YUZÜNGTHALO 8:5 - AMÜSÜH HÜM CL Bible (BSI)

⁵ Jumonü nüsa mulong ching mükheahang, mihtsürü khülangnü atsührü danyukkhi nangde, Atungpuh nüsa Thrünpuhnü nüsa danyukchoh.

YUZÜNGTHALO 8:5 Iomraidhean Croise

2 SAMUEL 7:14

I api abuh thsübah, tüsho api I tsührü thsübah. Küyimki apinü amülim rhimobanü, mihtsürünü shuhbah arhapbe tsonü api thsümüchibah.

MUNGSHIKHÜN 89:32

inü arü neakbo dün thsümüchibah; arünü amülimbo rhimokhi dün inü arü thsünüshihbah.

MUNGSHIKHÜN 94:12

Mihtsürü shepü ki nünü khuhlanga huhchonü, O Atungpuh , tüsho nü yakzan chingnü thsangyuchonü müngühmühi;

MÜCHITMUDU 13:24

Shepünü tso zomuwuhchonü api tsührü thraneanchoh, tüshe shepünü api muzholanü kümkangde danchoh.

MÜCHITMUDU 3:11

I tsah-a, Atungpuhnü adanyukkhi mükhemükim düthsü tüsho apinü athürühkhi bukdakhiuk,

MÜCHITMUDU 3:12

tümütüsho buhrü khülangnü tsührü kheak asühkhi nangde Atungpuhnü shepü kheak muzhochonü apinü thsülangchoh.

T H S AN GYU T H S AN GR ARÜ 7:14

Tsüde alakhi nimung asühang, tüsho küpkhuk arükhi nimung lümakheahang; Thrünpuhnü khülang she tüsho püpü she thründo, junangde mihtsürübonü arü dunglim tümü arübanü müyimkhit.

ISAIA 1:3

Moshipungnü atungrü mükheahlah, tüsho donkinü aputungrünü yimkippung mükheahlah; tüshe Israelnü mümükheah, I mihtsürünü manikhit.

EZEKIEL 12:3

Jumonü, mihtsürü tsührü, ramtso thsungkheak nü kukrukbo tsanglungang tüsho animuro kim ching arünü akheahchoki tsahmusuang tüsho püpü lim yüang. Arübo azhih mihtsürü thsüthsü she, khükijua arünü anikhitbah.

EZEKIEL 18:28

Tümütüsho apinü alakmihkhi alala lümakheahchoh tüsho jurü chingnü rholode tsochoh, tsükjide api alabah; api müshe.

1 KORINT 11:32

Tüshe küyimki Atungpuhnü isa yukhapbanü, isa danyuka lah, junangde alomi lung isa mübahyuk.

YUZÜNGTHALO 1:31

tüsho mihtsürünü nihbuh tsührü buhkhi ruk sunglo tüsho ha khiungde arükhi lomi ching Atungpuhnü künangde nüsa buhde arükheanü nüsanü ngüdo.

YUZÜNGTHALO 4:23

Kümkangang, Atungpuh nüsa Thrünpuhnü tangzüngkhi nüsanü dümihabah, tüsho nüsa Thrünpuhnü düh de athakhi nüsanü tümükhüh jak yande sangthsü düthsü.

YUZÜNGTHALO 4:36

Apinü nüsa thsangdanpü thsüde thüning chingnü api düsheak soshihdo; alomi kheak apinü nüsa ki mo ato huhdo, tüsho nüsanü api yu mo phulungnü sodo.

YUZÜNGTHALO 4:9

Nüsa thsungkheaknü mük-yukde kümkangang, jude müthsüsho nüsa müknü angükhi mihabahbah, tüsho nüsa rhangdung lakhi amuyung nüsa mulong chingnü chamkhide atsobah. Tüsho jurübo nüsa tsührübo le tsühsoniusobo ki thsangyuang,

YUZÜNGTHALO 8:6

Jumonü nüsanü api limro ching tsahde tüsho trede, Atungpuh nüsa Thrünpuh yukhümbo zobeah.

AMIKHEAKAKHIUKKHI 3:19

Sherü ki inü muzholanü, inü thürühchoh tüsho thsümüchichoh; jumonü künsahde laang tüsho mulong müthriang.