YUZÜNGTHALO 9:5 - AMÜSÜH HÜM CL Bible (BSI)

⁵ Ha nüsa thiyuro lamo yungsho mulong alungki lamonü nüsa arü lo mükühde ayükhi yung, tüshe harü trükshih khide mütsükhi hode Atungpuh nüsa Thrünpuhnü arübo nüsa müngühnü yankhita bahchoh, junangde Atungpuhnü nüsa jipürübo Abraham, Isak, tüsho Jakob ki thiyuchihchimkhi dünjibah.

YUZÜNGTHALO 9:5 Iomraidhean Croise

THRÜNTAN 12:7

Judüki Atungpuhnü Abram ki akhiuk tüsho tha, “Nü tsühsoniusobo ki inü ha lo jihbah.” Tüsho apinü ju ching api ki akhiukbuh Atungpuh kilim kingaün sadam khülang thsü.

THRÜNTAN 13:15

tümüde nünü angükhi lomi inü nü tüsho nü tsühsoniusobo kilim lünnü ajihbah.

THRÜNTAN 15:16

Nü tsühsoniuso ha ching alode marüchoki lün phüyi labah, tümütüsho inü Amorrü yankhitpü thsüde arü mülimkhi musuhdahyi.”

THRÜNTAN 15:7

Judüki Atungpuhnü api ki tha, “I ha lomi nü kilim jih-a yamrüplurüp lushihpü Kaldea ching lakhi Ur chingnü nü bekhitbuh Atungpuh ah.”

THRÜNTAN 17:8

Kheakü nüsa hanrü thsüde alakhi Kanan lo alala nü tüsho nü dunglim nü tsühsoniusobo kilim akheam müla yamalo thsüpü jihbah; tüsho I ju arü Thrünpuh thsübah.”

THRÜNTAN 19:29

Junangde küyimki Thrünpuhnü adükhün kiutobo alala thsümünimkheanü, apinü Abraham, tüsho kiutobo yüngthrümkhi chingnü abekhitkhi Lot lümkhit.

THRÜNTAN 26:4

Tüsho inü nü tsühsoniusobo ju thüning ching chiningbo nangde abushihbah; inü nü tsühsoniusobo kilim harü lobo alala jihbah; tüsho nü müjih ching alomi trükshih alala müngühmühibah;

THRÜNTAN 28:13

Tüsho kheahang, ju kumung Atungpuh zhip tüsho tha: “I nü buh Abraham tüsho Isak Thrünpuh Atungpuh ah; nü yapkhi lo inü nü tüsho nü tsühsoniusobo kilim jihbah.

ABEKHIT 32:13

Nü yamlarübo Abraham, Isak, tüsho Jakob lümkhitang, sherü ki nünü thiyuchihchimde tha, ‘Inü nüsa tsühsoniusobo thüning ching chiningbo nangde abushihbah; inü alokhikhi alala nüsa tsühsoniuso kilim jihbah, tüsho arünü ju lünnü yamrüplurüp lubah.’”

EZEKIEL 20:14

Tüshe I mung chingnü rhimode trükshihbo miki mümüneanshihpü inü arü mikinü inü arübo bekhit.

EZEKIEL 36:22

Jumonü Israel yamkhün ki thaang, Atungpuh Thrünpuhnü ha thachoh: Ha nü thsülimnü inü arhimopü thsüchoh yung, O Israel yamkhün, tüshe nü arüpung trükshih bolung nünü müneanjihkhi I mung amüsüh thsülimnü ah.

EZEKIEL 36:32

Ha nü thsülimnü inü arhimopü thsüchoh yung, Atungpuh Thrünpuhnü thachoh; ju nünü mükheahang. Nü limrobo thsungkheak achihang tüsho lümchihyuk ngüang, O Israel yamkhün.

LEVI 18:24

Harü rhimokhinü nüsa dümünean, tümüde harü rhimo hode inü nüsa müngüh yankhita bahkhi trükshihbonü arü zangrü müneana lah.

LEVI 18:25

Hanangde alo müneanabah; tüsho ju neak dünkheak inü thsümüchichoh, tüsho ju ching lakhi mihtsürübo alonü mülüma bah.

MIKA 7:20

Nünü awün nimungbo ching isa jipürü ki thiyuchihchimkhi nangde Jakob ki thiyuro tüsho Abraham ki mihmüthsüm huhbah.

YUNIRÜBO RHIMO 3:25

Nüsa ju wukihrübo tüsho Thrünpuhnü isa jipürü Abraham ki, ‘Nü müjih ching alomi yamkhün alala müngühmühibah,’ de tangzüngkhi tsührübo ah.

ROMRÜ KILIM PAULNÜ ATHRÜTKHI KIHÜM HUHTANYU 11:28

Tümütüsho arünü thiyusheak atsü bahyukkhinü nüsa khiungkerü dünlimnü Jihudarü ju Thrünpuh riribo. Tüshe Thrünpuhnü amokhitkhi, arü jipürübo dünlimnü api müyamrübo ah.

ROMRÜ KILIM PAULNÜ ATHRÜTKHI KIHÜM HUHTANYU 15:8

Tümüde jipürü ki alokhikhi adüngakhipü Thrünpuh thiyuro thsung thsüde Khrista ju Jihudarü yamlarü kamkheah de inü nüsa ki thachoh,

YUZÜNGTHALO 1:8

Kheahang, inü nüsa müngüh alo zojihlah; Atungpuhnü nüsa bebuhrübo– Abraham, Isak tüsho Jakob tüsho arü dunglim tsührübo kilim jihkhi lo ching yüzahbah mükühang.”

YUZÜNGTHALO 12:31

Nünü Atungpuh nü Thrünpuh judürü limro chingnü dükingaün; tümüde Atungpuhnü athraneankhi alala arünü arü thrünpuhbo ki rhimodo; tümüde arünü arü tsührü tüsho tsührübebo she arü thrünpuhbo kilim kingaünde mo ching takdo.

YUZÜNGTHALO 18:12

Tümüde sherünü harü alala rhimochonü Atungpuh kilim athraneanbe lah, tümütüsho harü athraneanbe dünkheaknü Atungpuh Thrünpuhnü arübo nüsa müngühnü yankhita bahchoh.

YUZÜNGTHALO 18:9

“Küyimki nüsa Atungpuh nüsa Thrünpuhnü ajihkhi lo ching arübanü, harü trükshihnü athraneanbe rhimokhibo kheahkhipü dümükheah.

YUZÜNGTHALO 20:18

jude yungsho arünü arü thrünpuhbo ki rhimokhi athraneanbebo yande arhimoshihpü nüsa ki thsangyubah tüsho Atungpuh nüsa Thrünpuh azhihde nüsanü neak yihbeakbah.

TITA 3:5

isanü thiyuro-lungki rhimokhi dünkheaknü yung tüshe api amüthsüm hode, zübelode müsühkhitde tüsho Amüsüh Me ching aso kamlode apinü isa khümkhit,