YUZÜNGTHALO 7:2 - AMÜSÜH HÜM CL Bible (BSI)

² tüsho küyimki Atungpuh nüsa Thrünpuhnü arübo nüsa khah ching jihbanü arübo shahde adükheakkhambah. Nüsanü arü kheak tümü tangzüng düthsü yungsho mihmüthsüm dühuh.

YUZÜNGTHALO 7:2 Iomraidhean Croise

THRÜNTAN 14:20

Tüsho nü riribo nü khah ching yukjihbuh Khide Achang Thrünpuh shiang.” Tüsho Abramnü alala yo thürü shihcham api kilim jih.

2 SAMUEL 21:2

Jumonü kiulongthsüpuhnü Gibeonrü jibah arü ki asuk. (Kheakü Gibeonrü ju Israel mihtsürü yungde Amorrü aningkhi lakheah; Israel mihtsürübonü arü rhangdung lashihpü thiyuchihchima lalashe, Israel tüsho Juda mihtsürübo thsungkheak Saulnü anihbuh künkhi ching arü dükheakshihpü mürang.)

1 KIULONG THSÜRÜ 20:34

Ben-hadadnü api ki tha, “I buhnü nü buh kheaknü alukhi kiutobo jihlobah; tüsho I buhnü Samaria ching thsükhi nangde nünü nü thsungkheak Damaska ching yinzüyindopung thsübah.” Israel kiulongthsüpuhnü alo, “Jurübo dünkheaknü inü nü tsoshihanü.” Jumonü apinü anihbuh kheak binthrüm thsü tüsho api tsoshih.

EZRA 10:3

Jumonü I putungpuh ki lümlung-jihrü tüsho isa Thrünpuh yukhüm trede anirübonü ahuhkhi yande, isanü harü berü le arü tsührübo yana tsoshihpü isa Thrünpuh ki tangzünganü; tüsho ju yakzan yande rhimoshang.

MUNGSHIKHÜN 106:34

Arü ki Atungpuhnü thiyukhüm jihkhi yande arünü mihtsürübo mülaksah,

ABEKHIT 22:20

“Atungpuh kheak hode shepünü püpü thrünpuh ki laksah-a kingaünbanü shahde adükheakshihbah.

WÜHKHE 21:2

Tüsho Israelrünü thiyuchihchimde Atungpuh ki tha, “Nünü harü mihtsürü isa khah ching jihsho, isanü arü kiutobo shahde thsümünimjihbah.”

WÜHKHE 31:17

Jumonü azürü bolung athrürübo tüsho athrürü kheak nungrü aliberübo alala laksahang.

WÜHKHE 33:52

nüsanü ju lo ching larü alala yankhitbah lungnü kikiukkhi sangthsübo, tüsho dangpungbo alala thsümünimjang;

YUZÜNGTHALO 13:8

nünü api jude düthsüshih, yungsho api ki dani, yungsho api kheak muzhode dükheah, yungsho api daningshih yungsho api dütsungdo;

YUZÜNGTHALO 13:9

tüshe nünü dükde api laksahbah; api sheshihpü api azhihde akhuhde nü khah chungbah, tüsho jushu mihtsürü alala khah jipkihbah.

YUZÜNGTHALO 19:13

Nünü dümuzho, tüshe nünü amülim mükihrü thiyih bukkhi neak Israel chingnü yihkhita bahang, junangde nüsa kheak tsüde alabah.

YUZÜNGTHALO 2:33

Tüsho Atungpuh isa Thrünpuhnü api isa kilim jih; jumonü isanü api, atsührübo, tüsho api mihtsürü alala kukkheah.

YUZÜNGTHALO 2:34

Judüki isanü api kiutobo ludo, tüsho athrürü, aliberü, tüsho kiuto ching lakhi azürü aninibo sheshe maningshihde dükheakkhamshih.

YUZÜNGTHALO 23:14

Tümütüsho nüsa khümkhitpü tüsho thiriri nüsa kilim jihpü Atungpuh nüsa Thrünpuh nüsa binkheampung ching tsahchoh, jumonü nüsa binkheampung ju amüsüh labeah, junangde apinü nüsa bolung tümükhüh amünean müngü, tüsho nüsa kheaknü tsoa mübah.

YUZÜNGTHALO 25:12

nünü anihbe khah lipshakjang; nünü dümuzho.

YUZÜNGTHALO 3:3

“Jumonü Atungpuh isa Thrünpuhnü Bashan kiulongthsüpuh Og tüsho api mihtsürü alala isa khah ching yukjih, tüsho arü khülang she maningshihde laksahkham.

YUZÜNGTHALO 31:5

Tüsho Atungpuhnü arübo nüsa kilim jihbah, tüsho inü nüsa ki thiyukhüm jihkhi nangde nüsanü arü kheak rhimobah.

YUZÜNGTHALO 33:27

Akheam mülakhi Thrünpuh ju nü lapung lah, tüsho abukkhüp lakhi ju akheam mülakhi khahbo ah. Tüsho apinü thiriri nüsa müngühnü yana tsoshihchoh, tüsho tha, ‘Dükheang.’

YUZÜNGTHALO 7:16

Tüsho Atungpuh nüsa Thrünpuhnü nüsa kilim jihkhi mihtsürübo nüsanü adükheakshihbah, nüsa müknü arü kheak mümuzho; yungsho nüsanü arü thrünpuhbo mütankih, tümüde nüsa thsungkheaknü ju qimürip labah.

YUZÜNGTHALO 9:3

Jumonü Atungpuh nüsa Thrünpuh khihni nüsa müngüh motru aniukhi nangde yüchoh de mükheahang. Apinü arü sheshihbah tüsho nüsa miki hande akijihbah; jumonü Atungpuhnü nüsa ki thakhi nangde nüsanü arü yankhitbah, tüsho nahde adükheakbah.

JIHUSUA 10:28

Ju nimung Jihusuanü Makkeda tüsho ju kiulongthsüpuh laksah. Ju ching larü alala apinü sheshe maningshihde laksah. Apinü Jirikho kiulongthsüpuh kheak tümü rhimokheanü junangde Makkeda kiulongthsüpuh kheak she rhimo.

JIHUSUA 10:30

Tüsho Atungpuhnü Israel kilim kiuto tüsho ju kiulongthsüpuh arü khah ching jih; ju ching lakhi khülang she maningshihde arü nukshangnü laksahkham. Arünü Jirikho kiulongthsüpuh kheak rhimokhi nangde Libna kiulongthsüpuh kheak she rhimo.

JIHUSUA 10:32

Atungpuhnü nimung mahnepü ching Lakishrü ju Israelrü khah ching jih. Arünü Libna ching rhimokhi nangde ju kiuto ching khülang she maningde laksahkham.

JIHUSUA 10:40

Jumonü Jihusuanü lomi alala, awung lomi tüsho Negeb lokeam lobo, adüpheak tüsho arü kiulongthsürü alala yankhitkham; apinü sheshe maningshih, tüshe sheak thsükhi alala Atungpuh Israel Thrünpuhnü thiyukhüm jihkhi yande thsümünimjih.

JIHUSUA 10:42

Tüsho Jihusuanü kiulongthsürübo tüsho ju lomi khülang kinü lukham, tümüde Atungpuh Israel Thrünpuhnü arü thsung thsüde keochih.

JIHUSUA 11:8

Atungpuhnü arübo Israelrü khah ching jih; Israelrübonü Misrephothmaim, Sidon, tüsho Mizpa jindükhün aniakhiuklim khiungde müshamde yan. Thiriri müshekhamyi khiungde arünü yande laksah.

JIHUSUA 2:14

Anenü alibe ki tha, “Isanü athakhi nangde mürhimosho Thrünpuhnü isa rhangdung lushang! Isanü arhimokhi nünü lang she ki müthasho, küyimki Atungpuhnü ha lo isa kilim jihbanü isanü nüsa ki thiyuronü amuzho huhbah de alokhichoh.”

JIHUSUA 21:44

Arü jipürü ki tangzüngkhi nangde Atungpuhnü lomi mühi alala ching mungtsü jih. Arü riri shenü lang she arü azhihde müzhipkhuk, tümüde thiriri alala Atungpuhnü Israelrü khah ching jih.

JIHUSUA 8:24

Israelrübonü sunglo ching arü müshamrü lüpdükhi nuknü laksah; tüsho alode Ai lim yübah ju ching larü laksahkham.

JIHUSUA 9:24

Arünü alo, “ Atobuh, isanü ha rhimokheah, tümütüsho Atungpuh nü Thrünpuhnü ayamlarü Mosa kilim lomi athrünkhi tüsho ju ching larü mihtsürü nüsa yü yande alaksahshihpü thiyukhüm jihkhi dükdü ah de isanü mükheah. Nüsa tremonü ha rhimokheah; isa rhangdung thsungkheaknü trede alakheah.

JIHUSUA 9:7

Tüshe Israelrübonü Hivrü ki tha, “ Tümüde isanü nüsa kheak binthrüm thsüpü? Khükijua nüsa a le aphüni larü labah.”

MAHKHAPRÜ 1:24

Küyimki kiuto chingnü mihtsürü khülang akhiukde thirirhurübonü angükhea, arünü api ki tha, “ Kiuto ching yüzahpü limro isa ki huhang, tüsho isanü nü ki muzhode arhimobah.”

MAHKHAPRÜ 1:4

Judüki Judanü yü tüsho Atungpuhnü Kananrübo le Perizrübo arü khah ching jih, tüsho arünü Bezek ching arü 10,000 laksah.

MAHKHAPRÜ 2:2

Tüsho nüsanü ha lomi ching larü ki tangzüng müthsü; nüsanü arü kingaün sadam thsümünima keamshihbah.’ Tüshe nüsanü I yu mani. Tümüde nüsanü ha rhimokhea?