YUZÜNGTHALO 9:3 - AMÜSÜH HÜM CL Bible (BSI)

³ Jumonü Atungpuh nüsa Thrünpuh khihni nüsa müngüh motru aniukhi nangde yüchoh de mükheahang. Apinü arü sheshihbah tüsho nüsa miki hande akijihbah; jumonü Atungpuhnü nüsa ki thakhi nangde nüsanü arü yankhitbah, tüsho nahde adükheakbah.

YUZÜNGTHALO 9:3 Iomraidhean Croise

ABEKHIT 23:23

Tümütüsho I yunirü nüsa müngüh yübah tüsho nüsa Amorrü, Hitrü, Perizrü, Kananrü, Hivrü tüsho Jebusrü lomi ching bede yüzahbah; tüsho inü arübo dükheakshihbah.

ABEKHIT 24:17

Israelrü mük ki müzüng müjuk kheak Atungpuh müretahkhi ju aniuabahbe motru nangde alakheah.

ISAIA 27:4

I bukakhiukkhi müla. Hanü ayangbo tüsho khingphu I kilim jihsho, inü ha azhihde keochihpü tsahmusubah. Inü takabahbah.

ISAIA 30:27

Kheahang, Atungpuh mung, limshu chingnü, api bukakhiukde, tüsho mokhüh kheahde liukihde arüchoh; api münküp bukakhiuknü milah, tüsho api mulo aniuabahbe mo nangde lah;

ISAIA 30:30

Tüsho Atungpuhnü api wüntre-müretah düsheak soshihbah tüsho api khah akikhi ngübah; bukakhiukde, aniuabahbe motru, amo-shokhi, chinthrüm tüsho aru belah.

ISAIA 30:33

Tümüde adüsonü Asiria kiulongthsüpuh takpü dangpung tsanglunga lah; atakpung ju asük tüsho aküngküng, mo tüsho atakbe-sang suhdahlah, ju takkihpü Atungpuh sheak motru ayung nangde thsükhitchoh.

ISAIA 33:14

Zion ching aneakrübo trede lah; Thrünpuh mümükheahrü ajande lah; “ Isa bolung shepünü aniuabahbe mo ching laba? Isa bolung shepünü akheam müla motru ching laba?”

MIKA 2:13

Shepünü lakashungchonü arü müngüh yübah; arünü lakashungbah tüsho chipiripit hode junü awukhiukbah. Arü kiulongthsüpuh arü müngüh yübah, Atungpuhnü arü limbebah.

MATHI 15:10

Jisunü mihtsürübo ju api kilim jibah tha, “Aniang tüsho anikhitang:

MARK 7:14

Tüsho küyimki apinü boto alala api kilim jikhea, apinü arü ki tha, “Alalanü I ki aniang, tüsho anikhitang:

ROMRÜ KILIM PAULNÜ ATHRÜTKHI KIHÜM HUHTANYU 8:31

Dale tüsho isanü ha küde athaba? Thrünpuh ju isa thsungkheak a sho, isa azhihrü she la?

EFISIA 5:17

Jumonü dümakha, tüshe Atungpuh lümkhi tümüanü anikhitang.

YUZÜNGTHALO 1:30

Nüsa müngüh yübuh Atungpuh nüsa Thrünpuhnü Ijip ching nüsa mük ki rhimokhi nangde, nüsa thsungkheak keochihjihbah,

YUZÜNGTHALO 20:1

“Küyimki nüsa thiriri azhihde keochihpü yübanü, tüsho khorabo le lolungbe tüsho mihtsürübo nüsa kheaknü hihde angübanü arübo dütre; tümüde nüsa Ijip lo ching bede atubuh Atungpuh nüsa Thrünpuh nüsa lung lah.

YUZÜNGTHALO 20:4

tümüde Atungpuh nüsa Thrünpuh nüsa khümkhitpü thsüde thiriri bede keochihpü nüsa lung yüchoh.’

YUZÜNGTHALO 4:24

Tümüde A TUN GPU H nüsa Thrünpuh ju muliuabahbe mo nangde mükthsübuh Thrünpuh lah.

YUZÜNGTHALO 7:16

Tüsho Atungpuh nüsa Thrünpuhnü nüsa kilim jihkhi mihtsürübo nüsanü adükheakshihbah, nüsa müknü arü kheak mümuzho; yungsho nüsanü arü thrünpuhbo mütankih, tümüde nüsa thsungkheaknü ju qimürip labah.

YUZÜNGTHALO 7:22

Tüsho Atungpuh nüsa Thrünpuhnü harü trükbo adümdümnü nüsa müngühnü yankhita bahbah; nüsanü arü khülangkiyu thsüde düdükheakshih, jude thsüsho nüsa thsungkheaknü mütüm shiwühbo mükhebinde akambah.

YUZÜNGTHALO 9:6

Jumonü nüsa kheak thiyuro lamonü Atungpuh nüsa thrünpuhnü ha lo atsü nüsanü amükühpü jihkhi yung de mükheahang, tümüde nüsa anihnih mihtsürü ah.

2 TESALONIKA 1:8

Thrünpuh mümükheahrü tüsho isa Atungpuh Jisu thiyusheak-atsü mihyumanirü apinü thsümüchibah.

IBRI 12:29

tümüde isa Thrünpuh a aniuabahbe mo ah.

JIHUSUA 11:12

Atungpuh yamlarü Mosanü thiyukhüm jihkhi nangde Jihusuanü jurü kiulongthsürü kiutobo tüsho kiulongthsürübo yanabah, tüsho alala nukshangnü sheshih.

JIHUSUA 11:8

Atungpuhnü arübo Israelrü khah ching jih; Israelrübonü Misrephothmaim, Sidon, tüsho Mizpa jindükhün aniakhiuklim khiungde müshamde yan. Thiriri müshekhamyi khiungde arünü yande laksah.

JIHUSUA 14:12

Jumonü ju nimung Atungpuhnü athakhi nangde kheakü ha awung lomi I kilim jihang; tümüde Anakimrü künangde chipi düküngde kiutobo ching lakheanü nünü ju nimung sodo; khükijua Atungpuh I lung labah, tüsho Atungpuhnü athakhi nangde inü arü yankhita bahbah.”

JIHUSUA 3:11

Lomi alala kurungkheak Atungpuh tangzüng sangdan ju nüsa müngüh Jordan lim hanbah ayübah.

JIHUSUA 3:14

Jumonü küyimki mihtsürübo Jordan hopü mihtsürü müngüh amükeamrübo tangzüng sangdan hanshihbah, arü khimyam chingnü atsahmusukhea,

MAHKHAPRÜ 4:14

Judüki Deboranü Barak ki tha, “ Asürang, tümüde khihni Atungpuhnü Sisera nü khah ching jihdo. Atungpuh nü müngüh müyü de?” Jumonü Baraknü mihtsürü 10,000 api lung yande Tabor müzüng kheaknü aki.