ZEKARIA 1:10 - AMÜSÜH HÜM CL Bible (BSI)

¹⁰ Jumonü martel sangbo lung zhipkhi mihtsürünü alo, “Arübo ju Atungpuhnü lomi rhuakheahpü thiyikhi lah.”

ZEKARIA 1:10 Iomraidhean Croise

JOB HU H T ANYU 1:7

Atungpuhnü Arimri ki tha, “Nü küchingnü arükhea?” Arimrinü Atungpuh ki alo, “Alomi kheak yüla arüla dükhi chingnü, tüsho ju kheak yükihla akila dükhi chingnü.”

ZEKARIA 1:11

Judüki arünü martel sangbo lung zhipkhi Atungpuh yunirü ki asuk, “ Isanü alomi rhuakheahdo, tüsho kheahang, lomi athrünkhi akhimahede lah.”

ZEKARIA 1:8

Azhing ching inü mihtsürü khülang khora amürüm kheak binde ngüdo! Api ju jindükhün ching martel sangbo lung zhipde alakheah; tüsho api dunglim ju khorabo amürüm, mürümmuchu tüsho amüye zhipde alakheah.

ZEKARIA 13:7

“ O nukshang, I yo namfimihnu neakrü azhihde asürang, I lung larü mihtsürü azhihde,” Wuto Atungpuhnü thachoh. Namfimihnu neakrü shikang, junangde namfimihnubo hiumüzütbah; inü aninibo azhihde I khah rholobah.

ZEKARIA 4:10

Tümüde sherünü anükhüh lang arhimokhi nimung mükhemükimkheanü asühachihbah, tüsho Zerubbabel khah ching akeara-liu ngübah. “Harü thüne ha alomi athrünkhi ngükhi Atungpuh mükbo lah.”

ZEKARIA 5:7

Jushu yinchi thrandobe lahkih, tüsho aliberü khülang muluk ching bina lakheah!

IBRI 1:14

Arü alala ju akhümkhit yamrüplurüp lurü tankihrü thsüde tankihpü mebo thiyikhi yung de?