YUZÜNGTHALO 7:4 - AMÜSÜH HÜM CL Bible (BSI)

⁴ Tümüde jurü liberübonü nüsa tsührübo püpü thrünpuhbo tankihshihpü I kheaknü beakhinde atsobah; junangde nüsa azhihde Atungpuh bukakhiukbah tüsho nüsa nahde adükheakbah.

YUZÜNGTHALO 7:4 Iomraidhean Croise

1 KIULONG THSÜRÜ 16:31

Nebat tsührü Jeroboam neakbo ching tsahpü ju api thsungkheaknü athülih müdam, apinü Sidonrü kiulongthsüpuh Ethbaal tsührü Jezebel aniube thsüpü lu, tüsho yübah Baal tankih tüsho api kingaün.

ABEKHIT 20:5

nünü arü ki dükhukning yungsho dükingaün. Tümüde I Atungpuh nüsa Thrünpuh, mükthsü Thrünpuhnü bebuhrü mülimkhi tsührübo kheak lün mahsam tüsho lün phüyi khiungde I thraneanrü rhua kheahchoh,

ABEKHIT 34:16

Tüsho küyimki nüsa tsührü niuberü thsüpü arü tsührübebo lujihbanü arü thrünpuhbo kheak müzammüramkhinü nüsa tsührübo junangde arhimoshihbah.

YUZÜNGTHALO 20:18

jude yungsho arünü arü thrünpuhbo ki rhimokhi athraneanbebo yande arhimoshihpü nüsa ki thsangyubah tüsho Atungpuh nüsa Thrünpuh azhihde nüsanü neak yihbeakbah.

YUZÜNGTHALO 4:26

khihni nüsa azhihde inü thüning tüsho alo jichoh, junangde nüsa Jordan hode ayükhi lomi chingnü shahde adükheakkhambah; nüsa nimungbo mushuhakhin, tüshe shahde adükheakbah.

YUZÜNGTHALO 6:15

tümüde nüsa lung lakhi Atungpuh nüsa Thrünpuh ju mükthsübuh Thrünpuh; jude yungsho Atungpuh bukakhiukkhi nüsa kheak labah, tüsho apinü nüsa alomi kheaknü dükheakshihbah.

JIHUSUA 22:15

Arübo Reuben, Gad, tüsho aniyüzahlim Manase mihtsürübo yimde Gilead ching arü,

JIHUSUA 23:12

Tümüde nüsanü rholode yübah nüsa lung aninga larü trükbo lung thsürude yihluachihsho,

MAHKHAPRÜ 2:11

Judüki Israelrübonü Atungpuh miki amütsü ju rhimo tüsho Baalbo tankih;

MAHKHAPRÜ 2:20

Jumonü Atungpuhnü Israelrü kheak khide bukakhiukde tha, “ Tümütüsho ha trükshihnü inü arü jipürü ki tangzüngkhi thsümünimdo tüsho I yu mani.

MAHKHAPRÜ 3:6

Arünü arü tsührü aliberübo yamkhün thsüpü lu tüsho arü tsührübebo arü tsührü kilim jih, tüsho arünü arü thrünpuhbo tankih.