44:2

Wuto Atungpuh , Israel Thrünpuhnü ha thachoh: Inü Jirusalem tüsho Juda kiutobo alala kheak handarükhi thsümütsü alala nüsanü ngüdo. Jurübo kheak kheahang; ha nimung jurübo mihtsürü mülade zhikrangkhündo lah,

JEREMIA 44:28

Tüsho nukshang chingnü atsokhitrü akhekhi nükde Ijip lomi chingnü Juda lomi lim alodarübah; tüsho aningkhi Juda Ijip lomi ching lapü arürübonü I yu a shi arü yu zhipbanü amükheahbah!

JEREMIA 44:29

Ha nüsa ki amütsan labah, Atungpuhnü thachoh, inü nüsa ha dangpung chingnü thsümüchibah, ju hode nüsa azhihde I yubo tsükjide arhimobah de nüsanü mükheahbah:

JEREMIA 44:6

Jumonü Juda kiutobo tüsho Jirusalem kiudunglimrobo ching I bukakhiukkhi dungkih tüsho trushih; tüsho jurübo athsümünim tüsho zhikrangkhündo kamabah, jurübo khihni khiungde lah.

JEREMIA 5:14

Jumonü Atungpuh Wuto Thrünpuhnü ha thachoh: Tümütüsho arünü ha yu asuk, inü kheakü I yu nüsa mün ching mo, tüsho ha mihtsürü ju sang kamshihchoh, tüsho monü arü aniuabahbah.

TÜZHOKHI 1:18

Atungpuh alungki ching lah, tümüde inü api yu azhihdo; tüshe aniang, nüsa mihtsürü alala, tüsho I thsünükhi kheahang; I yo anünürü tüsho athrününgtsüng mihtsürübo aramkhi ching yüdo.

TÜZHOKHI 2:17

Atungpuhnü tümü lümkheanü rhimodo, apinü api yu thakhi dünjido; apinü adüsonü thiyuzüng thsükhi nangde amuzho mülade thsümünimdo; apinü nü kurungkheak thiriri asühshihdo tüsho nü riri sühmüh shuhkihdo.

TÜZHOKHI 3:42

Isanü lakmünimdo tüsho azhihdo tüsho nünü neak mübahjih.

EZEKIEL 20:43

Ju ching nüsanü nüsa rhimorhiyi tüsho nüsa küdah thsüde müneankhi rhimobo lümkhitbah, tüsho nüsanü arhimokhi amütsü alalanü nüsa mukhiukbah.

EZEKIEL 37:11

Judüki apinü I ki tha, “Mihtsürü tsührü, harü robo ha Israel yamkhün athrünkhi ah. Arünü thachoh, ‘ Isa robo kunga lah, tüsho isa mulonglam dükheaka lah; isa shahde lipshaka bahdo.’

DANIEL 4:28

Ha alala kiulongthsüpuh Nebukednezar kheak dünji.

HOSEA 5:9

Ephraim ju thsümüchi nimung ching azhik khülang labah; Israel trük bolung ching tümü tsükjide lanü inü khipkhitchoh.

HOSEA 9:15

Arü amütsü alala Gilgal ching tankih; ju ching inü arü thraneande kam. Tümütüsho arü mihbukmuyuk rhimobo hode inü arübo I yam chingnü ayankhitbah. Inü kheaküa arü mümuzho; arü torübo alala azhihrü ah.

AMOS 9:10

I mihtsürü aneakrü alala nukshangnü ashebah, sherünü tha, “Amütsünü isa müyanphuh yungsho mushoru.”

ZEKARIA 1:7

Khinu thürükheak khülang nimung mukukheak phüyi nipü, Shebat khinu, Darius kam mahnepü ching, Iddo tsührü Berekia tsührü wukihbuh Zekaria kilim Atungpuh yu arü; tüsho Zekarianü tha,

MALAKI 3:18

Judüki nüsanü kheaküshe thiyuro-lungkirü tüsho mihbukmuyuk dükeak, Thrünpuh tankihrü tüsho api mütankihrü dükeak büthsükhi ngübah.

WÜHKHE 23:19

Thrünpuh ju akeangyu thapü thsüde mihtsürü ruk yung, yungsho lümkhi müthripü thsüde mihtsürü tsührü ruk yung. Apinü thabah mürhimocho de? Apinü alokhibah akuk müngücho de?

WÜHKHE 32:23

Tüshe nüsanü jude müthsüsho, mütsanang, nüsanü Atungpuh azhihde neak yihbeakdo; tüsho nüsa neaknü nüsa yimkhitbah de mütsanang.

WÜHKHE 33:56

Jude yungsho inü arü kheak tümü rhimopü lümlanü nüsa kheak rhimobah.”

MATHI 24:35

Thüning tüsho alomi hode atsobah, tüshe I yubo a küyimkishe hode mutso.

YUZÜNGTHALO 28:15

“Tüshe nüsanü Atungpuh nüsa Thrünpuh düsheak manide, inü khihni nüsa ki thiyukhüm jihkhi api yukhüm tüsho yakzanbo müyansho, harü muthrumünean alala nüsa kheak akihde arheakbah:

YUZÜNGTHALO 28:2

Nüsanü Atungpuh nüsa Thrünpuh ki mihyuanisho harü müngühmühi alala nüsa kheak arübah tüsho nüsa yo thsübah:

YUZÜNGTHALO 28:20

“Nüsanü amütsü rhimode I bahyukkhi dünkheaknü, nüsa müshe khiungde tüsho nahde müdükheak khiungde Atungpuhnü nüsa kheak muthrumünean, ayingyingpü arüshihbah, tüsho nüsanü arhimokhi alala ching thsümütsü lashihbah.

YUZÜNGTHALO 28:45

“Nüsa müsheshihyi khiungde harü muthrumüneanbo nüsa kheak arübah tüsho müshamde nüsa yanphuhbah, tümütüsho apinü nüsa ki thiyukhüm jihkhibo rhimopü nüsanü Atungpuh nüsa Thrünpuh ki mihyumani.

1 TESALONIKA 5:4

Tüshe keoniorübo, ha nimungnü ahührünü nangde nüsa müyinsahshihpü thsüde nüsa amiting ching müla.