YUZÜNGTHALO 8:8 - AMÜSÜH HÜM CL Bible (BSI)

⁸ wheat hi tüsho barli hi lakhi lo, kurungaso wung, khubaso dung, tsarümkiu dung, oliv sangdung tüsho mukhuke lakhi lo,

YUZÜNGTHALO 8:8 Iomraidhean Croise

THRÜNTAN 49:11

Apinü anihbuh yo donki nunu kurungasolu atsüdakbe kheak chingchoh, api khimmihbo yukhu chingnü,api shulünkhimbo kurungasoke-mürüm chingnü amüsühbah.

2 SAMUEL 4:6

Anenü wheat hi lupü nangde api yam alunglim yüzah, tüsho abuk ching düchip; jushu Rekab tüsho akhiung Baana ane tsoabah.

1 KIULONG THSÜRÜ 5:11

Solomonnü Hiram kilim ayamkhün thsungkheak wheat hi muluk 125,000 tüsho atsangkhitkhi oliv müdangke qiumuk 96 jih. Solomonnü Hiram kilim ha kam atukde jih.

2 KIULONG THSÜRÜ 18:32

I arübahle nüsa nihbuh lomi nangde alakhi, hi tüsho yukhu lomi, yikhap tüsho kurungasolu lomi, oliv müdangke tüsho mukhuke lomi ching bebah müyüyi khiungde, junangde nüsa labah tüsho müshe. Hezekianü nüsa bemüchihde ha thakhi dani, “Atungpuhnü isa bekhitbah.”

MUNGSHIKHÜN 147:14

Apinü nüsa aredungyeanbo ching mungtsü thsüchoh, tüsho wheat hi atsüdaknü nüsa reangkeamshihchoh.

MUNGSHIKHÜN 81:16

Inü nüsa a wheat hi atsüdaknü amütrübah, tüsho lungto ching yo mukhukenü nüsa reangkeamshihbah.

ISAIA 7:23

Ju nimung kurungaso 1000 lapung, shotoyinchi 1000 dünkhi ju, khingphu tüsho ayangrungnü chakdoabahbah.

JEREMIA 2:7

Inü nü suhdahkhi lomi ching sangaso tüsho atsü mungjibo tsühshihpü bedarü. Tüshe küyimki nü yüzahkhea, nünü I lomi müneanabah, tüsho I yamrüplurüp athraneanbe kamshih.

JEREMIA 5:17

Arünü nüsa yimlukhi tüsho tsühyungbe tsühabahbah; arünü nüsa tsührübo le tsührübebo tsühabahbah; arünü nüsa mihnu boto tüsho moshibo tsühabahbah; arünü nüsa kurungasobo le khubaso tsühabahbah; arü nukshangnü nüsanü mulonglamde chipi ayünkhi kiutobo thsümünimbah.

EZEKIEL 27:17

Juda tüsho Israel lominü nü lung yinzüyindo; wheat hi, minnith, danji, mukhuke, müdangke, tüsho molikenü nü kukrukbo müthriachih.

HOSEA 2:22

tüsho alonü hi, yukhu, tüsho müdangke ki alobah, tüsho arünü Jezreel ki alobah;

HOSEA 2:8

Inü anihbe ki hi, yukhu tüsho müdangke tüsho anihbenü Baal kingaünkhi ching ahorikhi suna jihkheah de alibenü mümükheah.

MIKA 4:4

tüshe arü alala arü nihbuh kurungaso tüsho khubasodung khüp binbah, tüsho shenü arü mütreshih; tümüde Wuto Atungpuh münnü asukdo.

HABAKKUK 3:17

Khubasodung mupungpung she, tüsho kurungasodungbo kheak aso mükihkih she; olivnü masoso she tüsho thulubonü jim makhiukkhiuk she; mihnu yam chingnü mihnu boto mülade kamkam she, tüsho moshi yam chingnü moshi boto mülade kamkam she,

WÜHKHE 13:23

Arübo Eshkol dükhün ching arü tüsho arünü ju ching kurungaso düchi lipkhibahle amülangmonü mihtsürü mahne dükeak sang riyukbahle han, arünü tsarümkiu tüsho khubasobo she hanbah arü.

JOHAN 6:13

Jumonü arünü atsüh aning barli yikhap 5 chingnü adütre muluk 12 mide hanmukhung.

JOHAN 6:9

“Ha lim azürü khülangnü Barli yikhap 5 tüsho thüngüh 2 de lah, tüshe junü hadükhüh külungki athsangpü?”

YUZÜNGTHALO 32:13

Apinü api alomi achang kheak binshih, tüsho apinü thulu chingnü akhiukkhi tsüh; tüsho apinü api mukhuke lung chingnü ngüshih, tüsho lungtraktrak chingnü müdangke akhiukshih.

YUZÜNGTHALO 32:14

Moshi chingnü niuhke kingkungkhi tüsho mihnu chingnü niuhke, namfimihnunu tüsho namfimihnupung müdang bede, Bashan namfimihnupung amokhitkhi, atsüdak wheat hi tüsho amokhitkhi yukhu nünü yung. @SP ACE=

YUZÜNGTHALO 6:3

Jumonü O Israel aniang, tüsho ha yande arhimopü kümkangang, junangde nüsa tsüde alabah, tüsho Atungpuh nüsa bebuhrü Thrünpuhnü nüsa ki thiyuchihchimkhi nangde niuhke tüsho mukhuke bukde alakhi lomi ching tode wüh bubah.

YUZÜNGTHALO 8:7

Tümüde Atungpuh nüsa Thrünpuhnü nüsa alo atsü ayung lakhibo, tüsho kenü jindükhün le awungbo thrip bukde ayükhi lo ching bebah yüchoh,

YUZÜNGTHALO 8:9

nüsanü anüzhak mülade yikhap tsühpung lo, ju ching nüsa tümü she mümükheak, yinchi lungbo lakhi lo tüsho ju wungbo chingnü nüsanü müwayinchi kiukhitbah.