ZEKARIA 1:4 - AMÜSÜH HÜM CL Bible (BSI)

⁴ Nüsa jipürü nangde düla, sherü ki akhuhlim wukihrübonü zhiyuk, “ Wuto Atungpuhnü ha thachoh, Nüsa amütsü limrobo tüsho nüsa amütsü rhimobo chingnü rholoang.” Tüshe arünü muso yungsho I ki mani, Atungpuhnü thachoh.

ZEKARIA 1:4 Iomraidhean Croise

2 KIUTHSÜYUKHEAN 30:6

Jumonü yunithsürübo Israel tüsho Juda alala ching, kiulongthsüpuh tüsho atorübo kilimnü kihümbo lubah, kiulongthsüpuh yukhüm yande yü, “O Israel mihtsürübo, Abraham, Isak, tüsho Israel Thrünpuh, Atungpuh kilim rholoang, junangde nüsa Asiria kiulongthsürübo khah chingnü atsokhit-aningkhi kilim apinü arholobah.

2 KIUTHSÜYUKHEAN 30:7

Nüsa jipürü tüsho nüsa buhtsührünü Atungpuh arü Thrünpuh ki akin mülakhi nangde düla, junangde nüsanü angükhi nangde apinü arü zhikrangkhündo kamshih.

2 KIUTHSÜYUKHEAN 34:21

“Yüang, hüm yubo ngükhi dünkheak, I tüsho Israel le Juda ching aninga larü thsungkheak Atungpuh ki keoang; tümüde Atungpuh bukakhiukkhi isa kheak dungkihkhi ju ato ah, tümütüsho isa jipürübonü ha hüm ching thrütkhi yande arhimopü, Atungpuh yu mania lah.”

EZRA 9:7

Isa jipürü nimung chingnü kheakü khiungde isanü tode neak yihbeakde arüdo; tüsho neak hode isa kiulongthsürübo tüsho amükeamrübo püpürü kiulongthsü khah ching, khihni hanangde, thsühnuk ching, ramtso ching, jangkhijangra ching, tüsho achih ngüde lashih.

NEHEMIA 9:16

Tüshe isa jipürübonü nihnihde la tüsho nü yukhüm mani.

NEHEMIA 9:26

Tüshe nü mihtsürübonü nü azhihde mihyu mani; nü yakzan arü dunglim bah. Wukihrübo sherünü nü kilim rholoang de arü müzünde azhikheanü laksah. Arünü khide nü mükhemürang thsü,

NEHEMIA 9:30

Kam ashang nünü arü ki arümkheam, tüsho nü memüsühnü wukihrübo hode thashih; tüshe arü nükhünnü mani, jumonü nünü arübo püpürü lomi khah ching jihabah.

MUNGSHIKHÜN 78:8

Arübo arü jipürü anihnih tüsho azhihkhi lün arü mulong tüsho me Thrünpuh ki thiyuro mülakhi nangde mülade alabah.

ISAIA 31:6

Nüsanü tode azhihbuh kilim rholoang, O Israel mihtsürü.

JEREMIA 18:11

Kheakü, jumonü Juda mihtsürü tüsho Jirusalem ching larü ki thaang: Atungpuhnü ha thachoh: Kheahang, nüsa azhihde inü thsümütsü thsüchoh tüsho rük amütsü thsüchoh. Nüsa alala limro amütsü chingnü kheakü rholoang, tüsho nüsa limrobo le nüsa rhimobo müthriang.

JEREMIA 23:22

Tüshe arünü I athsunganah ching zhipkhülaa, arünü I mihtsürübo ki I yu zhiyuka labah, tüsho arü amütsü limro tüsho arü rhimo amütsü chingnü rholoa labah.

JEREMIA 25:8

Jumonü Wuto Atungpuhnü ha thachoh: Tümütüsho nüsanü I yu mani,

JEREMIA 26:5

tüsho nüsanü mania lalashe inü I yamlarü wukihrübo niokheamde nüsa kilim arüshihkhi yubo manisho,

JEREMIA 3:12

Yüang, tüsho ha yubo dukulim peang zhiyukjang, tüsho thaang: Rholoang, akin mülakhi Israel, Atungpuhnü thachoh; inü nü kheak bukakhiukde mükheah, tümüde I mihmüthsüm lah, Atungpuhnü thachoh; inü lünnü bukakhiukdü lang müla.

JEREMIA 3:14

Rholoang, O akin mülakhi tsührü, Atungpuhnü thachoh, tümüde I nü putungrü lah; inü nüsa, khülang kiuto chingnü tüsho mahne yamkhün chingnü bea lubah, tüsho inü nüsa Zion lim bedarübah.

JEREMIA 35:15

Inü nüsa kilim I yamlarü wukihrübo alala alochode thaa arüshih, Kheakü nüsa mihbüm abannü nüsa amütsü limro chingnü rholoang, tüsho nüsa rhimobo thsüphuloang, tüsho püpürü thrünpuhbo dunglim arü tankihpü düyü, tüsho inü nüsa le nüsa jipürü kilim jihkhi lo ching nüsa labah. Tüshe nüsanü nüsa nükhün mümupho yungsho I yu mani.

JEREMIA 4:1

Nüsanü rholosho, O Israel Atungpuhnü thachoh, nüsanü I kilim rholosho, nüsanü athraneanbe I mikinü yihkhita bahsho, tüsho tsahphülapde müyüsho,

JEREMIA 44:16

“Atungpuh mung chingnü nünü isa ki asukkhi yu isanü nü ki mani.

EZEKIEL 14:6

Jumonü Israel yamkhün ki thaang, Wuto Atungpuhnü ha thachoh: Mulong müthriang! Nüsa sangthsübo chingnü rholoang tüsho nüsa athraneanbe rhimobo alala tukloang!

EZEKIEL 20:18

Inü sunglo ching arü tsührübo ki tha, “ Nüsa bebuhrü yuzüngbo düyan yungsho arü yakzanbo düzo yungsho arü sangthsübo kheaknü nüsa müneana dulu.

EZEKIEL 33:11

Arü ki thaang, I lale, Atungpuh Thrünpuhnü thachoh, mihbukmuyuk shekhi ching I asühpü müla, tüshe mihbukmuyuknü arü limrobo chingnü rholobah rhangdung lakhi ching lah; nüsa amütsü limrobo chingnü rholoang, rholoang; tümüde nü ashepü, O Israel yamkhün?

EZEKIEL 33:4

judüki khürünü hulipungpung düsheak sobah mukurhangsho, tüsho thiriri arübah arü lude tsosho, arü thiyih ju arü nihbuh ku kheak labah.

DANIEL 9:6

Isanü nü mung chingnü isa kiulongthsürübo, yakzanshuhrübo, isa jipürübo, tüsho lomi mihtsürü alala ki asukkhi nü yamlarübo ki mani.

HOSEA 14:1

O Israel, Atungpuh nü Thrünpuh kilim rholoang, tümütüsho nü mülimkhinü nü angakdo.

AMOS 5:24

Tüshe thiyuro ju kebo nangde tüsho thiyuro-lungki ayung ato nangde bukshang.

MIKA 2:6

“Düthsangyuthsangra” arünü hade thsangyuthsangrachoh– “ Khürünü hadürü thsangyuthsangra müthsübeah; mihmüthsüm mülakhinü isa müyanphuh.”

ZEKARIA 1:3

Jumonü arü ki thaang, Wuto Atungpuhnü ha thachoh: I kilim rholoang, Wuto Atungpuhnü thachoh, tüsho inü nü kilim rholobah, Wuto Atungpuhnü thachoh.

ZEKARIA 7:7

Jirusalem mühide kiutobo bede lalim tsüde alachoki, tüsho Negeb le Shephela ching laabahshu harü Atungpuh yubo ha adüso wukihrübonü azhiyukkhi yung de?

YUNIRÜBO RHIMO 26:20

tüshe akhuhde Damaska ching larü ki, jushu Jirusalem le Judea lomi alala ching, tüsho khiungkerü ki arünü mulong müthride Thrünpuh kilim rholobah ju thülünde rhimo rhimopü thsüde thsangyuthsangra.

YUNIRÜBO RHIMO 3:19

Jumonü mulong müthriang, tüsho rholoang, junangde nüsa neakbo nankhita bahbah Atungpuh kilimnü me düküngpü kimbo arübah,

1 PETER 1:18

Nüsa jipürü kheaknü yamrüplurüp lukhi akeangkeang limrobo chingnü, adükheakbe shotoyinchi yungsho sunanü yungde nüsa rhokhitkheah de nüsanü mükheahlah,