YUZÜNGTHALO 7:12 - AMÜSÜH HÜM CL Bible (BSI)

¹² “Tümütüsho nüsanü harü yuzüngbo anide arhimokhi hode, Atungpuh nüsa Thrünpuhnü nüsa kheak tangzüngkhi tüsho nüsa bebuhrü kheak mihmüthsüm jihpü alokhikhi zobah.

YUZÜNGTHALO 7:12 Iomraidhean Croise

1 KIULONG THSÜRÜ 8:23

Apinü tha, “O Atungpuh ; Israel Thrünpuh, nü yamlarübo arü mulong athrünkhinü nü müngüh tsahrü thsungkheak tangzüng zokhi tüsho düngyingde muzhokhi nü nangde achanglim yinmi ching tüsho abolim alomi kheak Thrünpuh sheshe müla,

NEHEMIA 1:5

Inü tha, “O Atungpuh yinmi Thrünpuh! Nü ato tüsho atrebe Thrünpuh; nü muzhorü tüsho nü yuzüng yanrübo kheak tangzüngkhi nünü zochoh.

NEHEMIA 9:32

O Thrünpuh, isa Thrünpuh, nü küdükhüh ato! Küdükhüh atrebe, küdükhüh wu! Nünü tangzüngkhibo thiyuronü rhimodo. Asiria kiulongthsürünü isa junokhi chingnü, kheakü khiungde! Isa kiulongthsürübo, limberübo, amükeamrübo tüsho wukihrübo, jipürübo, tüsho mihtsürü alala kheak küpkhukkhi nü miki anikhüh nangde dükamshih!

MUNGSHIKHÜN 103:18

api tangzüng zorü kilim tüsho sherünü api yukhümbo rhimopü lümkhitcho.

MUNGSHIKHÜN 149:9

thrüta lakhi mahkhap arü kheak rhimopü– ha api amüsührü alala müretah lah. Atungpuh shiang!

ABEKHIT 15:26

tüsho tha, “Nüsanü Atungpuh nüsa Thrünpuh yu anide api miki alungki rhimode api yukhümbo anide tüsho api yakzan alala zosho, inü Ijiprü kheak hande arükhi tukthsübo tümü she nüsa kheak müyükihshih. Tümüde I nüsa thsüngurü Atungpuh ah.”

JEREMIA 11:5

junangde khihni lakhi nangde nüsa jipürü ki niuhke tüsho mukhuke bukkhi lomi jihpü thiyuchihchimkhi inü arhimobah. Judüki inü alo, “Jude thsang, Atungpuh .”

DANIEL 9:4

Inü Atungpuh I Thrünpuh ki tamkhüntamnü tüsho neak alokhide tha, “ O, Atungpuh , ato tüsho atrebe Thrünpuh, shepünü nü muzhorü kheak tangzüng tüsho mihmüthsüm zocho tüsho nü yukhüm zocho,

MIKA 7:20

Nünü awün nimungbo ching isa jipürü ki thiyuchihchimkhi nangde Jakob ki thiyuro tüsho Abraham ki mihmüthsüm huhbah.

LUKNÜ ATHRÜTKHI THIYUSHEAK-ATSÜ HUHTANYU 1:55

Apinü isa jipürübo Abraham tüsho api müjih ki lünnü asukkhi nangde lah.”

YUZÜNGTHALO 1:8

Kheahang, inü nüsa müngüh alo zojihlah; Atungpuhnü nüsa bebuhrübo– Abraham, Isak tüsho Jakob tüsho arü dunglim tsührübo kilim jihkhi lo ching yüzahbah mükühang.”

YUZÜNGTHALO 11:13

“Tüsho nüsanü khihni inü ajihkhi thiyukhümbo düshihde anide, nüsa mulong athrünkhinü tüsho me athrünkhinü Atungpuh nüsa Thrünpuh tankihsho,

YUZÜNGTHALO 5:10

tüshe I muzhorü tüsho I yukhüm anirü; chithürübo kilim amüthsüm huhchoh.

YUZÜNGTHALO 7:11

Jumonü nüsanü inü khihni rhimode alapü thiyukhüm jihkhi thiyukhümbo, yakzanbo, thiyuzüngbo zoang.

YUZÜNGTHALO 7:9

Jumonü Atungpuh nüsa Thrünpuh ju Thrünpuh, thiyuronü tangzüngkhi tüsho amüthsüm chithürü lünbo ching, sherünü api muzhocho tüsho thiyukhüm anirü kheak thiyuro Thrünpuh ah de mükheahang;