YUZÜNGTHALO 9:1 - AMÜSÜH HÜM CL Bible (BSI)

¹ “O Israel aniang: Nüsa khihni Jordan hode ayübah, tüsho nüsa kheaknü atobe tüsho sühmüh lakhi trükbo, chipi ato tüsho thüning khiungde ayünkhi kiutobo yanabahbah,

YUZÜNGTHALO 9:1 Iomraidhean Croise

THRÜNTAN 11:4

Tüsho arünü tha, “Arang, isanü kiuto khülang, tüsho rünchang thüning khiungde thsanü; isanü isa thsungkheak mung khülang thsanü, judü yungsho alomi alala ching isa hiumüzütabahbah.”

ABEKHIT 32:1

Küyimki Mosa müzüng kheaknü akipü zhomakhi mihtsürübonü angükhea, arünü Aron mükamde mukhung tüsho tha, “Arang, isa müngüh yüpü thrünpuhbo thsüjang; tümüde isa Ijip lomi chingnü bekhitbuh Mosa kheak tümü dünjia lanü isanü mümükheah.”

DANIEL 4:11

Sangdung ju tode yükih tüsho müküpde kam, tüsho amuyunü thüning khiung, tüsho alomi athrünkhi akheam chingnü ju ngüde alakheah.

AMOS 2:9

Tütüshe inü arü müngühnü cedar sang nangde achang tüsho thülamsang nangde amüküp lakhi Amorrü dükheakshih; inü api kumung aso, tüsho alunglim ayingbo thsümünimjih.

WÜHKHE 13:22

Arünü Negeb lim wutu, tüsho Hebron lim arü; tüsho ju ching Anak atoshang tsührübo Ahiman, Sheshai, tüsho Talmai pürü lakheah. (Hebron ju Ijip ching Zoan kheaknü kam thünenü akhuh thrüna lakheah.)

WÜHKHE 33:51

“ Israel mihtsürübo ki thaang: Küyimki nüsa Jordan hobah Kanan lo ching yüzahbanü,

YUZÜNGTHALO 1:28

Isa küching yükhukpü? Isa keoniorübonü isa mulong ninishihde tha, Mihtsürübo isa kheaknü atoshang ah; kiutobo thüning khiungde chipi ayünlah; kheaküshe isanü ju ching Anakim tsührübo ngüdo.

YUZÜNGTHALO 11:23

Atungpuhnü arü trükshihbo nüsa müngühnü yankhita bahbah, tüsho nüsa kheaknü atobe tüsho wu-sühmüh lakhi trükbo nüsanü yankhita bahbah.

YUZÜNGTHALO 11:31

Tümüde Atungpuh nüsa Thrünpuhnü nüsa kilim jihkhi lo müküh-a lupü thsüde nüsa Jordan hode ayübah; tüsho küyimki nüsanü ha müküh-a lubah ju ching labanü,

YUZÜNGTHALO 27:2

Tüsho küyimki nüsa Jordan hode Atungpuh nüsa Thrünpuhnü ajihkhi lo ching yübanü, nüsanü lung atotobo khimang tüsho müye-sungsungnü mujuang.

YUZÜNGTHALO 3:18

“Tüsho judüki inü nüsa ki thiyukhüm jihde tha, Atungpuh nüsa Thrünpuhnü ha lo nüsa lushihpü jihdo; nüsa mihtsürü alala thirithsü zülu hanbahle nüsa keoniorü Israelrü müngüh yüang.

YUZÜNGTHALO 4:1

“O Israel, inü nüsa ki thsangyukhi yakzanbo tüsho thiyuzüngbo kheakü aniang, junangde nüsa rhangdung labah, tüsho Atungpuh nüsa bebuhrü Thrünpuhnü ajihkhi lo nüsanü yübah alubah.

YUZÜNGTHALO 4:38

Nüsa khihni lakhi nangde nüsa bedarüpü tüsho yamrüplurüp jihpü thsüde wu-sühmüh ato lakhi trükbo nüsa müngühnü yanabah.

YUZÜNGTHALO 6:10

“Tüsho hanangde alabah, Küyimki Atungpuh nüsa Thrünpuhnü nüsa bebuhrü Abraham, Isak, tüsho Jakob ki nüsa ki tode ajihpü thiyuchihchimkhi tüsho nüsanü amüthsükhi akheahakham kiutobo ching bebah arübanü,

YUZÜNGTHALO 7:1

“Küyimki Atungpuh nüsa Thrünpuhnü nüsanü amükühpü lakhi lo ching bedarübanü, tüsho nüsa müngühnü trükshihbo, Hitrü, Girgashrü, Amorrü, Kananrü, Perizrü, Hivrü tüsho Jebusrü, trükshih atoto thüne nüsa kheaknü sühmüh lakhi yankhitbanü,

JIHUSUA 1:11

‘ Tsühyungpü tsanglungang, tümüde nimung mahsam ninü Jordan keto hode yübah Atungpuh nüsa Thrünpuhnü ajihkhi lo lubah.’ ”

JIHUSUA 1:15

Atungpuhnü Jordan aniyüzahlim lo arü le nüsa kilim jihkhi mümükühyi khiungde arü rungpü yübah, küyimki apinü Israel trükbo khümkhitba, nüsanü alode arang tüsho Jordan aniakhiuklim Atungpuh yamlarü, Mosanü nüsa kilim jihkhi lo ching laang.”

JIHUSUA 14:12

Jumonü ju nimung Atungpuhnü athakhi nangde kheakü ha awung lomi I kilim jihang; tümüde Anakimrü künangde chipi düküngde kiutobo ching lakheanü nünü ju nimung sodo; khükijua Atungpuh I lung labah, tüsho Atungpuhnü athakhi nangde inü arü yankhita bahbah.”

JIHUSUA 3:14

Jumonü küyimki mihtsürübo Jordan hopü mihtsürü müngüh amükeamrübo tangzüng sangdan hanshihbah, arü khimyam chingnü atsahmusukhea,

JIHUSUA 3:16

tüsho achanglimnü bukde akikhi ju tuklo tüsho kingmukhungde Zarethan kiuto yean Adam kiuto khiungde kingmukhung, junangde Araba keto lim bukde ayükhi yung ju tukloabah tüsho mihtsürübo Jirikho phünide ju hokhukde yü.

JIHUSUA 3:6

Tüsho apinü amükeamrübo tangzüng sangdan hanbah mihtsürübo müngüh thiyia yüshih. Apinü athakhi nangde arünü rhimo.

JIHUSUA 4:19

Mihtsürübo akhuhbe khinu thürü nipü Jordan chingnü akhiuk tüsho Jirikho aniakhiuklim, Gilgal ching binkheampü khimyam thsü.

JIHUSUA 4:5

tüsho apinü arü ki tha, “Atungpuh nüsa Thrünpuh sangdan müngüh Jordan phulung yüang, tüsho Israel trük abande nüsa dubuh kheak lung khülang khülang shuhkih-a hanang.