YUZÜNGTHALO 7:7 - AMÜSÜH HÜM CL Bible (BSI)

⁷ “Nüsa wühkhe hihmonü Atungpuhnü nüsa muzhokhi yung yungsho amokhitkhi yung, tümüde nüsa mihtsürü alala bolungnü anükbe ah;

YUZÜNGTHALO 7:7 Iomraidhean Croise

1 KIUTHSÜYUKHEAN 16:19

Küyimki arü akhekhi nükde alakhea, kheakheahkhi anikhüh, tüsho ju ching mihsobo la,

MUNGSHIKHÜN 105:12

küyimki arübo akhekhi nükde alakhea, atsütsü ju ching khide nükde, tüsho jaksorü lakheah.

MUNGSHIKHÜN 105:6

O api yamlarü Abraham müjih, nüsa Jakob tsührübo, apinü amokhitkhibo!

MUNGSHIKHÜN 115:1

Isa kilim yung, O Atungpuh , isa kilim yung, tüshe nü amüthsüm tüsho nü thiyuro dünkheaknü nü mung müretahshang.

MUNGSHIKHÜN 44:3

Arü nukshangnü lomi kukkhi yung, yungsho arü binnü akuk angükhi yung; ha nü khah tsülim, nü bin tüsho nü miro ayin, tümüde nünü arü muzho.

ISAIA 51:2

Nü buh Abraham tüsho nü zübebe Sara kilim kheahang; tümüde inü api zangrü jikheah, tüshe inü api müngühjih tüsho api hihde kamshih.

ISAIA 63:9

Arü lümthsünü alala ching api she lümthsünüde kam, yunirü khülangnü yung tüshe Atungpuhnü arü khümkhit; api muzho ching tüsho api khah-ching müyüzahkhinü arü bemusu tüsho awün nimungbo alala ching buh.

EZEKIEL 20:5

tüsho arü ki thaang: Wuto Atungpuhnü ha thachoh: Inü Israel mokhit nimung, inü I khah shuhkihde Jakob yamkhün tsühsoniuso ki thiyuchihchim thsü tüsho Ijip ching arü ki I akhiuka huh. I khah shuhkihde inü arü ki tha, “ I Atungpuh nüsa Thrünpuh.”

EZEKIEL 36:22

Jumonü Israel yamkhün ki thaang, Atungpuh Thrünpuhnü ha thachoh: Ha nü thsülimnü inü arhimopü thsüchoh yung, O Israel yamkhün, tüshe nü arüpung trükshih bolung nünü müneanjihkhi I mung amüsüh thsülimnü ah.

MATHI 7:14

Tümütüsho rhangdung lim bekhi ju chipimurung amütsüm tüsho limro chaklah, tüsho ju ngürü nüklah.

LUKNÜ ATHRÜTKHI THIYUSHEAK-ATSÜ HUHTANYU 12:32

“Dütre, aninibe boto, tümüde nüsa Abuhnü nüsa kilim kiulongthsü jihpü mulonglah.

ROMRÜ KILIM PAULNÜ ATHRÜTKHI KIHÜM HUHTANYU 11:6

Tüshe ju amüthsüm hode a sho, kheaküa rhimo hode müla; jude yungsho amüthsüm ju atsütsü amüthsüm yungde alabah.

ROMRÜ KILIM PAULNÜ ATHRÜTKHI KIHÜM HUHTANYU 9:18

Junangde apinü amulongrü kheak mihmüthsüm lah, tüsho apinü amulongrü mulong müküpshihchoh.

ROMRÜ KILIM PAULNÜ ATHRÜTKHI KIHÜM HUHTANYU 9:21

Phühdamrünü alo neamkhi rukhühnü khülang adungto tüsho püpü ju yancho thsungkheak rhimopü alim müla de?

YUZÜNGTHALO 1:10

Atungpuh nüsa Thrünpuhnü nüsa wüh bushihdo, tüsho thüning ching lakhi amükhebin chiningbo nangde, khihni nüsa ha ching lah.

YUZÜNGTHALO 10:22

Nüsa jipürü mihtsürü 70 Ijip lim yüki, tüsho kheakü Atungpuh nüsa Thrünpuhnü nüsa thüning ching chiningbo nangde hihde kamshih.

YUZÜNGTHALO 14:2

Tümüde Atungpuh nüsa Thrünpuh kilim nüsa amüsüh mihtsürü ah, tüsho alomi mihtsürü alala kurungkheak lakhit atsübe Atungpuhnü api thsungkheak nüsa mokhit.

YUZÜNGTHALO 4:37

Tümütüsho apinü nüsa bebuhrü muzho, jumonü apinü arü dunglim tsühsoniusobo mokhit; tüsho api wunü nüsa Ijip chingnü bekhit.

1 JOHAN 3:1

Isa Thrünpuh tsührü de ajipü thsüde Abuhnü küdükhüh isa muzholanü kheahang; tüsho junangde isa lah. Alominü isa mümükheahkhi amütsan ju api mümükheahkhinü ah.

1 JOHAN 4:10

Ha amuzho lah: isanü Thrünpuh muzhokhinü yung, tüshe apinü isa muzho tüsho isa neak dünthsükhipü api tsührü arüshih.