YUZÜNGTHALO 8:6 - AMÜSÜH HÜM CL Bible (BSI)

⁶ Jumonü nüsanü api limro ching tsahde tüsho trede, Atungpuh nüsa Thrünpuh yukhümbo zobeah.

YUZÜNGTHALO 8:6 Iomraidhean Croise

2 KIUTHSÜYUKHEAN 6:31

Hanangde nünü isa jipürübo ki jihkhi lo ching arü lakhi nimungbo alala ching arünü nü trebah tüsho nü limrobo ching tsahbah.

MUNGSHIKHÜN 128:1

Shepünü Atungpuh trecho, shepünü api limrobo ching tsahchonü müngühmühi.

ABEKHIT 18:20

Tüsho nünü arü ki thiyuzüng le yakzanbo thsangyubah tüsho arünü atsahpü limro tüsho rhimopübo huhbah.

LUKNÜ ATHRÜTKHI THIYUSHEAK-ATSÜ HUHTANYU 1:6

Ane chido Thrünpuh miki alungki, Atungpuh yukhüm tüsho thiyuzüngbo yande jakreak mükihde alakheah.

YUZÜNGTHALO 5:29

O, arünü I wüntrekhi hadürü arü mulong ching lade kamruhroro I yukhüm zokhülaa, junangde arü tsührübo kheak lünnü tsüde alabah!

YUZÜNGTHALO 5:33

Nüsanü lüpdükhi ching Atungpuh nüsa Thrünpuhnü thiyukhüm jihkhi ching tsahang, junangde nüsa rhangdung tsüde alabah, tüsho nüsanü amükühpü lakhi lo ching nüsa kutsüp ashang alabah.

YUZÜNGTHALO 8:5

Jumonü nüsa mulong ching mükheahang, mihtsürü khülangnü atsührü danyukkhi nangde, Atungpuh nüsa Thrünpuhnü nüsa danyukchoh.

YUZÜNGTHALO 8:7

Tümüde Atungpuh nüsa Thrünpuhnü nüsa alo atsü ayung lakhibo, tüsho kenü jindükhün le awungbo thrip bukde ayükhi lo ching bebah yüchoh,

1 SAMUEL 12:24

Atungpuh lang treang, tüsho nüsa mulong athrünkhinü api khiukde tankihang; tümüde apinü nüsa thsungkheak tümü ato rhimodünü lümakheahang.