YUZÜNGTHALO 7:16 - AMÜSÜH HÜM CL Bible (BSI)

¹⁶ Tüsho Atungpuh nüsa Thrünpuhnü nüsa kilim jihkhi mihtsürübo nüsanü adükheakshihbah, nüsa müknü arü kheak mümuzho; yungsho nüsanü arü thrünpuhbo mütankih, tümüde nüsa thsungkheaknü ju qimürip labah.

YUZÜNGTHALO 7:16 Iomraidhean Croise

MUNGSHIKHÜN 106:34

Arü ki Atungpuhnü thiyukhüm jihkhi yande arünü mihtsürübo mülaksah,

MUNGSHIKHÜN 106:36

arünü arü sangthsübo tankih, ju arü ki qimürip kamabah.

ABEKHIT 23:33

Arübo nüsa lo ching dülashih, jude yungsho arünü I azhihde nüsa neak yihbeakshihbah. Tümüde nüsanü arü thrünpuhbo tankihsho, tsükjide ju nüsa ki qimürip labah.”

JEREMIA 21:7

Atungpuhnü thachoh, ju dunglim inü Juda kiulongthsüpuh Zedekia, api yamlarübo, tüsho ha kiuto ching larü mihtsürübo–arümtukthsü, nukshang tüsho khümzung chingnü rhangdung larü–Babilon kiulongthsüpuh Nebukednezar khah ching, arü rhangdung yimrü arü riri khah ching jihbah. Apinü arübo nukshang müzheannü alaksahbah; apinü arü amuzho müla, maningshih, yungsho mihmuzho müla.

WÜHKHE 33:55

Tüshe nüsanü ju lo ching larü yankhita mübahsho, nüsanü aninga zorübo junü nüsa mük alühde alabah tüsho nüsa rheang ki ayang thsübah; tüsho nüsa lakhi lomi ching arünü nüsa küpkhuk jihbah.

1 KORINT 15:33

Dümülapyukshih: “Müyamrü amütsünü yakli atsü thsümünimchoh.”

YUZÜNGTHALO 13:8

nünü api jude düthsüshih, yungsho api ki dani, yungsho api kheak muzhode dükheah, yungsho api daningshih yungsho api dütsungdo;

YUZÜNGTHALO 13:9

tüshe nünü dükde api laksahbah; api sheshihpü api azhihde akhuhde nü khah chungbah, tüsho jushu mihtsürü alala khah jipkihbah.

YUZÜNGTHALO 19:13

Nünü dümuzho, tüshe nünü amülim mükihrü thiyih bukkhi neak Israel chingnü yihkhita bahang, junangde nüsa kheak tsüde alabah.

YUZÜNGTHALO 19:21

Nünü dümuzho; tüshe rhangdung müthri rhangdung, mük müthri mük, hü müthri hü, khah müthri khah, jing müthri jing labah.

YUZÜNGTHALO 25:12

nünü anihbe khah lipshakjang; nünü dümuzho.

YUZÜNGTHALO 7:2

tüsho küyimki Atungpuh nüsa Thrünpuhnü arübo nüsa khah ching jihbanü arübo shahde adükheakkhambah. Nüsanü arü kheak tümü tangzüng düthsü yungsho mihmüthsüm dühuh.

YUZÜNGTHALO 7:25

Arü thrünpuhbo thsüa zokhi nüsanü monü atakbah; nüsanü arü kheak lakhi shotoyinchi yungsho suna dümürüh, yungsho nihbuh thsungkheak dulu, jude thsüsho junü nüsa mükhiplobah; tümüde ha Atungpuh nüsa Thrünpuh kilim athraneanbe lah.

JIHUSUA 11:20

Israelrü bede keochihshihpü Atungpuhnü arü ki lümkihshih, junangde arübo shahde thsümünimde tüsho mihmuzho mülade laksahkhamshihpü thsü. Ha Atungpuhnü Mosa ki thiyukhüm jihkhi ah.

MAHKHAPRÜ 2:12

tüsho arünü arü bebuhrü Atungpuh , Thrünpuh arü Ijip lomi chingnü bekhitbuh bahyuk; tüsho arünü arü mühi lakhi thrünpuhbo ki mükhümde kingaün; tüsho arünü Atungpuh bukakhiukshih.

MAHKHAPRÜ 2:3

Jumonü inü she tha, inü nüsa mikinü arü yankhita mübah; tüshe arü ju nüsa rheang ki ayangbo kamshihbah, tüsho arü thrünpuhbo ju nüsa ki qimürip kamshihbah.”

MAHKHAPRÜ 3:6

Arünü arü tsührü aliberübo yamkhün thsüpü lu tüsho arü tsührübebo arü tsührü kilim jih, tüsho arünü arü thrünpuhbo tankih.

MAHKHAPRÜ 8:27

Gideonnü sunanü sangthsü khülang thsüa api lapung kiuto, Ophra ching zo. Israel alalanü Thrünpuh bahyuk tüsho yübah sangthsü kingaün. Gideon tüsho api yamkhün thsungkheaknü ju qimürip kamabah.