ZEKARIA 1:12 - AMÜSÜH HÜM CL Bible (BSI)

¹² Judüki Atungpuh yunirünü tha, “ O Wuto Atungpuh , nünü kam nerü bukakhiukkhi Jirusalem tüsho Juda kiutobo kheaknü külokhüh nünü mihmüthsüm tholoba?”

ZEKARIA 1:12 Iomraidhean Croise

2 KIUTHSÜYUKHEAN 36:21

Alonü amuni sühakhimkhibo asühachih; Jeremia hode Atungpuh yubo dünjipü thsungkheaknü kam nerü mübanyi khiungde zhikrangkhündo alakhi kim alala ching sühakhim.

MUNGSHIKHÜN 102:10

tümütüsho nü mulong zhipzhipkhi tüsho nü bukakhiukkhinü ah; tümüde nünü I shuhkih tüsho jipa bah.

MUNGSHIKHÜN 102:13

Nü asürübah tüsho Zion kheak mihmüthsüm labah; tümüde alibe muzhopü kim akhukhi arüdo.

MUNGSHIKHÜN 69:5

O Thrünpuh nünü I makhakhi mükheahlah; tüsho I neakbo nü kheaknü rama müla.

MUNGSHIKHÜN 74:10

O Thrünpuh, külokhüh nü azhihrünü nü münejihba? Thiririnü lünnü nü mung mükhemükimba de?

MUNGSHIKHÜN 79:5

Atungpuh , külokhüh? Lünnü nü bukakhiukba de? Nü mükthsükhi mo nangde atakba de?

T H S AN GYU T H S AN GR ARÜ 3:3

alaksahpü kim khülang, tüsho athsüngupü kim khülang; athokheampü kim khülang, tüsho athsüpü kim khülang;

ISAIA 47:6

Inü I mihtsürü kheak bukakhiuk, inü I yamrüplurüp müneanjih; inü arübo nü khah ching jih, nünü arü ki mihmüthsüm muhuh; ashinbuhrü kheak nünü khide hah mülangshih.

ISAIA 63:9

Arü lümthsünü alala ching api she lümthsünüde kam, yunirü khülangnü yung tüshe Atungpuhnü arü khümkhit; api muzho ching tüsho api khah-ching müyüzahkhinü arü bemusu tüsho awün nimungbo alala ching buh.

JEREMIA 12:4

Külokhüh alonü tüzhoba tüsho thulu sangrungbo mukuhba? Ju ching larü mihbukmuyuk lakhinü shiwüh tüsho wuhnubo shekhamdo, tümütüsho mihtsürübonü tha, “ Isanü arhimokhi Thrünpuhnü müngü.”

JEREMIA 15:17

Kithsükilangrü bolung inü mübin, yungsho inü masühachih; nü khah khüp I langzü bin, tümüde nünü I bukakhiuknü mishih.

JEREMIA 29:10

Tümüde Atungpuhnü ha thachoh: Babilon ching kam nerü bankhitsho lang inü nüsa rhuakheahbah, tüsho inü nüsa ki alokhikhi dünjishihbah tüsho nüsa ha dangpung ching belodarübah.

JEREMIA 30:18

Atungpuhnü ha thachoh: Inü Jakob khimyam kuhibo jihlopü thsüchoh, tüsho api lapung kheak mihmuzho labah; kiuto ju amujuk kheak thsülobah, tüsho alungki dangpung kheak kiulongthsürü-yam thsübah.

DANIEL 12:6

Khülangnü khimthünak phuyubuh mihtsürü, ayung kumung zhipbuh ki tha, “Harü khinthiyinbe müdünjiyichoki külokhüh laba?”

DANIEL 9:2

Api kiulongthsü atan kam ching, I Danielnü Atungpuhnü wukihrü Jeremia ki thakhi nangde, kam nerü Jirusalem thsümünimpü dünkheak amüsüh hümbo khede tüsho lümakheahde alakheah.

HABAKKUK 1:2

O Atungpuh , külokhüh inü arung thsungkheak zhiba tüsho nünü maniba? Yungsho nü ki zhiba, “Thsünimthsüshi!” tüsho nünü mükhümkhitba?

ZEKARIA 1:8

Azhing ching inü mihtsürü khülang khora amürüm kheak binde ngüdo! Api ju jindükhün ching martel sangbo lung zhipde alakheah; tüsho api dunglim ju khorabo amürüm, mürümmuchu tüsho amüye zhipde alakheah.

ZEKARIA 7:5

Lomi mihtsürü alala tüsho amükeamrübo ki thaang: Nüsanü ha kam nerü khinu phüngü tüsho thüne ching khümkeak thsükhi tüsho tüzhokhi ju I thsungkheak lakhea de?

IBRI 7:25

Jumonü api hode Thrünpuh thüninde arürü apinü kim alala ching arü khümkhitpü kuklah, tümütüsho arü thsungkheak mushujihpü api kamruhroro lah.

AMIKHEAKAKHIUKKHI 6:10

arünü düsheak achangnü zhi, “Wuto Atungpuh, amüsüh tüsho thiyuro, isa thiyih dün alomi ching larü kheak mahkhappü tüsho royimpü külokhüh laba?”