YUZÜNGTHALO 8:2 - AMÜSÜH HÜM CL Bible (BSI)

² Tüsho Atungpuh nüsa Thrünpuhnü sunglo ching nimung yirü bedarükhi nüsanü alümkhitbah, junangde apinü nüsa azhihayihshihde, nüsanü api yuzüng anidüshi yungnü nüsa mulong ching lakhi mükheahpü rükakibah.

YUZÜNGTHALO 8:2 Iomraidhean Croise

THRÜNTAN 22:1

Kim anükhüh dunglim Thrünpuhnü Abraham ki rükakide tha, “Abraham!” Apinü alo, “I ha ching lah.”

2 KIUTHSÜYUKHEAN 32:31

Kheaküshe, Babilonrü limburü, lomi ching amütsan rhimokhi dünkheak keokhikeorashihpü arünü athiyikhi she, api mulong ching lakhi alala apinü mükheahpü thsüde rükakiakheahpü Thrünpuhnü api kheaknü akhin.

2 KIUTHSÜYUKHEAN 33:12

Api lümthsünü ching lachoki apinü anihbuh Thrünpuh, Atungpuh ki tamkhüntamnü tüsho anihbuh jipürü Thrünpuh miki tode azhihayihde kam.

2 KIUTHSÜYUKHEAN 33:19

Api tamkhüntamnü, tüsho künangde Thrünpuhnü api tamkhüntamnü leangkhikhea, api neak alala tüsho api akin mülakhi, api mulong mümüthrichoki achang dangpungbo thsübah Ashera sangthsübo zhipshihkhi lopungbo angürü yukhean ching thrüta lah.

NEHEMIA 9:19

Nünü arü sunglo dang ching mübahjih, tümüde nü amüthsüm ju ato. Animung tüsho azhing limro huhkhi amo dungto yungsho mo dungto nünü lubah mutso.

JOB HU H T ANYU 33:17

junangde apinü arübo arü rhimobo chingnü beakhinbah, tüsho kükheangkhi chingnü arü bemuwuhbah,

MUNGSHIKHÜN 103:2

Atungpuh shiang, O I me, tüsho api alü thsükhibo alala dümih:

MUNGSHIKHÜN 106:7

Isa jipürübonü Ijip ching nü amüyinsahbebo manikhit; arünü mükhebinkhi nü amüthsümbo mülümkhit, tüshe Amürüm Keto yeannü Wutobuh azhih.

MUNGSHIKHÜN 136:16

api mihtsürü sunglo hode abehobuh kilim, tümüde api amüthsüm lünnü rünkhiungde lah;

MUNGSHIKHÜN 77:11

Inü Atungpuh rhimobo lümkhitbah; tsükjide inü adüso nü yo amüyinsahbebo lümkhitbah.

MUNGSHIKHÜN 81:7

Nünü küpkhukchoki ji, tüsho inü nü bekhit; inü tsüngmuk ajik dangpung chingnü nü ki alo, inü nü Meriba kebo ching rükakheah.

ABEKHIT 15:25

Tüsho apinü ATUNGPUH ki zhi; Atungpuhnü api ki sang khülang huh, tüsho apinü ju ke ching jipyukshe, ke ju aniung kam. Ju ching apinü arü thsungkheak yakzan tüsho thiyuzüngbo thsakham. Tüsho apinü ju ching arü rükakheah,

ABEKHIT 16:35

Arü lapü lomi ching arükhi khiungde Israelrünü manna ju kam yirü tsüh; arünü Kanan aredungyean khiungde manna tsüh.

ABEKHIT 16:4

Judüki Atungpuhnü Mosa ki tha, “Kheahang, inü nüsa thsungkheak yinmi chingnü yikhap akishihbah; tüsho mihtsürübonü wukhiukbah nimung shihcham thsükhi lubah, junangde arünü I yakzan ching tsahba shi yungnü inü amütsanbah.

ABEKHIT 20:20

Tüsho Mosanü mihtsürübo ki tha, “Dütre; tümüde nüsa rüka kheahpü Thrünpuh arüdo, tüsho api trekhi nüsa miki labah, junangde nüsanü neak müyihbeak.”

MÜCHITMUDU 17:3

Suna tüsho shotoyinchi ju monü thsahakheahchoh, tüshe Atungpuhnü mulong rükakheahchoh.

ISAIA 2:17

Changdealümrü mihtsürü aninibe kamshihbah, tüsho mihbüm aban kükheangkhi thokheambah; tüsho ju nimung Atungpuh lang ashuhkihbah.

JEREMIA 2:6

“Atungpuh küching la, shepünü isa Ijip chingnü bede atukhea, shepünü isa sunglo ching bede yükhea, loshelo tüsho alokhünbo lakhi lomi ching, akung tüsho khide amiting lomi ching, shenü mütsahhokhi lomi ching, küching sheshe mülakhea?” de arünü mütha.

EZEKIEL 20:19

I Atungpuh nüsa Thrünpuh; I yakzan thsükhibo yanang tüsho I yakzanbo zopü kümkangang.

AMOS 2:10

Kheaküshe inü nü Ijip lomi chingnü bekhit, tüsho Amorrü lo müküh-a lushihpü kam yirü sunglo ching be.

WÜHKHE 14:33

Tüsho nüsa tsührübo sunglo ching kam yirü rümde atsahbah, tüsho nüsa ashemi sunglo chingnü mükheam khiungde nüsanü thiyuro mülakhi dünkheak thsünübah.

LUKNÜ ATHRÜTKHI THIYUSHEAK-ATSÜ HUHTANYU 18:14

Inü nüsa ki thachoh, ha buh mihtsürü ju püpürü kheaknü alimbe thsübah anihbuh yam ching yükido; tümüde shepünü küdah thsüde shuhkihchonü abobe kambah, tüsho shepünü küdah thsüde aninibe kamchonü ashuhkihbah.”

JOHAN 2:25

tüsho khürünü mihtsürü dünkheak thiyumütsan thsüpü yihnüpü müla, tümüde apinü mihtsürü kheak lakhi alala mükheah.

YUZÜNGTHALO 1:3

Kheakü kam yirü, khinu thürükheak khülang, akhuhbe nimung ching Atungpuhnü arü thsungkheak thiyuzüngbo api kheak jihkhi nangde Mosanü Israel mihtsürübo ki tha.

YUZÜNGTHALO 1:33

shepü nüsa khimyam thsüpung kheahjihpü nüsa müngüh yü, nüsa yüpü limro huhde, azhing ching mo dungtonü be tüsho animung amo dungtonü be.

YUZÜNGTHALO 13:3

nüsanü wukihrü yungsho milim müchitrü ki dani, tümüde atsütsü nüsanü Atungpuh nüsa Thrünpuh mulong alalanü tüsho me alalanü muzhola shi yungnü ju mükheahpü Atungpuh nüsa Thrünpuhnü nüsa rükakichoh.

YUZÜNGTHALO 2:7

“Tümüde Atungpuh nüsa Thrünpuhnü nüsa khah rhimokhi alala ching müngühjihdo. Apinü nüsa ha sunglo ato hode keaksahde atsahkhi mükheahlah. Ha kam yirü Atungpuh nüsa Thrünpuh nüsa lung lado; tüsho nüsa tümü she müngüde müla.

YUZÜNGTHALO 29:5

Tüsho inü nüsa sunglo ching kam yirü bedo. Nüsa khimmihbo tüsho nüsa jingkhümpübo mümürhüt;

YUZÜNGTHALO 32:7

Awün nimungbo lümkhitang, lün ashang hokhibo lümkhitang; nü buh ki keokhiang, tüsho apinü nü ki huhbah; azothsürübo ki keokhiang, tüsho arünü nü ki thabah.

YUZÜNGTHALO 7:18

Nüsanü arü dütre, tüshe Atungpuh nüsa Thrünpuhnü Pharao tüsho Ijiprübo kheak tümü rhimokheanü nüsanü lümkhitang,

YUZÜNGTHALO 8:16

Akheam ching nüsa tsüde alashihpü apinü nüsa kilim nüsa bebuhrünü küyimkishe mümükheahkhi, nüsa azhihayihshihpü tüsho rükakipü atsühbe manna kip.

JAKOB 1:3

tümüde nüsa akin rükakikhinü arümkheam akhiukshihchoh de nüsanü mükheahlah.

JAKOB 4:10

Nüsanü Atungpuh miki azhihayihang tüsho apinü nüsa shuhkihbah.

JAKOB 4:6

Tüshe apinü amüthsüm alü jihchoh; jumonü apinü thachoh, “Thrünpuhnü akükheangrü yanlochoh, tüshe azhihayih kilim amüthsüm jihchoh.”

1 PETER 1:7

junangde Jisu Khrista amikheak akhiukchoki nüsa akin ju dükheakabahbe suna monü thsahakheahkhi kheaknü alü shoto mungshi, müretah tüsho wüntre ngübah.

AMIKHEAKAKHIUKKHI 2:23

tüsho inü anihbe tsührübo shika sheshihbah. Tüsho borübo alalanü lümkhi tüsho mulong yimbuh ju I ah de amükheahbah, tüsho inü nüsa aban kilim rhimobonü athülünkhi jihbah.

MAHKHAPRÜ 2:22

junangde jurü hode inü Israelrü ju arü bebuhrünü Atungpuh limro ching tsahkhi nangde rhimonahnü rükakiakheahbah.”

MAHKHAPRÜ 3:4

Arübo ju Atungpuhnü Mosa hode arü bebuhrü kilim jihkhi Atungpuh yukhüm aninahki de Israelrü rükakipü lakheah.