ZEKARIA 1:17 - AMÜSÜH HÜM CL Bible (BSI)

¹⁷ Zhiloang: Wuto Atungpuhnü ha thachoh: I kiutobo kheaküshe lakhitnü azhikhiukbah; Atungpuhnü kheaküshe Zion shukheambah tüsho Jirusalem mokhitlobah.

ZEKARIA 1:17 Iomraidhean Croise

2 KIUTHSÜYUKHEAN 6:6

tüshe ju ching I mung lashihpü thsüde inü Jirusalem mokhit, tüsho I mihtsürü Israel kurungkheak inü David mokhit.’

NEHEMIA 11:20

Aningkhi Israelrü, amükeamrü tüsho Levirü Juda kiutobo ching nihbuh lopung ching la.

NEHEMIA 11:3

Harü ha Jirusalem ching lakhi lomi limberübo ah; tüshe alala Juda kiutobo ching nihbuh yamalo kheak arü kiutobo ching lakheah: Israelrü, amükeamrü, Levirü, arüngyam tankihrü tüsho Solomon yamlarü tsühsoniusobo.

MUNGSHIKHÜN 69:35

Tümüde Thrünpuhnü Zion khümkhitbah tüsho Juda kiutobo thsübah, junangde ju ching mihtsürübo labah tüsho müküh-a lubah;

ISAIA 14:1

Tüshe Atungpuhnü Jakob kheak mihmüthsüm labah tüsho kheaküshe Israel mokhitbah, tüsho arü lomi ching lashihbah; khiungkerünü arü lung arihbah tüsho arünü Jakob yamkhün lung labah.

ISAIA 44:26

shepünü api yamlarü yu mütsanmükhishih, tüsho api yunithsürünü müchitkhi dünjishih; shepünü Jirusalem dünkheak tha, “Ha ching mihtsürü labah,” tüsho Juda kiutobo dünkheak, “Arübo athsülobah, tüsho inü arü athsümünimkhi yihmusubah;”

ISAIA 49:13

Asühachihpü khün thsang, O thüningbo, tüsho khide asühang, O alomi; O awungbo, khün thsüde alankhitang! Tümüde Atungpuhnü api mihtsürü shukheamdo, tüsho api mihtsürü thsünürü kheak mihmüthsüm labah.

ISAIA 51:12

I, shepünü shukheamchonü api ah; dale tümüde ashepü lakhi mihtsürü trecho, mihtsürü khülang shepü rim nangde yiuhabahcho?

ISAIA 51:3

Tümüde Atungpuhnü Zion mulong shukheambah; apinü anihbe yo thsümünimkhi dangpungbo alala shukheambah, tüsho anihbe sunglo ju Eden nangde kamshihbah, anihbe loshelo ju Atungpuh shahwün nangde kamshihbah; asühachih tüsho asühkhi anihbe kheak labah, makshe jihkhi tüsho khün düsheak labah.

ISAIA 52:9

Rukhühnü khün thsüde zhiang, nü athsümünimkhi Jirusalem; tümüde Atungpuhnü api mihtsürü shukheamdo, apinü Jirusalem rhokhitdo.

ISAIA 54:8

Kim khülang thsungkheak bukakhiukkhinü I miro nü kheaknü jik tüshe akheam mülakhi amuzhonü inü nü kheak amuzho labah, Atungpuh , nü Rhokhitbuhnü thachoh.

ISAIA 66:13

Berünü tsührü shukheamkhi nangde, inü nüsa shukheambah; Jirusalem ching nüsa mulong shukheambah.

JEREMIA 31:13

Judüki anünürübonü asühde atsünbah, tüsho athrününgtsüng le azobuhrünü asüharabah. Inü arü tüzhokhi asühpü kamshihbah, inü arü shukheambah tüsho mulong rozhak thsungkheak arü ki asühpü jihbah.

JEREMIA 33:13

Awung lomi kiutobo ching, Shephela, Negeb, Benjamin lomi, Jirusalem mühi dangpung tüsho Juda kiutobo ching, kheaküshe mihnubo arü kherü khah khüp tsahbah, Atungpuhnü thachoh.

JEREMIA 33:9

Tüsho inü arü thsungkheak atsü rhimokhi alala sopü larü lomi trükshihbo alala miki ha kiuto I ki asühkhi mung, mungshi tüsho müretahkhi labah; inü ha thsungkheak atsü tüsho lalim atsü alala jihkhi dünkheak arünü atrebah tüsho ajanbah.

EZEKIEL 36:33

Atungpuh Thrünpuhnü ha thachoh: Inü nü mülimkhibo alala chingnü nü müsühkhit nimung, inü kiutobo ching laloshihbah, tüsho athsümünimkhi dangpungbo thsülobah.

AMOS 9:14

Inü I mihtsürü Israel kuhi jihlobah, tüsho arünü athsümünim kiutobo thsülobah tüsho jurü ching labah; arünü kurungasobo yangbah tüsho jurü yukhu yungbah, tüsho arünü awündobo thsübah tüsho sangaso tsühbah.

OBADIA 1:20

Hala ching lakhi Israel ramtsorünü Zarephat khiungde Phoenikia lubah; tüsho Sepharad ching lakhi Jirusalem ramtsorünü Negeb kiuto lubah.

ZEKARIA 1:14

Jumonü I ki asukachihbuh yunirünü I ki tha, Ha yusheak zhiyukang: Wuto Atungpuhnü ha thachoh: inü Jirusalem tüsho Zion thsungkheak khide mükthsülah.

ZEKARIA 1:18

Judüki inü abinkih-a kheah tüsho juh phüyi ngü.

ZEKARIA 2:12

Atungpuhnü Juda ju amüsüh lomi ching api shihcham thsüde yamrüplurüp lubah, tüsho Jirusalem mokhitlobah.

ZEKARIA 2:4

tüsho api ki tha, “Alihang, ju athrününgtsüng mihtsürü ki thaang: Jirusalem ju mihtsürü tüsho shiwüh hihkhinü chipi mayündoride alabah.

ZEKARIA 3:2

Tüsho Atungpuhnü Arimri ki tha, “Atungpuhnü nü thürühchoh, O Arimri! Jirusalem mokhitbuh Atungpuhnü nü thürühchoh! Ha buh mihtsürü ha mo chingnü adukkhitkhi mozhuh yung de?”

EFISIA 1:4

Api miki isa amüsüh tüsho areak mükihde alapü alomi khimtan müngühnü apinü isa api lung mokhit.