YUZÜNGTHALO 9:9 - AMÜSÜH HÜM CL Bible (BSI)

⁹ Atungpuhnü nüsa kilim thsüjihkhi tangzüng lungbeakbo leangkhia lupü küyimki I müzüng ching wutukhea, inü müzüng ching nimung yirü tüsho tsüngre yirü mung; inü yikhap she mütsüh yungsho ke she muyung.

YUZÜNGTHALO 9:9 Iomraidhean Croise

1 KIULONG THSÜRÜ 19:8

Apinü asürübah tsühyung; jushu apinü ju tsühyungkhi sühmühnü nimung yirü tüsho tsüngre yirü Atungpuh wung Sinai lim yü.

2 KIULONG THSÜRÜ 6:22

Apinü alo, “Düh! Nü nukshang tüsho sanglühnü ayandokhi mihtsürübo nünü alaksahba de? Arü miki jim tüsho ke zojang, junangde arünü atsühyungbah; tüsho arü putungrü kilim alode yüshang.”

ABEKHIT 24:12

Atungpuhnü Mosa ki tha, “I kilim müzüng kheak atuang tüsho ju ching aleangang; tüsho inü nü kilim inü athrütkhi lungbeakbo, yakzan tüsho thiyukhümbo nünü arü ki thsangyushihpü jihbah.”

ABEKHIT 24:15

Judüki Mosanü müzüng ching wutu, tüsho amonü müzüng ju liudo.

ABEKHIT 24:18

Jumonü Mosanü amo phulung ju yüzah tüsho müzüng kheak wutu. Tüsho Mosa ju nimung yirü tüsho tsüngre yirü müzüng kheak lakheah.

ABEKHIT 31:18

Tüsho küyimki apinü Sinai Müzüng kheak Mosa ki asukachihkhamkhea, apinü anihbuh kilim Thrünpuhnü thiyukhüm thrütkihkhi lungbeak mahne jih.

ABEKHIT 32:1

Küyimki Mosa müzüng kheaknü akipü zhomakhi mihtsürübonü angükhea, arünü Aron mükamde mukhung tüsho tha, “Arang, isa müngüh yüpü thrünpuhbo thsüjang; tümüde isa Ijip lomi chingnü bekhitbuh Mosa kheak tümü dünjia lanü isanü mümükheah.”

ABEKHIT 34:28

Ju ching Mosa nimung yirü tüsho tsüngre yirü yikhap mütsüh yungsho ke muyungde alakheah. Tüsho apinü lungbeakbo kheak tangzüng yubo, Thiyuzüng Thürü thrüt.

MATHI 4:2

Nimung yirü tüsho tsüngre yirü mütsühyung dunglim api khümabah.

GALATIA 4:24

Ha müchityu ah: aliberübo ju tangzüng mahne ah. Khülang Sinai Müzüng chingnü, azhorü tsührübo zübecho; alibe ju Hagar.

YUZÜNGTHALO 8:3

Tüsho apinü nüsa azhihayihshihpü khümshih tüsho nüsa kilim manna kip, küpü nüsa yungsho nüsa bebuhrübonü mümükheahkhea, junangde mihtsürü ju yikhapnü lang rhangdung müla de nüsanü amükheahbah, tüshe mihtsürü ju Atungpuh mün chingnü athakhitkhi abannü rhangdung lah.

YUZÜNGTHALO 9:11

Nimung yirü tüsho tsüngre yirü kheamshu Atungpuhnü tangzüng lungbeak mahne ju I kilim jih.

YUZÜNGTHALO 9:15

“Jumonü I rholobah müzüng chingnü aki tüsho müzüng ju monü takde alakheah; tüsho tangzüng lungbeak mahne ju I khah ching lakheah.

YUZÜNGTHALO 9:18

Akhuhlim nangde, nimung yirü tüsho tsüngre yirü inü Atungpuh miki khukning; tümütüsho nüsanü Atungpuh miki mütsüde neak yihbeakbah api bukakhiukshihkhi hode inü yikhap mütsüh yungsho ke she muyung.

IBRI 9:4

Ju ching rhümthünea takbe suna kingaün sadam tüsho sunanü alüpdokhi tangzüng sangdan lakheah. Ha sangdan ching ju manna zahkhi suna pangjiphüh, apungkhi Aron tso, tüsho tangzüng lungbeakbo lakheah;