ZEKARIA 1:14 - AMÜSÜH HÜM CL Bible (BSI)

¹⁴ Jumonü I ki asukachihbuh yunirünü I ki tha, Ha yusheak zhiyukang: Wuto Atungpuhnü ha thachoh: inü Jirusalem tüsho Zion thsungkheak khide mükthsülah.

ZEKARIA 1:14 Iomraidhean Croise

ISAIA 37:32

tümüde Jirusalem chingnü aningkhi wukhiukbah, tüsho Zion Müzüng chingnü atsokhitrü bokhüh labah. Wuto Atungpuh künkhinü ha thsübah.

ISAIA 38:22

Hezekianü tha, “ Inü Atungpuh yam ching wutupü thsüde amütsan tümü a?”

ISAIA 40:1

Shukheamang, O I mihtsürü shukheamang, nü Thrünpuhnü thachoh.

ISAIA 40:2

Jirusalem ki shukheamde asukang tüsho anihbe ki zhiang, junangde anihbe thirithsü kheamdo, anihbe mülimkhi shakdo, anihbe neak dünkheak mahne kinü Atungpuh khah chingnü leangkhido.

ISAIA 40:6

Düsheaknü tha, “Zhiang!” Tüsho inü tha, “ Inü tümü zhiba?” Mihtsürü alala sangrung ah, arü tsakamkhi ju thulu sangbün nangde lah.

ISAIA 42:13

Atungpuhnü bonungrü nangde mikhuhlim yüchoh, thirithsü khülang nangde api bukakhiukkhi rhumusuchoh. Apinü zhichoh, apinü achangnü ahochoh, apinü anihbuh riribo azhihde Wuto huhchoh.

ISAIA 59:17

Treangkhümbe nangde apinü thiyuro-lungki yih, tüsho api ku kheak akhümkhit kuthran thran; apinü khimmih thsungkheak royimkhi khimmih phuyu, tüsho khimniuniu ching nangde bukakhiukkhi ching hingthülang.

ISAIA 63:15

Yinmi chingnü, nü yo amüsüh tüsho müretahkhi lapung chingnü abinkhia kheahang. Nü künkhi tüsho nü wu-sühmüh küching la? Nü amuzho tüsho nü lümrhihkhi thsü küching la? Arübo isa kheaknü tukloa lah.

ISAIA 9:7

Api kiulongthsü sühmüh mutuklode azokihbah, tüsho ju ching akheam mülakhi mungtsü David tüsho api kiulongthsü-binkiu thsungkheak labah. Thiyuro tüsho thiyuro-lungkinü ha kimnü ründe tüsho kamruhroro apinü arhimobah. Wuto Atungpuh mulungkhinü ha rhimobah.

EZEKIEL 36:5

jumonü Atungpuh Thrünpuhnü ha thachoh: Inü aningkhi trükshihbo tüsho Edom alala azhihde mükthsükhi chingnü inü asukchoh. Arünü mulong athrünkhinü asühachih tüsho bahyukde I lomi yankhia lu tüsho ha rimlopung arü yamalo thsüpü lu.

HOSEA 11:8

Küde thsah inü nü dükhepü, Ephraim? Küde thsah inü nü bahyukpü O Israel? Küde thsah inü nü Adma nangde kamshihpü? Küde thsah inü nü Zeboiim kheak nangde arhimopü? I mulong alunglim müthrido; nü thsungkheaknü I muzho todaklah.

JOEL 2:18

Judüki Atungpuhnü api lomi thsungkheak lümrhihde kam, tüsho api mihtsürü kheak amuzho la.

NAHUM 1:2

Mükthsükhi tüsho royimkhi Thrünpuh ju Atungpuh ah, royimpü tüsho mulong zhipzhip ju Atungpuh ah; Atungpuhnü api azhihrü kheak royimchoh tüsho api riribo azhihde bukakhiukchoh.

ZEKARIA 1:13

Judüki Atungpuhnü I ki asukachihbuh yunirü ki muzhode tüsho ashukheam yubonü alo.

ZEKARIA 1:17

Zhiloang: Wuto Atungpuhnü ha thachoh: I kiutobo kheaküshe lakhitnü azhikhiukbah; Atungpuhnü kheaküshe Zion shukheambah tüsho Jirusalem mokhitlobah.

ZEKARIA 1:9

Judüki inü tha, “ I tungpuh, harü ha tümü a?” I ki asukde alabuh yunirünü I ki tha, “Arü tümüanü inü nü ki huhbah.”

ZEKARIA 4:1

I ki asukachihbuh yunirünü kheaküshe arü, tüsho khürü ayapkhi chingnü yihmusukhi nangde I yihmusu.