YUZÜNGTHALO 8:3 - AMÜSÜH HÜM CL Bible (BSI)

³ Tüsho apinü nüsa azhihayihshihpü khümshih tüsho nüsa kilim manna kip, küpü nüsa yungsho nüsa bebuhrübonü mümükheahkhea, junangde mihtsürü ju yikhapnü lang rhangdung müla de nüsanü amükheahbah, tüshe mihtsürü ju Atungpuh mün chingnü athakhitkhi abannü rhangdung lah.

YUZÜNGTHALO 8:3 Iomraidhean Croise

MUNGSHIKHÜN 105:40

Mihtsürübonü kheang, tüsho apinü wuhkhi lude arü, tüsho yinmi yikhapbonü arü reangkeamshih.

MUNGSHIKHÜN 37:3

Atungpuh kheak kinang, tüsho atsü rhimoang; lomi ching khümkhita laang.

MATHI 4:4

Tüshe apinü alo, “Amüsühyunü thachoh, ‘Yikhap müthsünnü mihtsürü mülachoh, tüshe Thrünpuh mün chingnü akhiukkhi yu abannü lah.’”

LUKNÜ ATHRÜTKHI THIYUSHEAK-ATSÜ HUHTANYU 4:4

Tüsho Jisunü api ki alo, “Ha thrüta lah, ‘Mihtsürü ju yikhapnü lang rhangdung müla.’”

1 KORINT 10:3

tüsho alalanü rukhüh me jim tsüh

YUZÜNGTHALO 29:5

Tüsho inü nüsa sunglo ching kam yirü bedo. Nüsa khimmihbo tüsho nüsa jingkhümpübo mümürhüt;

YUZÜNGTHALO 29:6

nüsanü yikhap mütsüh, yungsho yukhu le püpü ayungbe muyung; tüshe nüsanü api ju Atungpuh nüsa Thrünpuh ah de amükheahpü thsüde Atungpuhnü nüsa tsühyungpü jih.

YUZÜNGTHALO 32:47

Tümüde ha nüsa thsungkheaknü akeangkeang yung, tümütüsho ha nüsa rhangdung, tüsho ha yunü nüsa Jordan hode yübah mükühpü lo ching jingtsüpkutsüp labah.”

YUZÜNGTHALO 9:9

Atungpuhnü nüsa kilim thsüjihkhi tangzüng lungbeakbo leangkhia lupü küyimki I müzüng ching wutukhea, inü müzüng ching nimung yirü tüsho tsüngre yirü mung; inü yikhap she mütsüh yungsho ke she muyung.